انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 5 - ايدىڭ 24 - كۇنى ۇرىمجىدە قىرعىزستاننىڭ ورىنباسار زۇڭليى توروبايەۆپەن جانە ونىڭ ساپارلاستارىمەن كەزدەسىپ، جۇڭگو − ورتا ازيا باسشىلار ءماجىلىسىنىڭ جەتىستىكتەرىن، اسىرەسە، ءتوراعا شي جينپيڭ مەن قىرعىزستاننىڭ زۇڭتۇڭى كەلىسكەن ماڭىزدى ورتاق تانىمدى مۇقيات دايەكتىلەندىرىپ، تياناقتاندىرىپ، ”ءبىر بەلدەۋ، ءبىر جولدى“ جوعارى ساپالى بىرگە قۇرۋدى توڭىرەكتەي وتىرىپ ىشكەرىلەي كەڭەسىپ، پىكىر اۋىستىردى، جۇڭگونىڭ شينجياڭىنىڭ قىرعىزستاننىڭ جەرگىلىكتى ورىندارىمەن ءار سالاداعى اۋىس - كۇيىسىنىڭ، سەلبەستىگىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتتى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان توروبايەۆتىڭ جانە ونىڭ ساپارلاستارىنىڭ شينجياڭعا ساپارلاي كەلگەندىگىن قارسى الدى. ول بىلاي دەدى: جۇڭگو − ورتا ازيا باسشىلار ءماجىلىسىنىڭ ءساتتى وتكىزىلۋى جۇڭگونىڭ ورتا ازيا مەن سەلبەستىگىنە جاڭا تۇعىر ورناتتى، جاڭا بولاشاق اشتى، جۇڭگو مەن قىرعىزستان ەكى ەلدىڭ مەملەكەت باسشىلارى كەڭەس وتكىزىپ، جۇڭگو − قىرعىزستان قارىم - قاتىناسىن جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرۋدى جاريالادى، سونداي - اق ەكونوميكا - ساۋدا، كاسىپ سالاسى جانە قارجى قوسۋ، كەدەن، اۋىل شارۋاشىلىعى، گۋمانيتارلىق ىستەر سياقتى سالالارداعى سەلبەستىكتى كۇشەيتۋدە ماڭىزدى ورتاق تانىمعا كەلدى. وسى رەتكى باسشىلار ءماجىلىسىنىڭ كەلەلى جەتىستىكتەرگە قول جەتكىزۋى، جۇڭگو، قىرعىزستان ەكى ەل قارىم - قاتىناسى دەڭگەيىنىڭ ونان ارى كوتەرىلۋى ءبىزدى بارىنشا جەلپىندىرىپ، ايرىقشا شابىتتاندىردى. ءتوراعا شي جينپيڭنىڭ، جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگونىڭ شينجياڭى جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، ازيا − ەۆروپا التىن ارناسىن جانە جۇڭگونىڭ باتىسقا ەسىك اشۋداعى الدىڭعى شەبىن تۇلعالاۋدا. جۇڭگو شينجياڭ دوستىق اۋىس - كۇيىس ساپارلاۋ ۇيىرمەسى جاقىندا ەلدەرىڭىزدە ءساتتى ساپاردا بولىپ، ەلدەرىڭىز باسشىلارىنىڭ جانە ءار جاقتىڭ ىستىق ىقىلاستى، جان - جاقتىلى قارسى الۋىنا يە بولدى، ەكى جاق كوپتەگەن ماسەلەلەر جونىندە ىشكەرىلەي پىكىر اۋىستىردى، ءبىز بۇعان شىن جۇرەكتەن العىس ايتامىز. كەزەكتە جۇڭگونىڭ شينجياڭىمەن ەلدەرىڭىزدىڭ اۋىس - كۇيىسى جيىلەپ، سەلبەستىگى ءساتتى بولدى، اسىرەسە، ەكى جاقتىڭ ەكونوميكا - ساۋدا جاعىنداعى بارىس - كەلىس جاعدايى تاماشا، ءوزارا پايدا جەتكىزىپ، ءوزارا تيىمدىلىك جاساپ سەلبەسۋىنىڭ دامۋ بولاشاعى كەڭ. ەكى جاقتىڭ جۇڭگو − ورتا ازيا باسشىلار ءماجىلىسى كەسكىندەگەن سەلبەستىك جوباسىن، اسىرەسە، ەكى ەلدىڭ مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرۋىن، كوپ سالاداعى اۋىس - كۇيىس مەحانيزمىن ورناتىپ، اقاۋسىزداندىرىپ، جان - جاقتى ءوزارا تيىمدىلىك جەتكىزىپ سەلبەسۋ تۇعىرىن قۇرىپ، جۇڭگو − قىرعىزستان − وزبەكستان تەمىر جول قۇرىلىسىن جانە بەدەل شەكارا وتكەلىن تىڭنان اشۋ قىزمەتىن زور كۇشپەن ىلگەرىلەتىپ، قازىرگى شەكارا وتكەلدەرىنىڭ قابىلەت دەڭگەيىن جوعارىلاتىپ، زات اينالىم باقشا رايونى، ەنەرگيا، گۋمانيتارلىق ىستەر، ساياحات سياقتى سالالارداعى سەلبەستىكتى كەڭەيتىپ، دوس قالا قارىم - قاتىناسىن بەكەمدەپ جانە تەرەڭدەتىپ، جۇڭگو − قىرعىزستان تاعدىرلاس ورتاق تۇلعاسىن سومداۋعا بەلسەنە كۇش قوسۋدى ءۇمىت ەتەمىن.
