انار بۇلت \ شينجياڭ گازەتىنىڭ حابارى (ءتىلشى گۋان مىڭيىڭ حابارلايدى) 5 - ايدىڭ 20 - كۇنى ءتىلشىنىڭ اۆتونوميالى رايوندىق مۇگەدەكتەر بىرلەستىگىنەن ۇعىسۋىنشا، 2023 - جىلى 5 - ايدىڭ 15 - كۇنىنە دەيىن، شينجياڭداعى جۇمىستانۋ جاسىنداعى مۇگەدەكتەردىڭ سانى 297 مىڭ 600 ادام، جۇمىستانعاندارى 181 مىڭ 600 ادام، جۇمىستانۋ سالىستىرماسى %61.02 بولعان. جاڭادان جۇمىستانعان مۇگەدەكتەر سانى 3486 ادام، ورىنداۋ سالىستىرماسى %81.07، مۇنىڭ ىشىندە قالا - قالاشىقتاعى جاڭادان جۇمىستانعان مۇگەدەكتەر سانى 1182 ادام، اۋىل - قىستاقتاعى جاڭادان جۇمىستانعان مۇگەدەكتەر سانى 2304 ادام بولعان.
كوزى كورمەيتىن ۋقالاۋشى ۋي شياۋلين قاريدارعا ۋقالاۋ قىزمەتىن وتەۋدە. سۋرەتتى انار بۇلت \ شينجياڭ گازەتىنىڭ ءتىلشىسى گۋان مىڭيىڭ تۇسىرگەن
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن تىڭعىلىقتى ورىستەتۋ ءۇشىن، اۆتونوميالى رايوندىق مۇگەدەكتەر بىرلەستىگى حالىق ءۇشىن ناقتى ءىس ىستەۋدى نەگىزگى تاقىرىپتىق تاربيەسىنىڭ ماڭىزدى مازمۇنى ەتىپ، مۇگەدەكتەردىڭ ەڭ كوڭىل ءبولىپ وتىرعان ماسەلەلەرىن كۇش سالا شەشىپ، نەگىزگى تاقىرىپتىق تاربيەنىڭ حالىق تۇرمىسىنداعى ناقتى ىستەرمەن ءوزارا توعىسۋىن، بىرگە ىلگەرىلەۋىن جەبەدى.
مۇگەدەكتەردىڭ جۇمىستانۋىنا كومەكتەسۋ ايى قيمىلىن ورىستەتۋ بارىسىندا، ءار دارەجەلى مۇگەدەكتەر بىرلەستىگى جۇمىسسىزدىق بويىنشا تىركەۋگە الىنعان وتباسىلارىنداعى 9912 ادامنان احۋال ۇعىسىپ، مۇگەدەكتەردى جۇمىسقا قابىلداۋ ارناۋلى جينالىسىن 136 مايدان (رەت) ۇيىمداستىرىپ، مۇگەدەكتەردى ارناۋلى قولداۋ ساياساتىنان 1866 ادامنىڭ يگىلىكتەنۋىنە كومەكتەستى.
جوعارى مەكتەپتەردەن وقۋ تاۋىساتىن مۇگەدەك وقۋشىلاردىڭ جۇمىستانۋ قىزمەتىن ويداعىداي ىستەۋ ءۇشىن، جەر - جەردەگى مۇگەدەكتەر بىرلەستىگى ”ءبىر ادامعا ءبىر شارا“ بويىنشا جۇمىستانۋ قىزمەت وتەۋى ارحيۆىن تۇرعىزىپ، كەمەلدەندىرىپ، ولاردىڭ قاجەتىن قانىق ءبىلدى، وقۋ تاۋىسقان مۇگەدەك وقۋشىلاردىڭ جۇمىستانۋ ارناسىن كەڭەيتىپ، جوعارى مەكتەپ تاۋىسقان مۇگەدەك وقۋشىلاردىڭ جۇمىستانۋ قىزمەت ورنىن اشۋعا بەرىك نەگىز قالاۋدى ويداعىداي ىستەدى.
”جۇمىستانۋ ەڭ زور حالىق تۇرمىسى، سونداي - اق مۇگەدەكتەردىڭ قوعاممەن ارالاسىپ، ءومىرىنىڭ قۇنىن جۇزەگە اسىرۋىنداعى ماڭىزدى ارنا“. اۆتونوميالى رايوندىق مۇگەدەكتەر بىرلەستىگى جۇمىستانۋ ورتالىعىنىڭ مەڭگەرۋشىسى ساي حۇڭيان تانىستىرىپ بىلاي دەدى: اۆتونوميالى رايوندىق مۇگەدەكتەر بىرلەستىگى كوپ تاراۋلارمەن بىرلەسىپ، 2023 - جىلعى اۆتونوميالى رايوننىڭ جوعارى مەكتەپ تاۋىسقان مۇگەدەك وقۋشىلاردى جۇمىسقا قابىلداۋ ارناۋلى جينالىسىن ويداعىداي وتكىزىپ، مەملەكەت مەنشىگىندەگى كاسىپورىن، ءىس ورىنداردىڭ جوعارى مەكتەپتەن وقۋ تاۋىسقان مۇگەدەك وقۋشىلارعا نازار اۋدارۋىن جوعارىلاتىپ، ءتىپتى دە كوپ مۇگەدەكتەرگە ۇيلەسەتىن جۇمىستانۋ ورنىن ىسكە قوسىپ، مۇگەدەكتەردىڭ جۇمىستانۋىنا كومەكتەسەتىن ولشەمدى، كاسىپتىك، بەلسەندى قوعامدىق راي قالىپتاستىرىپ، مۇگەدەكتەردىڭ جوعارى ساپالى ”جۇمىستانۋ ارمانىن“ جۇزەگە اسىرۋعا كومەكتەسەدى.
