انار بۇلت \ شينجياڭ گازەتىنىڭ ءتىلشىسى چىن چياڭۋي 5 - ايدىڭ 22 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 4 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 94 ميلليارد 950 ميلليون يۋان بولىپ، سايكەس مەزگىلدەگىدەن ％7. 82 ارتىپ، سىرتقى ساۋدانىڭ ورنىقتىلىق بارىسىندا جاقسارۋعا ويىسۋ بەتالىسى جالعاسقان.
الدىڭعى 4 ايدا شينجياڭنىڭ ەكسپورت قۇنى 80 ميلليارد 640 ميلليون يۋان بولىپ، سايكەس مەزگىلدەگىدەن ％1. 90 ارتىپ، بۇكىل ەلدىڭ ارتۋ قارقىنىنان 5. 79 پايىز جوعارى بولعان؛ يمپورت قۇنى 14 ميلليارد 310 ميلليون يۋان بولىپ، سايكەس مەزگىلدەگىدەن ％9. 49 ارتقان.
بيىل جىل باسىنان بەرى شينجياڭ جىبەك جولى ەكونوميكالىق بەلدەۋى وزەكتى رايونى باسىمدىعىن ۇزدىكسىز زورايتىپ، ءبىر قىدىرۋ ساياساتتىق پايدانى بىرتىندەپ جارىققا شىعارىپ، شينجياڭنىڭ سىرتقى ساۋداسىنىڭ ۇزدىكسىز ارتۋىنا پارمەندى تىرەك بولدى.
الدىڭعى 4 ايدا وڭتۇستىك، سولتۇستىك شينجياڭ وڭىرىندە سايكەستى دامۋ جاعدايى جارىققا شىعىپ، ءۇرىمجى قالاسىنىڭ يمپورت - ەكسپورت قۇنى ۇزدىكسىز باسقا وبلىس - ايماقتارعا باستاماشى بولدى، سولتۇستىك شينجياڭ وڭىرىندەگى ىلە قازاق اۆتونوميالى وبلىسىنىڭ، بۇراتالا موڭعۇل اۆتونوميالى وبلىسىنىڭ، تارباعاتاي ايماعىنىڭ يمپورت - ەكسپورت قۇنىنىڭ ارتۋ تەبىنى كۇشتى بولىپ، سايكەس مەزگىلدەگىدەن جەكە - جەكە ％6. 193، ％5. 99، ％6. 135 ارتقان، وڭتۇستىك شينجياڭ ءوڭىرىنىڭ يمپورت - ەكسپورت جالپى قۇنى وتكەن جىلداعى سول تۇستاعىدان 7. 1 پايىز ارتقان، وڭتۇستىك، سولتۇستىك شينجياڭ ءوڭىرىنىڭ سىرتقى ساۋدا كولەمىندەگى پارىق بىرتىندەپ ازايعان.
ساۋدا سەرىگىنەن قاراعاندا، الدىڭعى 4 ايدا شينجياڭنىڭ جالاڭ ساۋدا سەرىگى مەملەكەتى مەن ءوڭىرى وتكەن جىلعى سول تۇستاعى 160تان 165كە كوبەيگەن. ورتا ازيا وڭىرىمەن ەكونوميكا - ساۋدا سالاسىنداعى ناقتى سەلبەستىك ۇزدىكسىز تەرەڭدەپ، الدىڭعى 4 ايدا جۇڭگونىڭ شينجياڭىنىڭ ورتا ازياداعى 5 ەلگە باعىتتالعان يمپورت - ەكسپورت قۇنى 75 ميلليارد 110 ميلليون يۋان بولىپ، سايكەس مەزگىلدەگىدەن ％2. 92 ارتىپ، بۇكىل ەلدىڭ ورتا ازياداعى 5 ەلگە باعىتتالعان يمپورت - ەكسپورت جالپى قۇنىنىڭ ％4. 43ىن ۇستاپ، وتكەن جىلعى سول تۇستاعىدان 4. 12 پايىز ارتقان. جۇڭگونىڭ شينجياڭىنىڭ ”ءبىر بەلدەۋ، ءبىر جول“ بويىنداعى ەلدەرگە باعىتتالعان يمپورت - ەكسپورت قۇنى 86 ميلليارد 980 ميلليون يۋان بولىپ، سايكەس مەزگىلدەگىدەن ％6. 83 ارتقان؛ وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىن جاساسقان باسقا دا مۇشە ەلدەرگە باعىتتالعان يمپورت - ەكسپورت قۇنى سايكەس مەزگىلدەگىدەن ％1. 18 ارتقان.
