تيانشان تورى
تيانشان تورى   ›   جاڭالىقتار   ›   ماڭىزدى حابارلار

قازىنالىق باقىلاۋدىڭ پارتيانىڭ وزىنە - ءوزى توڭكەرىس جاساۋىن ىلگەرىلەتۋدەگى وزگەشە رولىن ساۋلەلەندىرىپ، جاڭا داۋىردەگى قازىنالىق باقىلاۋ قىزمەتىنىڭ جوعارى ساپالى دامۋىن ونان ارى ىلگەرىلەتۋ كەرەك

  شي جينپيڭ 20 - كەزەكتى ورتالىق كوميتەت قازىنالىق باقىلاۋ كوميتەتىنىڭ 1 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى

  قازىنالىق باقىلاۋدىڭ پارتيانىڭ وزىنە - ءوزى توڭكەرىس جاساۋىن ىلگەرىلەتۋدەگى وزگەشە رولىن ساۋلەلەندىرىپ، جاڭا داۋىردەگى قازىنالىق باقىلاۋ قىزمەتىنىڭ جوعارى ساپالى دامۋىن ونان ارى ىلگەرىلەتۋ كەرەك

  لي چياڭ، لي شي قاتىناستى

  شينحۋا اگەنتتىگىنىڭ 5 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق كوميتەت قازىنالىق باقىلاۋ كوميتەتىنىڭ مەڭگەرۋشىسى شي جينپيڭ 5 - ايدىڭ 23 - كۇنى تۇستەن كەيىن 20 - كەزەكتى ورتالىق كوميتەت قازىنالىق باقىلاۋ كوميتەتىنىڭ 1 - رەتكى ءماجىلىسىن باسقارىپ اشتى. شي جينپيڭ ماجىلىستە ماڭىزدى ءسوز سويلەپ، بىلاي دەپ باسا دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا قازىنالىق باقىلاۋ ماڭىزدى بورىش ارقالاپ وتىر، ەكونوميكالىق باقىلاۋدىڭ ورنىن تياناق ەتىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، قازىنالىق باقىلاۋدىڭ پارتيانىڭ وزىنە - ءوزى توڭكەرىس جاساۋىن ىلگەرىلەتۋدەگى وزگەشە رولىن اناعۇرلىم ويداعىداي ساۋلەلەندىرۋ كەرەك. جاڭا كەزەكتى ورتالىق كوميتەت قازىنالىق باقىلاۋ كوميتەتىنىڭ قىزمەتىن ويداعىداي ىستەۋدە جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، نازاردى جالپى جاعدايلىق، ۇزاق بولاشاقتىق، ستراتەگيالىق ماسەلەلەرگە شوعىرلاندىرىپ، قازىنالىق باقىلاۋ سالاسىنداعى ستراتەگيالىق جوسپارلاۋ مەن جوعارى دەڭگەيلى جوبالاۋدى كۇشەيتىپ، جاڭا داۋىردەگى قازىنالىق باقىلاۋ قىزمەتىنىڭ جوعارى ساپالى دامۋىن ونان ارى ىلگەرىلەتىپ، پارمەندى، ءونىمدى قازىنالىق باقىلاۋ بويىنشا باقىلاۋ ارقىلى پارتيا مەن مەملەكەت قىزمەتىنىڭ كەلەلى جاعدايىنا قىزمەت وتەۋ جانە ونى قامتاماسىز ەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق كوميتەت قازىنالىق باقىلاۋ كوميتەتىنىڭ ورىنباسار مەڭگەرۋشىسى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى، ورتالىق كوميتەت قازىنالىق باقىلاۋ كوميتەتىنىڭ ورىنباسار مەڭگەرۋشىسى لي شي ماجىلىسكە قاتىناستى.

  ءماجىلىس ورتالىق كوميتەت قازىنالىق باقىلاۋ كوميتەتى كەڭسەسىنىڭ 2022 - جىلعى ورتالىق مەجە ەسەبىنىڭ اتقارىلۋى جانە باسقا دا قازىنالىق شىعىس احۋالى جونىندەگى قازىنالىق باقىلاۋ بايانداماسىنان جاساعان مالىمەتىن، سونداي - اق جاڭا داۋىردەگى قازىنالىق باقىلاۋ قىزمەتىنىڭ جوعارى ساپالى دامۋىن ىلگەرىلەتۋ پىكىرى جونىندەگى مالىمەتىن، ت. ب تىڭدادى.

