انار بۇلت \ شينجياڭ گازەتىنىڭ ءتىلشىسى حي حۇڭۋي 5 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، الدىڭعى 4 ايدا شينجياڭنىڭ ينتەرنەتتەگى ساۋدا سوماسى 105 ميلليارد 806 ميلليون يۋانعا جەتىپ، سايكەس مەزگىلدەگىدەن ％3. 16 ارتقان. مۇنىڭ ىشىندە ينتەرنەتتەگى بولشەك ساتۋ سوماسى 21 ميلليارد 7 ميلليون يۋان بولىپ، سايكەس مەزگىلدەگىدەن ％54. 18 ارتىپ، ەكەۋى بىردەي 2 ورىندى سانمەن ارتۋدى ساقتاعان.
ينتەرنەتتەگى بولشەك ساتۋ سوماسىندا ناقتى زات تۇرىندەگى ينتەرنەتتەگى بولشەك ساتۋ سوماسى 14 ميلليارد 519 ميلليون يۋان بولىپ، سايكەس مەزگىلدەگىدەن ％5. 15 ارتقان؛ قىزمەت وتەۋ تۇرىندەگى ينتەرنەتتەگى بولشەك ساتۋ سوماسى 6 ميلليارد 488 ميلليون يۋان بولىپ، سايكەس مەزگىلدەگىدەن ％96. 25 ارتقان.
اۋىل - قىستاق ەلەكتروندى ساۋدا جۇيەسىنىڭ، جەدەل جەتكىزۋ، زات اينالىمى، جونەلتۋ جۇيەسىنىڭ كۇن سايىن كەمەلدەنۋىنە ىلەسە، سونداي - اق تىكە تاراتۋ ەلەكتروندى ساۋداسى سياقتى جاڭا ۇلگىنىڭ ۇزدىكسىز جالپىلاسىپ ىسكە قوسىلۋىنا ساي، شينجياڭنىڭ اۋىل - قىستاق ەلەكتروندى ساۋداسىندا جىلدام دامۋ اۋقىمى جارىققا شىقتى. الدىڭعى 4 ايدا شينجياڭنىڭ اۋىل - قىستاقتارىنداعى ينتەرنەتتەگى بولشەك ساتىلۋ سوماسى 10 ميلليارد 511 ميلليون يۋانعا جەتىپ، سايكەس مەزگىلدەگىدەن ％9. 24 ارتتى، اۋىل شارۋاشىلىق ونىمدەرىنىڭ ينتەرنەتتەگى بولشەك ساتىلۋ سوماسى 7 ميلليارد 50 ميلليون يۋانعا جەتىپ، سايكەس مەزگىلدەگىدەن ％5. 20 ارتتى.
بيىل جىل باسىنان بەرى شينجياڭ ەلەكتروندى ساۋدا جاڭا كاسىپ كۇيىن، جاڭا ۇلگىسىن بەلسەنە جەتىلدىرىپ، 1 -، 2 -، 3 - كاسىپ سالالارىنىڭ توعىسا دامۋىن جەبەپ، تۇتىنۋ بازارىنا قۋاتتى قوزعاۋشى كۇش ۇستەدى. ءتۇرلى ساۋدا كاسىپورىندارى، اۋىل شارۋاشىلىق ونىمدەرى تيجاراتىمەن شۇعىلداناتىن كاسىپورىندار، ءوندىرىس بازالارى جەرگىلىكتى ەلەكتروندى ساۋدا تۇعىرىمەن، 3 - جاق تۇعىرىمەن بەلسەنە ۇشتاسىپ، ينتەرنەت جەلىسىن، ينتەرنەت جەلىسىنەن تىسقارىنى توعىستىرۋدى ىلگەرىلەتىپ، حالىققا تيىمدىلىك جەتكىزۋ، ساتىلىمدى جەبەۋ سياقتى ەلەكتروندى تۇتىنۋ بەلەتىن شىعارۋ فورماسى ارقىلى ينتەرنەت جەلىسىندە، ينتەرنەت جەلىسىنەن تىسقارىدا تۇتىنۋعا قوزعاۋشىلىق ەتتى. سونىمەن قاتار جەر - جەر قوعامدىق بايلىقتى ءبىر تۇتاس جوسپارلاپ، جەرگىلىكتى ورىنداعى ەلەكتروندى ساۋدا تۇعىرلارىنا سۇيەنە وتىرىپ ينتەرنەت جەلىسىندەگى قوعامدانعان قىزمەت وتەۋ سالاسىن كەڭەيتىپ، قاتىستى تاراۋلارمەن بەلسەنە ۇشتاسىپ، ينتەرنەت جەلىسىنەن تىسقارىداعى قوعامدانعان تۇتىنۋعا قىزمەت وتەۋدى ينتەرنەت جەلىسىندەگى ارناعا ەنگىزدى.
شينجياڭ تاعى ونىمدەردىڭ ساتىلۋ ارناسىن بەلسەنە كەڭەيتتى، جەر - جەردەگى ساۋدا ىستەرى تاراۋلارى ەلەكتروندى ساۋدادان ۇلگى كورسەتەتىن اۋدانداردى، ەلەكتروندى ساۋدا كاسىپ سالاسى باقشاسىن، تىكە تاراتۋ بازاسىن، ەلەكتروندى ساۋدا كاسىپورىندارىن ۇيىمداستىرىپ، ”ۇكىمەت جەتەكشىلىك ەتۋ، كاسىپورىنداردى نەگىز ەتۋ، بازارلانعان اينالىم“ پرينسيبى بويىنشا قامداۋعا كەپىلدىك ەتىپ، تۇتىنۋدى جەبەدى. ساۋداگەرلەردى بەلگىلى سوماعا تولسا ازايتۋ، بەلگىلى سوماعا تولسا سيلىق بەرۋ، باعانى ناقتى ارزانداتۋ سياقتى باعادا جەڭىلدىك جاساۋ سياقتى ارزانداتۋ شارالارىن ورتاعا قويۋعا شابىتتاندىرىپ، تۇرعىنداردىڭ تۇتىنۋىنا جەتەكشىلىك ەتىپ، اۋىل - قىستاق تۇتىنۋىن كۇش سالا كەڭەيتىپ، اۋىل شارۋاشىلىق ەرەكشە، ساپالى ونىمدەرىنىڭ ساتىلۋ تەبىنىن بارىنشا ارتتىردى.
