تيانشان تورى
تيانشان تورى   ›   جاڭالىقتار   ›   شينجياڭ حابارلارى

شي جينپيڭ ەۆروپا − ازيا ەكونوميكالىق وداعى 2 - كەزەكتى ەۆروپا − ازيا ەكونوميكا تالقى مىنبەرى جالپى ءماجىلىسىنىڭ اشىلۋ سالتىنا قاتىناستى ءارى ارناۋ ءسوز سويلەدى

  شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى. 5 - ايدىڭ 24 - كۇنى مەملەكەت ءتوراعاسى شي جينپيڭ ۇسىنىس بويىنشا بەينە ەكران ءتاسىلى ارقىلى ەۆروپا − ازيا ەكونوميكالىق وداعى 2 - كەزەكتى ەۆروپا − ازيا ەكونوميكا تالقى مىنبەرى جالپى ءماجىلىسىنىڭ اشىلۋ سالتىنا قاتىناستى ءارى ارناۋ ءسوز سويلەدى.

  شي جينپيڭ بىلاي دەپ اتاپ كورسەتتى: قازىرگى تاڭداعى دۇنيە ءجۇزى 100 جىلدا بولماعان زور وزگەرىس الدىندا تۇر، دۇنيە ءجۇزىنىڭ كوپ ۇيەكتەنۋ، ەكونوميكانىڭ جاھاندانۋ تاريحي اۋقىمى بوگەۋ بەرمەيدى. ناعىز كوپ جاقتىلىققا تاباندى بولىپ، وڭىرلەردىڭ سايكەسە دامۋىن ىلگەرىلەتۋ − حالىقارالىق قوعامنىڭ كەڭ كولەمدى ورتاق تانىمى. ازيا − ەۆروپا ۇلى قۇرلىعى دۇنيە جۇزىندەگى جان سانى ەڭ كوپ، مەملەكەت ەڭ كوپ، وركەنيەت ەڭ الۋن ءتۇرلى ءوڭىر. اۋمالى - توكپەلى وزگەرىستەگى دۇنيە ءجۇزى الدىندا ازيا − ەۆروپا سەلبەستىك جولىندا قالاي ءجۇرۋى كەرەك؟ بۇل ءوڭىر حالقىنىڭ قۇت - ىرىسىنا قاتىستى بولىپ قانا قويماي، دۇنيە ءجۇزىنىڭ دامۋ بەتالىسىنا دا تەرەڭ ىقپال جاسايدى.

  شي جينپيڭ بىلاي دەپ باسا دارىپتەدى: وسىنداي ءداۋىر سۇراۋىنا، تاريح سۇراۋىنا جۇڭگونىڭ جاۋابى ايقىن. مەن ىلگەرىندى - كەيىندى الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن العا قويىپ، ءارقايسى ەلدى باياندى بەيبىت، جاپپاي حاۋىپسىز، بىرگە گۇلدەنگەن، اشىق تا سيىسىمدى، تازا دا كورىكتى دۇنيە ءجۇزىن قۇرۋعا بىرگە كۇش سالىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇندەدىم. بيىل مەنىڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعانىما 10 جىل بولدى. بۇل باستامانىڭ ءتۇبىرلى شىعار ءتۇيىنى مەن تابان تىرەر تياناعى الىستاعى تۋىستار مەن جاقىنداعى كورشىلەردىڭ بىرگە دامۋىنىڭ جاڭا ءادىسى جونىندە ىزدەنىس جاساپ، ءار ەلدى باقىتقا كەنەلتەتىن، دۇنيە جۇزىنە يگىلىك جەتكىزەتىن ”باقىت جولىن“ اشۋ بولىپ تابىلادى.

  شي جينپيڭ بىلاي دەپ باسا دارىپتەدى: ازيا − ەۆروپا ۇلكەن شاڭىراعىنىڭ ءبىر مۇشەسى رەتىندە، جۇڭگونىڭ دامۋى ازيا − ەۆروپا وڭىرىنەن ايرىلا المايدى ءارى ازيا − ەۆروپا وڭىرىنە يگىلىك جەتكىزەدى. جۇڭگو جاق ”ءبىر بەلدەۋ، ءبىر جولدى“ بىرگە قۇرۋدى ەۆروپا − ازيا ەكونوميكالىق وداعى قۇرىلىسىمەن ءتۇيىلىستىرۋ سەلبەستىگىن تەرەڭدەتۋدى، ناقتىلاندىرۋدى، ءار ەلدىڭ ىنتىماقتاسا ىستەستىك جاساپ، ءبىر نيەتپەن جۇمىلىپ، ازيا − ەۆروپا سەلبەستىگىنىڭ جاڭا جاعدايىن قول ۇستاسا اشۋىن شىنايى ءۇمىت ەتەدى. بيىل سوڭعى جارتى جىلدا جۇڭگو جاق 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن وتكىزەدى. جۇڭگو جاق ”ءبىر بەلدەۋ، ءبىر جولدى“ بىرگە قۇراتىن ەلدەرمەن جانە ەۆروپا − ازيا ەكونوميكالىق وداعىنا مۇشە ەلدەرمەن بىرگە، بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن ۇزدىكسىز بيىك ۇستاپ، ورايدان بىرگە يگىلىكتەنىپ، ۋاقىتتىق قيىندىقتى بىرگە ەڭسەرىپ، بولاشاقتى بىرگە اشىپ، كوپ ۇيەكتەنگەن دۇنيە ءجۇزى وركەنيەتى العا باسۋىنىڭ جاڭا تاراۋىن قول ۇستاسا جازۋدى قالايدى.

  ەۆروپا − ازيا ەكونوميكالىق وداعى 2 - كەزەكتى ەۆروپا − ازيا ەكونوميكا تالقى مىنبەرى 5 - ايدىڭ 24 - كۇنى رەسەيدىڭ ماسكەۋىندە ينتەرنەت جەلىسىندە جانە ينتەرنەت جەلىسىنەن تىس ۇشتاستىرىلعان تاسىلدە وتكىزىلدى، نەگىزگى تاقىرىبى − ”كوپ ۇيەكتى دۇنيە جۇزىندەگى ەۆروپا − ازيانىڭ ءبىر تۇلعالانۋى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.