  ءماجىلىس مىنالاردى باسا دارىپتەدى: قازىنالىق باقىلاۋ − پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولىگى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى كۇشى. پارتيا 19 - قۇرىلتايىنان بەرى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ورتالىق كوميتەت قازىنالىق باقىلاۋ كوميتەتى قازىنالىق باقىلاۋ ءتۇزىلىسىنىڭ جۇيەلىك، تۇتاس تۇلعالىق جاقتان قايتا قۇرىلۋىن ىلگەرىلەتىپ، جۇڭگونىڭ مەملەكەت جاعدايىنا ۇيلەسەتىن قازىنالىق باقىلاۋدىڭ جاڭا جولىن اشتى، قازىنالىق باقىلاۋ قىزمەتىندە تاريحي تابىستارعا قول جەتىپ، تاريحي وزگەرىستەر تۋىلدى. ءبىرىنشى، قازىنالىق باقىلاۋدى باسقارۋ ءتۇزىلىسى رەفورماسى ىشكەرىلەي ىلگەرىلەتىلىپ، پارتيا ورتالىق كوميتەتىنىڭ قازىنالىق باقىلاۋ قىزمەتىنە ورتالىقتانعان ءبىر تۇتاس باسشىلىعى ۇزدىكسىز ەگجەي - تەگجەيلىلەندى، ناقتىلاندى، تۇزىمدەندى. ەكىنشى، جۇڭگوشا سوتسياليستىك قازىنالىق باقىلاۋ ىستەرىنىڭ زاڭدىلىقتارى جونىندەگى تانىم ۇزدىكسىز تەرەڭدەدى. ءۇشىنشى، قازىنالىق باقىلاۋدىڭ پارتيا مەن مەملەكەتتىڭ كەلەلى جاعدايىنا قىزمەت وتەۋدەگى ىرىقتىلىعى اناعۇرلىم كۇشەيىپ، ۇيلەسىمدىلىگى اناعۇرلىم جوعارىلاپ، وزگەشە باقىلاۋ رولى اناعۇرلىم كورنەكتىلەندى. ءتورتىنشى، قازىنالىق باقىلاۋ بويىنشا رەتتەۋ - تۇزەتۋ جالپى تۇلعالىق جاعدايى العاشقى ادىمدا قالىپتاسىپ، قازىنالىق باقىلاۋ جەتىستىكتەرىن قولدانۋ، ساباقتاستىرۋ، سايكەستىرۋ اناعۇرلىم ىركىلىسسىز، قۇزىرلى، جوعارى ءونىمدى بولدى.

  ءماجىلىس مىنالاردى اتاپ كورسەتتى: جاڭا داۋىردەگى جاڭا جورىقتا قازىنالىق باقىلاۋ قىزمەتىن ويداعىداي ىستەۋدىڭ جالپى تالابى − ورتالىقتانعان ءبىر تۇتاس، جاپپاي قامتىعان، قۇزىرلى، جوعارى ءونىمدى قازىنالىق باقىلاۋ جۇيەسىن ورناتىپ، قازىنالىق باقىلاۋ بويىنشا باقىلاۋدىڭ رولىن اناعۇرلىم ويداعىداي ساۋلەلەندىرۋ جاعىنا نازار اۋدارۋ، كۇش سالۋ. ويداعىداي قولباسشىلىق ەتىپ، قازىنالىق باقىلاۋدىڭ ساياسي سيپاتى مەن ساياسي فۋنكتسياسىن كۇشەيتىپ، پارتيا ورتالىق كوميتەتىنىڭ ورنالاستىرۋلارىن ءدال يگەرۋ، جەتە ۇعىنۋ، ويداعىداي تياناقتاندىرۋ كەرەك. تىعىز قاتىناستا بولىپ، الەۋمەتتىك قارجىنى، مەملەكەت مەنشىگىندەگى مال - مۇلىكتى، مەملەكەت مەنشىگىندەگى بايلىقتى باسقاراتىن، پايدالاناتىن بارلىق جەردىڭ، تاراۋدىڭ جانە ورىننىڭ بىردە - بىرەۋىن قازىنالىق باقىلاۋ بويىنشا باقىلاۋ ۇقىعىنان ەسكەرۋسىز قالدىرماۋ، قاعىس قالدىرماۋ، ۇدايىلىق، يكەمدى سەس قالىپتاستىرۋ كەرەك. قۇلاققا ءسىڭىستى ەتىپ، زاڭ بويىنشا قازىنالىق باقىلاۋعا تاباندى بولۋ، زەرتتەۋ سيپاتىندىق قازىنالىق باقىلاۋدى ناقتىلاندىرىپ، كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ەكونوميكالىق باقىلاۋدىڭ ”سايلاۋىت قوسىنىن“ تۇلعالاۋ؛ باسقا باقىلاۋلارمەن ساباقتاستىرۋدى، سايكەستىرۋدى ويداعىداي ىستەپ، باقىلاۋدىڭ بىرىككەن كۇشىن قالىپتاستىرۋ كەرەك.