توروبايەۆ مىنالاردى ءبىلدىردى: جۇڭگو قىرعىزستاننىڭ نەگىزگى ساۋدا سەرىگى. قىرعىزستان جاق جۇڭگومەن قارىم - قاتىناسىنا ايرىقشا ءمان بەرەدى، ءبىر جۇڭگو پرينسيبىن باتىل قولدايدى، جۇڭگونىڭ شينجياڭعا ساياتىن ماسەلەلەردەگى ورىندى تۇرعىسىن باتىل قولدايدى. وسىدان بۇرىن قىرعىزستان زۇڭتۇڭى جۇڭگودا ساپاردا بولدى ءارى جۇڭگو − ورتا ازيا باسشىلار ماجىلىسىنە قاتىناسىپ، قىرعىزستان − جۇڭگو قارىم - قاتىناسىن جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرىپ، ەكى جاقتىڭ اۋىس - كۇيىستى، سەلبەستىكتى تەرەڭدەتۋىنە تىڭ قوزعاۋشى كۇش قوستى. جۇڭگونىڭ شينجياڭىمەن سەلبەستىك قارىم - قاتىناسىن ويداعىداي دامىتۋ − قىرعىزستاننىڭ قىرعىزستان − جۇڭگو قارىم - قاتىناسىن دامىتۋداعى ماڭىزدى باعىتى، ەكى جاقتىڭ ”ءبىر بەلدەۋ، ءبىر جولدى“ بىرگە قۇرۋدى توڭىرەكتەي وتىرىپ، ەكونوميكا - ساۋدا، گۋمانيتارلىق ىستەر سياقتى سالالارداعى سەلبەستىكتى ونان ارى كۇشەيتۋىن ءۇمىت ەتەمىن. قىرعىزستان جاق جۇڭگونىڭ شينجياڭىنداعى ءار ءتۇرلى كاسىپورىنداردىڭ قىرعىزستانعا بارىپ قارجى قوسۋىن، دامۋىن، اۋىل شارۋاشىلىعى ونىمدەرىن وڭدەۋ، ونەركاسىپ، قاتىناس - زات اينالىمى سياقتى سالالاردى توڭىرەكتەي وتىرىپ، اناعۇرلىم كوپ ناقتى سەلبەستىك جەتىستىكتەرىن قالىپتاستىرۋىن قارسى الادى. قىرعىزستان جاق جۇڭگو شينجياڭىنىڭ قارجى قوسۋشىلارىنا تاماشا شارۋاشىلىق - ساۋدا ورتاسىن جانە دامۋ شارت - جاعدايىن ازىرلەيدى. ەكى جاقتىڭ جۇڭگو − ورتا ازيا باسشىلار ءماجىلىسىنىڭ جەتىستىكتەرىن ويداعىداي تياناقتاندىرىپ، جۇڭگو − قىرعىزستان − وزبەكستان تەمىر جولىن سالۋدى جانە بەدەل شەكارا وتكەلىن اشۋدى جەدەل ىلگەرىلەتىپ، تاس جول سياقتى نەگىزدىك قۇرىلعى قۇرىلىستارىن كەمەلدەندىرىپ، جۇك وتكىزۋ دەڭگەيىن جوعارىلاتۋعا قولايلى شارت - جاعداي ازىرلەۋىن ءۇمىت ەتەمىن. توروبايەۆ تاعى جۇڭگو مەن قىرعىزستاننىڭ قازىرگى شەكارا وتكەلدەرىنىڭ قۇرىلعى قۇرىلىستارىنىڭ دەڭگەيىن جوعارىلاتۋ، كەدەننەن وتكىزۋ قىزمەتى مەحانيزمىن كەمەلدەندىرۋ، زات ساۋدا مولشەرىن جوعارىلاتۋ جونىندە پىكىر - ۇسىنىستار دا قويدى، سونداي - اق ەكى جاقتىڭ ساۋدا جانە زات اينالىم باقشا رايونىن سەلبەسىپ قۇرۋ، سۋ - ەلەكترىن اشۋ قۇرىلىسىن كۇشەيتۋ، اۋىل شارۋاشىلىعى ونىمدەرىن ەكسپورت ەتۋدى جەبەۋ سياقتىلار جونىندە ىشكەرىلەي كەڭەستى.
قىرعىزستاننىڭ جۇڭگودا تۇراتىن باس ەلشىسى مۇسايەۆا، قىرعىزستان زۇڭتۇڭىنىڭ نارىن وبلىسىندا تۇراتىن تولىق ۇقىقتى ۋاكىلى ەرگەشوۆ، وش وبلىسىندا تۇراتىن تولىق ۇقىقتى ۋاكىلى جانتايەۆ، قىرعىزستاننىڭ شەشىم جاساۋ، قۇرىلىس، اۋىل شارۋاشىلىعى، قاتىناس، ەكونوميكا جانە ساۋدا ىستەرى، ەنەرگيا، قارجى قوسۋ، كەدەن سياقتى تاراۋلارىنىڭ قاتىستى جاۋاپتىلارى سياقتىلار كەزدەسۋگە قاتىناستى. چىن ۋيجۇن، سۇن حۇڭمەي جانە اۆتونوميالى رايوننىڭ قاتىستى تاراۋلارىنداعى، ورىندارىنداعى جاۋاپتى جولداستار كەزدەسۋگە قاتىناستى.
