2023 - جىلى، زەينەتكە شىققانداردىڭ نەگىزگى زەينەتاقىسى %3.8 جوعارىلاتىلادى.
پارتيا ورتالىق كوميتەتى، مەملەكەتتىك كەڭەستىڭ بەكىتۋىمەن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى 5 - ايدىڭ 22 - كۇنى «2023 – جىلعى زەينەتكەرلەردىڭ نەگىزدىك زەينەتاقىسىن رەتتەۋ جونىندەگى ۇقتىرۋدى» جاريالادى، وندا بىلاي دەپ ايقىن بەلگىلەنگەن: 2023 - جىلى 1 - ايدىڭ 1 - كۇنىنەن باستاپ 2022 – جىلدىڭ سوڭىنان بۇرىن بەلگىلەمە بويىنشا زەينەتكە شىعۋ راسمياتىن بىتىرگەن ءارى اي سايىن نەگىزدىك زەينەتاقىسىن العان كاسىپورىندار مەن ورگان، ءىسورىندارىنان زەينەتكە شىققانداردىڭ نەگىزدىك زەينەتاقىسىنىڭ دەڭگەيى جوعارىلاتىلادى، تۇتاس تۇلعالىق رەتتەۋ دەڭگەيى 2022 – جىلعى زەينەتكەرلەردىڭ ايلىق ورتاشا نەگىزدىك زەينەتاقىسى نەگىزىندە %3.8 جوعارىلاتىلادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنا نەگىزدەلگەندە، وسى رەتكى رەتتەۋدە ۇزدىكسىز تۇردە تۇراقتى سوما بويىنشا رەتتەۋ، بايلانىستىرىپ رەتتەۋ، لايىقتى بەيىمدەلۋ سىندى رەتتەۋ ءادىسى قولدانىلادى. مۇنىڭ ىشىندە تۇراقتى سوما بويىنشا رەتتەۋ قوعامدىق ادىلدىكتىڭ بەينەلەنۋى، ۇقساس ءبىر وڭىردەگى ءتۇرلى زەينەتكەرلەردىڭ زەينەتاقىسىن رەتتەۋ ولشەمى ءبىر كەلكى بولادى؛ بايلانىستىرىپ رەتتەۋ ”كوپ تاپسىرعاندار كوپ الۋ“، ”ۇزاق تاپسىرعاندار كوپ الۋ“ سىندى شابىتتاندىرۋ مەحانيزمىنىڭ بەينەلەنۋى، قىزمەتتەگى كەزىندە كوپ اقى تاپسىرعان، ۇزاق ۋاقىت اقى تاپسىرعاندار زەينەتاقىدان كوپ يگىلىكتەنە الادى؛ لايىقتى بەيىمدەلۋ ءتۇيىندى قامقورلىقتى بەينەلەيدى، نەگىزىنەن جاسى ەگدەلەگەن زەينەتكە شىققاندار مەن جاپالى، شەت - شالعاي وڭىرلەردەن زەينەتكە شىققاندار سياقتى قاۋىمعا قامقورلىق جاسالادى ەكەن.
ۇقتىرۋدا مىنالار تالاپ ەتىلدى: ءارقايسى ولكە، اۆتونوميالى رايون، توتە قاراستى قالا جەرگىلىكتى ورىننىڭ ناقتى جاعدايىنا ۇشتاستىرا وتىرىپ، ناقتى اتقارۋ جوباسىن جاساپ، ۇيىمداستىرىپ اتقارۋدى مىقتى يگەرىپ، رەتتەلىپ ارتتىرىلعان نەگىزدىك زەينەتاقىنى زەينەتكە شىققانداردىڭ قولىنا دەر كەزىندە جەتكىزۋ كەرەك.