  ءماجىلىس مىنالاردى تالاپ ەتتى: بيىلعى قازىنالىق باقىلاۋ قىزمەتىن تىڭعىلىقتى ىستەپ، ەلەۋلى ماسەلەلەرگە قازىنالىق باقىلاۋ سەرپىنىن ارتتىرۋدى كورنەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي دايەكتىلەندىرۋدى، ويداعىداي تياناقتاندىرۋدى جەبەۋ كەرەك. نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، كەلەلى نىسانداردىڭ، كەلەلى ستراتەگيالاردىڭ، كەلەلى شارالاردىڭ ناقتىلانۋ، تياناقتانۋ احۋالىن باقىلاۋ سەرپىنىن ارتتىرۋ كەرەك. نازاردى ارتۋدى ورنىقتىرۋعا، جۇمىستانۋدى ورنىقتىرۋعا، زات باعاسىن ورنىقتىرۋعا شوعىرلاندىرىپ، باعالى قازىنالىق قارجىنى ۇزدىكسىز قاداعالاپ، كۇزەتىپ، ەكونوميكانى ورنىقتىرۋدىڭ ءبىر قىدىرۋ ساياساتتىق شارالارىنىڭ تياناقتانۋ احۋالىنا باعىتتالعان قازىنالىق باقىلاۋ تەبىنىن ارتتىرۋ كەرەك. نازاردى ناقتى ەكونوميكانىڭ دامۋىنا شوعىرلاندىرىپ، ناقتى ەكونوميكاعا فينانستىق قولداۋ كورسەتۋ، كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ ساياساتىنىڭ تياناقتانۋ احۋالىنا باعىتتالعان قازىنالىق باقىلاۋ سەرپىنىن ارتتىرىپ، ”ەكىدەن تيتتەي دە اۋىتقىماۋدىڭ“ ويداعىداي تياناقتاندىرىلۋىن ىلگەرىلەتۋ كەرەك. نازاردى حالىق تۇرمىسىنىڭ تومەنگى شەگىن بەكەمدەۋدى ىلگەرىلەتۋگە شوعىرلاندىرىپ، حالىق بۇقاراسى ەڭ كوڭىل ءبولىپ وتىرعان ەڭ تىكە، ەڭ رەال مۇددە ماسەلەلەرىن قاتاڭ قاداعالاپ، حالىققا تيىمدىلىك جاساۋ، حالىقتى بايىتۋ ساياساتىنىڭ تياناقتانۋىن ىلگەرىلەتۋ كەرەك. نازاردى دامۋ مەن حاۋىپسىزدىكتى ءبىر تۇتاس جوسپارلاۋعا شوعىرلاندىرىپ، جەرگىلىكتى ۇكىمەت قارىزى، فينانس، قورا - جاي، استىق، ەنەرگيا سياقتى ءتۇيىندى سالالارعا قاداعالاي نازار اۋدارىپ، جۇيەلىك حاۋىپ - قاتەر تۋىلماۋ تومەنگى شەگىن مىقتى ساقتاۋ كەرەك. نازاردى ۇقىقتى جۇيەلى جۇرگىزۋگە شوعىرلاندىرىپ، قازىنالىق باقىلاۋدىڭ ءىرىپ - شىرۋگە قارسى تۇرىپ، بىلىقپالىقتى وڭاۋ جاعىنداعى ماڭىزدى رولىن تولىق ساۋلەلەندىرىپ، ساياسي ماسەلەلەر مەن ەكونوميكالىق ماسەلەلەر قاباتتاسقان ءىرىپ - ءشىرۋدى باتىل تەكسەرىپ ءبىر جاقتى ەتىپ، ۇقىق شوعىرلانعان، قارجى توپتالعان، بايلىعى مول سالالارداعى ءىرىپ - ءشىرۋدى باتىل تەكسەرىپ ءبىر جاقتى ەتۋ، بۇقارانىڭ ماڭايىنداعى ”ۇساق - تۇيەك ءىرىپ - ءشىرۋدى“ باتىل تەكسەرىپ ءبىر جاقتى ەتۋ كەرەك.