ساۋدا تاسىلىنەن قاراعاندا، الدىڭعى 4 ايدا شينجياڭنىڭ باستى ساۋدا تاسىلىندەگى يمپورت - ەكسپورت قۇنى تۇگەلدەي ارتقان، شەكارالىق شاعىن سومالى ساۋدا تاسىلىندەگى يمپورت - ەكسپورت قۇنى سايكەس مەزگىلدەگىدەن ％2. 115 ارتىپ، بۇكىل ەلدىڭ شەكارالىق شاعىن سومالى ساۋدا جالپى قۇنىنىڭ ％9. 50ىن يەلەپ، شەكارالىق شاعىن سومالى ساۋداداعى تىرەكتىك رولى كورنەكتى بولعان. قورعامالى باجى زات تاسىمال تاسىلىندەگى يمپورت - ەكسپورت قۇنى سايكەس مەزگىلدەگىدەن ％9. 116 ارتىپ، شينجياڭنىڭ سىرتقى ساۋداسىن جالپى تۇلعالىق جاقتان 8. 10 پايىز ارتتىرعان.
تيجارات نەگىزگى تۇلعاسىنان قاراعاندا، حالىقتىق كاسىپورىندار ءالى دە شينجياڭ سىرتقى ساۋداسىنىڭ ”ورنىقتىرعىشى“ سانالادى. الدىڭعى 4 ايدا شينجياڭدا يمپورت - ەكسپورت ناقتى ناتيجەسى بار سىرتقى ساۋدا كاسىپورىندارىنىڭ سانى سايكەس مەزگىلدەگىدەن ％8. 10 ارتقان. حالىقتىق كاسىپورىنداردىڭ يمپورت - ەكسپورت قۇنى 90 ميلليارد 110 ميلليون يۋان بولىپ، سايكەس مەزگىلدەگىدەن ％8. 96 ارتقان؛ شەتەل ساۋداگەرلەرى قارجى قوسقان كاسىپورىنداردىڭ يمپورت - ەكسپورت قۇنى سايكەس مەزگىلدەگىدەن ％4. 44 ارتقان.
تاۋار قۇرىلىمىنان قاراعاندا، الدىڭعى 4 ايدا شينجياڭنىڭ جاساۋ كاسىبىنىڭ ەكسپورت قۇنى 79 ميلليارد 920 ميلليون يۋان بولىپ، سايكەس مەزگىلدەگىدەن ％3. 90 ارتقان، ەڭبەك شوعىرلانعان ونىمدەر مەن ماشينا - ەلەكتر ونىمدەرىنىڭ ەكسپورتى جەكە - جەكە ％2. 109، ％5. 100 ارتىپ، جيىنتىعى شينجياڭ سىرتقى ساۋدا ەكسپورت جالپى قۇنىنىڭ ％4. 84 يەلەگەن. جاڭا باسىمدىققا يە ونىمدەردىڭ ەكسپورتى كورنەكتى بولىپ، ەلەكترمەن قوزعالاتىن ادام الىپ جۇرەتىن اۆتوكولىك، ليتي باتەرياسى، كۇن ەنەرگياسى باتەرياسى سىندى ”جاڭا 3 ءتۇرلى“ ءونىمىنىڭ ەكسپورت قۇنى سايكەس مەزگىلدەگىدەن جەكە - جەكە ％2. 382، ％6. 146، 8. 94 ەسە ارتقان.
