تيانشان تورى
تيانشان تورى   ›   جاڭالىقتار   ›   شينجياڭ حابارلارى

جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك نەگىزىن ويداعىداي قالاۋ كەرەك

  ۋاڭ حۋنيڭ شينجياڭدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

  جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك نەگىزىن ويداعىداي قالاۋ كەرەك

  5 - ايدىڭ 22 - كۇنىنەن 24 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ شينجياڭدا تەكسەرۋ - زەرتتەۋ جۇرگىزدى. سۋرەتتە: 5 - ايدىڭ 22 - كۇنى ۋاڭ حۋنيڭ قاشقار كونەءشار اۋدانى اياققى مانگان قىستاعىندا ۇيعۇر وتباسىنا بارىپ، امانداستى.

  □ سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

  شينحۋا اگەنتتىگىنىڭ 5 - ايدىڭ 24 - كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 5 - ايدىڭ 22 - كۇنىنەن 24 - كۇنىنە دەيىن شينجياڭدا تەكسەرۋ - زەرتتەۋ جۇرگىزدى. ول مىنالاردى ءبىلدىردى: جاڭا داۋىردەگى شينجياڭ قىزمەتىن ويداعىداي ىستەۋدە، ءسوز جوق، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، تيانشان الابىنىڭ ورنىقتى دا بەرەكەلى، ءار ۇلت حالقى تىنىش ءومىر، شات - شادىمان تىرشىلىك كەشىرگەن تاماشا جاعدايىن ۇزدىكسىز بەكەمدەۋ كەرەك.

  قاشقاردا ۋاڭ حۋنيڭ قاشقار بايىرعى قالاسى، وستەڭبويى ءمالىسى ساقشى بولىمشەسى، ايتكار مەشىتى، كونەءشار اۋدانى اياققى مانگان قىستاعى سياقتى جەرلەرگە بارىپ، ۇلتتار ىنتىماعىن ورىستەتۋ، ءدىن ساياساتىن تياناقتاندىرۋ، نەگىزگى ساتىنى كەشەندى جونگە سالۋ، بۇقارانىڭ ءوندىرىسى، تۇرمىسى سياقتى جاعدايلاردى ۇعىستى. ول مىنالاردى ءبىلدىردى: شينجياڭ قوعامىنىڭ ورنىقتى جاعدايى وڭايلىقپەن كەلمەگەن، ءسوز جوق، قاباعات قاستەرلەپ، بار كۇشپەن بەكەمدەۋ كەرەك، جۇرت تىلەگىن ىنتىماقتاستىرۋ، ۇيىستىرۋ قىزمەتىن ۇزدىكسىز ويداعىداي ىستەپ، ءار ۇلت بۇقاراسىن اناردىڭ دانىندەي تىعىز ۇيىستىرۋ كەرەك. ءۇرىمجى قالاسىندا ۋاڭ حۋنيڭ اۆتونوميالى رايوندىق مۇراجايعا، ءىسلام ءدىنى شۋەيۋانىنا، شينجياڭ داشۋەسىنە جانە قاتىستى كاسىپورىندارعا بارىپ تەكسەرۋ - زەرتتەۋ جۇرگىزدى. ول مىنانى ءبىلدىردى: شينجياڭداعى ءار ۇلت ۇزاق ۋاقىتتان بەرى ارالاسىپ، ىشتەسىپ، توعىسىپ، شينجياڭنىڭ شۇعىلالى تاريحي مادەنيەتىن بىرگە جاراتقان، دۇرىس جۇڭحۋا ۇلتى تاريحى كوزقاراسىن بەرىك ورناتىپ، جۇڭحۋانى ءسۇيۋدىڭ تۇقىمىن ءاربىر ادامنىڭ، اسىرەسە، جاستار مەن ورەندەردىڭ جۇرەگىنىڭ تەرەڭ تۇكپىرىنە ءسىڭىرۋ كەرەك.

  تەكسەرۋ - زەرتتەۋ بارىسىندا ۋاڭ حۋنيڭ مىنانى ءبىلدىردى: شينجياڭ اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، بۇكىل شينجياڭداعى ءار ۇلت كادر - بۇقاراسىن باستاپ كەلەلى جاعدايدى ورنىقتىرىپ، وزگەرىسكە توتەپ بەرىپ، كەدەيلىكپەن كۇرەسىپ، دوڭگەلەك داۋلەتتى قوعام قۇرىپ، شينجياڭنىڭ ءتۇرلى ىستەرىندە كەلەلى تابىسقا قول جەتكىزدى. جاڭا جورىقتا شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ جاۋاپكەرشىلىگى تايشان تاۋىنان دا اۋىر. لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن بۇلجىماي ىلگەرىلەتىپ، ۇزدىكسىز ورنىقتىلىقتىڭ، ۇزاق ۋاقىت ورنىقتىلىقتىڭ نەگىزىنىڭ اناعۇرلىم بەرىك بولۋىنا شىنايى كەپىلدىك ەتۋ كەرەك. ۇلت، ءدىن قىزمەتىن بۇلجىماي ويداعىداي ىستەپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن ۇزدىكسىز نىعايتۋ كەرەك. شينجياڭنىڭ جوعارى ساپالى دامۋىن بۇلجىماي ىلگەرىلەتىپ، سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن يگەرىپ، دامۋ جەتىستىكتەرىن حالىق تۇرمىسىن جاقسارتۋدا، جەرگىلىكتى ورىنعا تيىمدىلىك جەتكىزۋدە، ىنتىماقتى نىعايتۋدا اناعۇرلىم ويداعىداي تياناقتاندىرۋ كەرەك. بيڭتۋان − شينجياڭ قىزمەتى باس نىساناسىن جۇزەگە اسىرۋداعى ماڭىزدى ستراتەگيالىق كۇش، كاسىپ سالالارىنىڭ توعىسۋىن، بيڭتۋان مەن جەرگىلىكتى ورىننىڭ توعىسۋىن جەبەپ، ءوڭىردىڭ جۇمىسقا قابىلداۋ قابىلەتىن كۇشەيتىپ، بيڭتۋاننىڭ فۋنكتسيالىق رولىن تولىق ساۋلەلەندىرۋ كەرەك.

  ۋاڭ حۋنيڭ تاعى ۇرىمجىدەگى مەملەكەتتىك ساياسي كەڭەس مۇشەلەرىنە جانە اۆتونوميالى رايوندىق ساياسي كەڭەس كادرلارىنا امانداسا باردى.

  ما شيڭرۇي، شى تايفىڭ تەكسەرۋ - زەرتتەۋدە بىرگە بولدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.