تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ”2023 . جۇڭگو شيزاڭ دامۋ تالقى مىنبەرىنە“ قۇتتىقتاۋ حاتىن جولدادى

  شينحۋا اگەنتتىگىنىڭ 5 - ايدىڭ 23 - كۇنى بەيجيڭنەن بەرگەن حابارى. 5 - ايدىڭ 23 - كۇنى مەملەكەت ءتوراعاسى شي جينپيڭ ”2023 · جۇڭگو شيزاڭ دامۋ تالقى مىنبەرىنە“ قۇتتىقتاۋ حاتىن جولدادى.

  شي جينپيڭ بىلاي دەپ اتاپ كورسەتتى: حالىقتىڭ باقىتى − ەڭ ۇلكەن ادامدىق ۇقىق، دامۋ − حالىقتىڭ باقىتىن جۇزەگە اسىرۋدىڭ تەتىگى. جۇڭگو كوممۋنيستىك پارتياسىنىڭ 18 - قۇرىلتايىنان بەرى ورتالىق ۇكىمەت پەن بۇكىل ەل حالقىنىڭ بار كۇشپەن قولداۋىندا، شيزاڭداعى ءار ۇلت كادر - بۇقاراسى قاجىرلىلىقپەن كۇرەس جۇرگىزىپ، قايسارلىقپەن شايقاس جاساپ، شيزاڭدى نەشە مىڭ جىلدان بەرى بۇعاۋلاعان مۇلدە كەدەيلىك ماسەلەسىنەن تۇبەگەيلى قۇتىلدىرىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ شىعىپ، جاندى دا جالىندى گۇلدەنگەن بەينەنى جارىققا شىعاردى.

  شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا شيزاڭنىڭ جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋدى جەدەل ىلگەرىلەتىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭدى قۇلشىنا قۇرىپ، حالىقتى اناعۇرلىم باقىتتى، تاماشا تۇرمىسقا كەنەلتۋىن ءۇمىت ەتەمىن.

  5 - ايدىڭ 23 - كۇنى بەيجيڭدە اشىلعان ”2023 ● جۇڭگو شيزاڭ دامۋ تالقى مىنبەرىن“ مەملەكەتتىك كەڭەستىڭ اقپارات كەڭسەسى مەن شيزاڭ اۆتونوميالى رايوندىق حالىق ۇكىمەتى بىرگە ۇيىمداستىردى، نەگىزگى تاقىرىبى − ”جاڭا ءداۋىر، جاڭا شيزاڭ، جاڭا جورىق − شيزاڭنىڭ جوعارى ساپالى دامۋىنىڭ جانە ادامدىق ۇقىقتى قامتاماسىزداندىرۋدىڭ جاڭا تاراۋى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.