  ءماجىلىس مىنالاردى باسا دارىپتەدى: قازىنالىق باقىلاۋ بويىنشا رەتتەۋ - تۇزەتۋدىڭ ”قالعان جۇمىستارى“ مەن قازىنالىق باقىلاۋ بويىنشا كورسەتىلگەن ماسەلەلەردىڭ ”الدىڭعى جۇمىستارى“ بىردەي ماڭىزدى، ونى، ءسوز جوق، ءبىر تۇلعالى ىلگەرىلەتۋ كەرەك. قازىنالىق باقىلاۋ بويىنشا رەتتەۋ - تۇزەتۋگە قۋزاۋدى كۇندەلىكتى باقىلاۋدىڭ ماڭىزدى تۇتقاسى ەتىپ، قازىنالىق باقىلاۋ ناتيجەسىن كادرلاردى باعالاۋ، مىندەتكە تاعايىنداۋ، مىندەتىنەن قالدىرۋ، سيلاۋ - جازالاۋداعى ماڭىزدى پايدالانۋ ماتەريالى ەتۋ كەرەك. رەتتەۋ - تۇزەتۋدە دارمەنسىزدىك ىستەگەن، رەتتەۋ - تۇزەتۋگە نەمقۇرايدى قاراعان، جالعان رەتتەۋ - تۇزەتۋ جۇرگىزگەندەردىڭ جاۋاپكەرشىلىگىن قاتاڭ قۋزاستىرۋ كەرەك.

  ءماجىلىس مىنالاردى اتاپ كورسەتتى: بيىل − قازىنالىق باقىلاۋ ورگانى قۇرىلعاندىعىنىڭ 40 جىلدىعى. پارتيا ورتالىق كوميتەتى قازىنالىق باقىلاۋعا زور ءۇمىت ارتىپ وتىر، قازىنالىق باقىلاۋدىڭ داڭقتى ءداستۇرى مەن تاڭداۋلى ستيلىنە مۇراگەرلىك ەتىپ، كاسىپتىك رۋحتى سومداپ، كاسىپتىك قابىلەتتى جوعارىلاتۋ كەرەك. پارتيانى جاپپاي قاتاڭ باسقارىپ، قازىنالىق باقىلاۋدى جاپپاي قاتاڭ باسقارىپ، نەگىزگى تاقىرىپتىق تاربيە مەن قازىنالىق باقىلاۋ قوسىنىن تاربيەلەۋدى، رەتتەۋدى ىشكەرىلەي ورىستەتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان قازىنالىق باقىلاۋ كادرلارى قوسىنىن قۇرۋ كەرەك.

  ءماجىلىس مىنالاردى تالاپ ەتتى: ءار دارەجەلى پارتكومدار ساياسي جاۋاپكەرشىلىكتى شىنايى ارقالاپ، قازىنالىق باقىلاۋ قىزمەتىنە باسشىلىق ەتۋ قابىلەتىن جوعارىلاتۋى كەرەك. نەگىزگى جاۋاپتى جولداستار وزدەرى يگەرىپ، وزدەرى باسقارىپ، قازىنالىق باقىلاۋ كوميتەتىنىڭ باستاماشىلدىقپەن جالپى جاقتان يگەرۋ، ءبىر تۇتاس جوسپارلاۋ، سايكەستىرۋ رولىن تولىق ساۋلەلەندىرۋى كەرەك.

  ورتالىق كوميتەت قازىنالىق باقىلاۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.