سيفرلى ۇكىمەت قۇرىلىسىن جەدەلدەتىپ، جوعارى ساپالى دامۋعا قۋات ۇستەۋ كەرەك

　　سيفرلى شينجياڭ جاڭالىق اشا دامۋ باسشىلار ءماجىلىسى − سيفرلى ۇكىمەت تالقى مىنبەرى وتكىزىلدى

　　سيفرلى ۇكىمەت قۇرىلىسىن جەدەلدەتىپ، جوعارى ساپالى دامۋعا قۋات ۇستەۋ كەرەك

　　انار بۇلت \ شينجياڭ گازەتىنىڭ ءتىلشىسى گو ليڭ 5 - ايدىڭ 22 - كۇنى قارامايلىدان حابارلايدى. 5 - ايدىڭ 22 - كۇنى ”جاڭالىق اشۋ ارقىلى جەتەكشىلىك ەتۋ، قاراپايىمدىلىقپەن الىستارعا جەتۋ“ 2023 سيفرلى شينجياڭ جاڭالىق اشا دامۋ باسشىلار ءماجىلىسى − سيفرلى ۇكىمەت تالقى مىنبەرى قارامايلى قالاسىندا وتكىزىلدى، 200دەن استام قاتىستى تاراۋلاردىڭ جاۋاپتىلارى، ايگىلى مامان - وقىمىستىلار، كاسىپورىنشىلار ۋاكىلدەرى ماجىلىسكە قاتىناسىپ، تالقى مىنبەرى سيفرلى ۇكىمەت قۇرىلىسىنىڭ امالياتتىق ۇلگىسى، حاۋىپسىزدىكتى قامتاماسىزداندىرۋ، جاڭالىق اشۋ، قولدانۋ سياقتى كوپتەگەن جاقتاردى ارقاۋ ەتىپ، وزىق تاجىريبەلەردەن بىرگە يگىلىكتەنىپ، وزىق تەحنيكالار جونىندە پىكىر اۋىستىرىپ، سيفرلى ۇكىمەت قۇرىلىسىنا بىرگە اقىل - كەڭەس بەردى.

　　جۇڭگو ينفورماتسيا، حابارلاسۋ زەرتتەۋ ورنىنىڭ ورىنباسار باستىعى ۋاڭ جىچين «سيفرلى ۇكىمەت قۇرىلىسىنىڭ جەتەكشىلىك رولىن ساۋلەلەندىرىپ، سيفرلى جۇڭگو قۇرىلىسىن جەدەلدەتۋ» نەگىزگى تاقىرىپتىق بايانداماسىندا سوڭعى جىلداردان بەرى سيفرلى ۇكىمەت قۇرىلىسىن ىلگەرىلەتۋدە قول جەتكىزگەن كەلەلى ناتيجەلەردى قورىتىندىلاپ، كەزەكتەگى سيفرلى ۇكىمەت قۇرىلىسىندا ورىن تەۋىپ وتىرعان ماسەلەلەرگە تالداۋ جاسادى.

　　«اۆتونوميالى رايوننىڭ سيفرلى ۇكىمەت رەفورماسى قۇرىلىسى جوباسىندا» مىنالار العا قويىلدى: 2025 - جىلدىڭ سوڭىنا دەيىن سيفرلى دامۋعا تىرەك بولاتىن سيفرلى ينفورماتسيا نەگىزدىك قۇرىلعىلارى، سيفرلى تۇعىرلار، قولدانىستى تىرەك جۇيەسى جاپپاي قۇرىلادى. بۇل شينجياڭنىڭ سيفرلى جاڭا نەگىزدىك قۇرىلىس ارقىلى سيفرلى ۇكىمەت قۇرىلىسىنا پارمەندى دەم بەرۋدە باسقان نىق قادامى ءارى وسىزامانداندىرۋدى جەدەل ىلگەرىلەتۋدەگى ەكپىندى قادامى.

　　اۆتونوميالى رايوندىق سيفرلاندىرىپ دامىتۋ مەكەمەسى پارتيا باسشىلىق گرۋپپاسىنىڭ شۋجيى لي چاڭشيۋ مىنالاردى ءبىلدىردى: سيفرلى ۇكىمەتتى سيفرلى شينجياڭنىڭ ماڭىزدى جەتەكشىسى ەتىپ، نازاردى نەگىزدىك قامتاماسىز ەتۋگە شوعىرلاندىرىپ، كومەسكى كۇشتى ىشكەرىلەي اشىپ، قىزمەت وتەۋدى ساپالىلاندىرىپ، جوعارى ونىمدىلىكپەن باسقارىپ، سيفرلى دامۋدىڭ تاعانىن بەكەمدەۋ، ساندى مالىمەت بايلىعىنان پايدالانۋ، كاسىپورىندارعا پايدا جەتكىزىپ، حالىققا تيىمدىلىك جاساۋ، سونداي - اق باسقارۋ قابىلەتىن وسىزامانداندىرۋ جاعىندا تىڭ تابىستارعا قول جەتكىزۋگە كۇش سالىپ، سيفرلى ۇكىمەت قۇرىلىسىنىڭ جاڭا جاعدايىن جاپپاي اشامىز.

