5 - ايدىڭ 17 - كۇنى ورتالىق راديو - تەلەۆيزيا باس ستانسياسى حانزۋ ءتىلى ورتالىعىنىڭ تىلشىلەرى مەن لياۋنيڭ راديو - تەلەۆيزياسى اقپارات ورتالىعىنىڭ تىلشىلەرى شاۋەشەك قالاسىنىڭ گارمون مۇراجايىندا شاۋەشەك قالاسىنىڭ مادەنيەت قۇرىلىسى جاعدايى جونىندە تىلشىلىك ىستەۋدە.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ميھىرگۇل ناسىر 5 - ايدىڭ 21 - كۇنى ۇرىمجىدەن حابارلايدى. 5 - ايدىڭ 20 - كۇنى ورتالىق كوميتەت ۇگىت ءبولىمى ۇيىمداستىرىپ ورىستەتكەن ”ءتورت ماۋسىمداعى شينجياڭعا نازاردىڭ“ ”گۇل تاماشالاي ءجۇرىپ شينجياڭعا كوز جىبەرۋ“ كولەمدى نەگىزگى تاقىرىپتىق تىلشىلىك قيمىلى اياقتادى.
5 - ايدىڭ 16 - كۇنىنەن 5 - ايدىڭ 20 - كۇنىنە دەيىن حالىق گازەتى، شينحۋا اگەنتتىگى، ورتالىق راديو - تەلەۆيزيا باس ستانسياسى، ساۋلە گازەتى، ەكونوميكا گازەتى سياقتى ورتالىقتاعى، شينجياڭعا باعىتتامالى كومەكتەسەتىن ولكەلەردەگى (قالا) جانە شينجياڭداعى 20 نەشە مەديادان كەلگەن 100 نەشە ءتىلشى ىلەنى، تارباعاتايدى، حوتان ايماعىن ىشكەرىلەي ارالاپ، ساپارلاي حابارلاۋ ءتاسىلى ارقىلى جالپىلىق مەديالاردا شينجياڭنىڭ ايبىندى كوركەم جاراتىلىستىق كورىنىستەرىن، كادىمگى ەل مەن جەردىڭ جاعدايىن جانە شالقىعان قوعامدىق كەلبەتىن ايگىلەدى.
5 كۇن ۋاقىت ىشىندە تىلشىلەر قورعاس اۋدانى جۇڭحۋا فۋشوۋشان باۋرايىنداعى جابايى جەمىس اعاشتارىنىڭ جامىراي گۇل اشقاندىعىن تاماشالاپ، شاعانتوعاي اۋدانىنىڭ 100 مىڭ مۋلىق تورە جايلاۋىندا 100 نەشە ءتۇرلى ءشوپتىڭ جۇپار ءيىسىن سەزىنىپ، كەريا اۋدانىنىڭ ارال اۋىلىندا روزا گۇلىنىڭ قۇلپىرا اشىلعاندىعىن كوزدەرىمەن كورىپ عانا قويماي، ونان دا ماڭىزدىسى، قالام جانە اپپاراتتارى ارقىلى جەر - جەردەگى كورەرمەندەردىڭ گۇلدەرى قۇلپىرا اشىلعان كورىكتى شينجياڭدى ۋاقىت - كەڭىستىك اتتاعان قاشىقتىقتان سەزىنۋىنە مۇمكىندىك جاسادى.
تىلشىلەر جەر - جەردىڭ ەكونوميكالىق دامۋ، ۇلتتار ىنتىماعى، ەكولوگيالىق ورتانى قورعاۋ، اۋىل - قىستاقتى گۇلدەندىرۋ، شينجياڭدى مادەنيەتپەن نارلەندىرۋ، مادەنيەت - ساياحات جانە شينجياڭعا باعىتتامالى كومەكتەسۋ جاقتارىنداعى جاندى مىسالدارىن ناقپا - ناق ۇعىسىپ، كوركەم كورىنىس گۇلى، شينجياڭعا كومەكتەسۋ سەلبەستىگى گۇلى، ۇلتتار ىنتىماعى گۇلى، مادەنيەت، وركەنيەت گۇلى، باقىتتى بولۋ، بايۋ گۇلى ارقىلى ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى دۇنيە جۇزىنە كوپ ساتىلى، جان - جاقتىلى، ستەرەولدى فورمادا كورسەتتى.
وسى رەتكى ساپاردا تارباعاتاي ايماعىنىڭ ەكونوميكالىق دامۋى، ۇلتتار ىنتىماعى، اۋىل - قىستاقتى گۇلدەندىرۋى جانە شينجياڭعا باعىتتامالى كومەكتەسۋ سياقتى مازمۇندار ورتالىق راديو - تەلەۆيزيا باس ستانسياسى حانزۋ ءتىلى ورتالىعىنىڭ ءتىلشىسى جاۋ كايدى قاتتى قىزىقتىردى. ”وسى ساپاردا قىزمەتتەسىم جىڭ ي ەكەۋىمىز جۇرە كەسكىن ءتۇسىرىپ، قولىمىزداعى ميكروفون مەن كەسكىن تۇسىرگىشتەن پايدالانىپ، شينجياڭنىڭ دامۋ وزگەرىسىن ەستەلىككە الدىق“. جاۋ كاي: ”قالالاردا بيىك عيماراتتار قاتارلانا ەڭسە كوتەرىپتى، اۋىل - قىستاق جولدارى كەڭ ەكەن، قالا مەن اۋىل - قىستاق جاراسىمدى دامىپ، ءبىر تۇلعاعا اينالىپتى... ءبىزدىڭ وسىنداي شينجياڭدى ۇگىتتەيتىن بورىشىمىز بار“، - دەدى.