　　”قارامايلى قالاسى جاڭاشا زەردەلى قالا قۇرىلىسىن ىلگەرىلەتىپ، سيفرلى شينجياڭنىڭ ’قارامايلى ۇلگىسىن ‘ تۇلعالادى“. حۋاۋي بۇلتى جۇڭگو ءوڭىرىنىڭ ورىنباسار ءتوراعاسى ليۋ شاۋحۋا بىلاي دەدى: قارامايلى − حۋاۋي بۇلتى بۇكىل ەلدە تۇڭعىش رەت ىرگە تەپكەن قالا، ەكى جاقتىڭ سەلبەستىگى شىت جاڭا دامۋ كەزەڭىنە ءوتىپ، قارامايلى قالاسىن ”جىبەك جولى ەكونوميكالىق بەلدەۋى بۇلت ينفورماتسيا ورتالىعى“ جانە ”بۇكىل ەل بويىنشا بۇلتتىق ەسەپتەۋدەن پايدالاناتىن جانە ۇلكەن ساندى مالىمەتتەر شوعىرلانعان ۇلگى كاسىپ بازاسى“ ەتىپ قۇرىپ شىعادى.

　　قارامايلى قالاسى بۇكىل شينجياڭ بويىنشا ينفورماتسيالاندىرۋ قۇرىلىسىن قولدانۋدى ەڭ ەرتە ىلگەرىلەتكەن، ينفورماتسيا كاسىپ سالاسىن ورنالاستىرعان ءوڭىر رەتىندە، سيفرلى ەكونوميكانى زور كۇشپەن دامىتىپ، كورنەكتى ونىمدىلىككە قول جەتكىزىپ، مەملەكەت پەن اۆتونوميالى رايوننىڭ كوپتەگەن سىناق ءتۇيىنى، ۇلگى كورسەتۋ نىسانى اتقارىلعان قالاعا اينالدى ءارى ”2022 - جىلعى جۇڭگوداعى كوشباسشى زەردەلى قالا“ اتاعىنا يە بولدى.

　　تالقى مىنبەرى جۇمىس باسىندا تاعى قارامايلى قالاسىنىڭ ءبىر جەلىدە ءبىر تۇتاس باسقارۋدى جەلىگە قوسۋ سالتىن وتكىزدى. ءبىر جەلىدە ءبىر تۇتاس باسقارۋدىڭ جەلىگە قوسىلۋى تور كوزدەندىرىپ باسقارۋدى نەگىز ەتكەن كاسىپ اتتاعان، سالا اتتاعان، دارەجە اتتاعان بىرلەسىپ قيمىلداۋ، قولباسشىلىق ەتۋ جۇيەسىن قالىپتاستىرىپ، قالانى باسقارۋدىڭ ءبىر تۇتاس جۇيە، ءبىر تۇلعالانعان، تۇيىق اينالىمدى قوعامدىق باسقارۋ جاڭا جاعدايىن، جاڭا ۇلگىسىن جۇزەگە اسىرادى.

　　قارامايلى قالالىق پارتكومنىڭ ورىنباسار شۋجيى، ۋاقىتشا قالا باستىعى چىن كاي مىنالاردى ءبىلدىردى: قازىر قارامايلى ”بۇكىل شينجياڭدا ەڭ الدىمەن سيفرلى ۇكىمەت ۇلگى ينجەنەرياسىن قۇرۋدى، سيفرلى شينجياڭ ۇلگى قالاسىن تۇلعالاۋدى“ نىسانا ەتىپ، كورىنىس ارقىلى جەتەكتەيتىن، ساندى مالىمەت ارقىلى دەم بەرەتىن، سايكەسىمدى، جوعارى ءونىمدى، زەردەلى قىزمەت وتەيتىن سيفرلى ۇكىمەت قۇرۋدى جەدەلدەتۋدە.

　　وسى رەتكى تالقى مىنبەرىندە سيفرلى جىبەك جولى شينجياڭ كاسىپ سالاسىنا قارجى قوسۋ توبى شەكتى سەرىكتەستىگى، شينجياڭ گورۇڭ شينليان ۇلكەن ساندى مالىمەت قارجى قوسۋ شەكتى سەرىكتەستىگى، كۇنلۇن سيفرلى، زەردەلى عىلىم - تەحنيكا شەكتى جاۋاپكەرشىلىك سەرىكتەستىگى سىندى 3 كاسىپورىن ستراتەگيالىق سەلبەستىك كەلىسىمىنە قول قويدى.