اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى قۇتتىقتاۋ حاتىنىڭ، قايتارعان جانە جازعان جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى
”ءۇرىمجى − سانجى − شىحىزى“ ءوڭىرىنىڭ اتموسفەرا ورتاسىن وڭاۋ جانە شەكارا وتكەلى ەكونوميكالىق بەلدەۋىن دامىتۋ قىزمەتىن اقىلداستى، ورنالاستىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 5 - ايدىڭ 25 - كۇنى تۇستەن بۇرىن ءماجىلىس اشىپ، باس شۋجي شي جينپيڭنىڭ جۇڭگو − ورتا ازيا باسشىلار ماجىلىسىندە، ورتالىق كوميتەت قازىنالىق باقىلاۋ كوميتەتى ماجىلىسىندە سويلەگەن ماڭىزدى ءسوزىنىڭ رۋحىن جانە قاتىستى ماڭىزدى قۇتتىقتاۋ حاتىنىڭ، قايتارعان جانە جازعان جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى، ۋاڭ حۋنيڭ جولداستىڭ شينجياڭدا تەكسەرۋ - زەرتتەۋ جۇرگىزگەندە سويلەگەن ءسوزىنىڭ تالاپتارىن جەتكىزدى، دايەكتىلەندىردى، مەملەكەتتىك كەڭەستىڭ كەلەلى ساياساتتاردى، شارالاردى تياناقتاندىرۋدى شىنايى يگەرىپ، ناقتى ىستەۋ جونىندەگى قاتىستى تالاپتارىن دايەكتىلەندىردى، تياناقتاندىردى، ”ءۇرىمجى − سانجى − شىحىزى“ ءوڭىرىنىڭ اتموسفەرا ورتاسىن وڭاۋ جانە شەكارا وتكەلى ەكونوميكالىق بەلدەۋىن دامىتۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: جۇڭگو − ورتا ازيا باسشىلار ءماجىلىسى جۇڭگو − ورتا ازيا سەلبەستىگىنىڭ جاڭا جوباسىن كەسكىندەدى، بۇل جۇڭگو − ورتا ازيا قارىم - قاتىناسى تاريحىنداعى تىڭ بەلەس. باس شۋجي شي جينپيڭنىڭ باسشىلار ماجىلىسىندەگى جەلىلەس ماڭىزدى سوزدەرى اناعۇرلىم بەرىك جۇڭگو − ورتا ازيا تاعدىرلاس ورتاق تۇلعاسىن قۇرۋعا ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، باسشىلار ءماجىلىسىنىڭ شينجياڭعا اكەلگەن تاريحي ورايىن يگەرىپ، باسشىلار ءماجىلىسىنىڭ جەتىستىكتەر ءتىزىمىن دايەكتىلەندىرۋدى ءجىتى قاداعالاپ، جىبەك جولى ەكونوميكالىق بەلدەۋى وزەكتى رايونىن جوعارى ساپالى قۇرۋ كەرەك. ۇلاستىرۋ - تۇتاستىرۋدى كۇشەيتىپ، جۇڭگو − ورتا ازيا قاتىناس ءدالىزىن قۇرۋدى ىلگەرىلەتىپ، جۇڭگو − قىرعىزستان − وزبەكستان تەمىر جول قۇرىلىسى مەن بەدەل شەكارا وتكەلىنىڭ اشىلۋىن جەبەپ، سىرتقا ەسىك اشۋدىڭ ۇلكەن ارناسىن قالىپتاستىرۋ كەرەك. ەكونوميكا - ساۋدا قارىم - قاتىناسىن كەڭەيتىپ، ورتا ازياداعى ەلدەرمەن ەكونوميكا - ساۋدا سەلبەستىگىن تەرەڭدەتىپ، ەنەرگيا بايلىعى، ەرەكشە ەگىن، مال شارۋاشىلىعى، جابدىق جاساۋ سياقتى كاسىپ سالالارىندا حالىقارالىق سەلبەستىك دەڭگەيىن جوعارىلاتۋ كەرەك. حالىق تىلەگىنىڭ توعىسۋىن جەبەپ، وقۋ - اعارتۋ، ەمدەۋ - دەنساۋلىق ساقتاۋ، مادەنيەت، ساياحات سياقتى سالالارداعى ناقتى ىستەر سەلبەستىگىن كۇشەيتىپ، ءىس جۇزىندىك ارەكەت ارقىلى جۇڭگو − ورتا ازيا تاعدىرلاس ورتاق تۇلعاسىن قۇرۋعا شينجياڭ ۇلەسىن قوسۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ 20 - كەزەكتى ورتالىق كوميتەت قازىنالىق باقىلاۋ كوميتەتىنىڭ 1 - رەتكى ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، قازىنالىق باقىلاۋدىڭ ساياسي سيپاتى مەن ساياسي فۋنكتسياسىن كۇشەيتىپ، نازاردى جوعارى ساپالى دامۋ ماڭداي الدى مىندەتىنە شوعىرلاندىرىپ، شينجياڭداعى ءتۇيىندى، قيىن ماسەلەلەر مەن تەرەڭ قاتپارلى قايشىلىقتاردى كوزدەي وتىرىپ، كەلەلى نىسانداردىڭ، كەلەلى ستراتەگيالاردىڭ، كەلەلى شارالاردىڭ ناقتىلانۋىن، تياناقتانۋىن ءجىتى قاداعالاپ، قازىنالىق باقىلاۋ بويىنشا باقىلاۋدىڭ تەرەڭدەۋىن، كەڭەيۋىن ۇزدىكسىز زورايتىپ، قازىنالىق باقىلاۋدىڭ پارتيانىڭ وزىنە - ءوزى توڭكەرىس جاساۋىن ىلگەرىلەتۋدەگى وزگەشە رولىن اناعۇرلىم ويداعىداي ساۋلەلەندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن قامتاماسىز ەتۋگە ءونىمدى قىزمەت وتەۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ جۇڭگو مۇناي داشۋەسىندە (بەيجيڭ) وقىپ جاتقان ورتا ازيالىق وقۋشىلارعا جازعان ماڭىزدى جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، 32 - كەزەكتى اراب ەلدەرى وداعى باسشىلارى القالار كەڭەسىنىڭ ماجىلىسىنە، ساۋىقتىرۋ حالىقارالىق ۇيىمىنىڭ 100 جىلدىق مەرەيتويىنا، جۇڭگو شيزاڭ دامۋ تالقى مىنبەرىنە جولداعان ماڭىزدى قۇتتىقتاۋ حاتىنىڭ رۋحىن، شاڭحاي قالاسىنداعى قوقىر - قوقسىقتى تۇرگە ايىرۋ ەرىكتىلەرىنە، جۇڭگو اسەمونەر سارايىنداعى قارت ماماندارعا، قارت كوركەمونەرشىلەرگە، اۋمىن عىلىم - تەحنيكا داشۋەسىندەگى وقىتۋشى - وقۋشى ۋاكىلدەرىنە قايتارعان ماڭىزدى جاۋاپ حاتىنىڭ رۋحىن شينجياڭنىڭ ءىس جۇزىندىگىمەن ۇشتاستىرا وتىرىپ تياناقتاندىرۋدى ويداعىداي يگەرۋ كەرەك. ”ءبىر بەلدەۋ، ءبىر جول“ بويىنداعى ەلدەرمەن ءار سالاداعى سەلبەستىكتى تەرەڭدەتىپ، سىرتقا ەسىك اشۋ دەڭگەيىن جاپپاي جوعارىلاتىپ، عىلىم - تەحنيكادا جاڭالىق اشۋ قابىلەتىن كۇشەيتىپ، جۇڭگونىڭ ادامدىق ۇقىقتى دامىتۋ جولىمەن بۇلجىماي ءجۇرىپ، مۇگەدەكتەردى قوعامدىق قامتاماسىزداندىرۋ ءتۇزىمىن جانە قامقورلىق جاساۋ، قىزمەت وتەۋ جۇيەسىن كەمەلدەندىرىپ، مادەنيەت - كوركەمونەردى گۇلدەندىرۋ، دامىتۋ ارقىلى شينجياڭدى مادەنيەتپەن نارلەندىرۋگە دەم بەرىپ، قوقىر - قوقسىقتى تۇرگە ايىرۋ قىزمەتىن تارتىپپەن ىلگەرىلەتىپ، كورىكتى شينجياڭ قۇرۋعا اناعۇرلىم كوپ قوزعاۋشى كۇش، ومىرشەڭدىك كۇش ۇستەۋ كەرەك.
ءماجىلىس مىنالاردى باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جولداستىڭ شينجياڭعا كەلىپ تەكسەرۋ - زەرتتەۋ جۇرگىزۋى باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ قىزمەتىنە كوڭىل بولگەندىگىن، قامقورلىق جاساعاندىعىن جانە شينجياڭداعى ءار ۇلت كادرلارى مەن بۇقاراسىنا دەگەن تەرەڭ سۇيىسپەنشىلىگىن تولىق ايگىلەدى. بۇكىل رايوندا جوعارىدان تومەنگە دەيىن نەگىزگى تاقىرىپتىق تاربيەنى ورىستەتۋمەن ۇشتاستىرىپ، باس شۋجيدىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ۋاڭ حۋنيڭ جولداستىڭ ءسوزىنىڭ تالاپتارىنا ساي، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە نازاردى شوعىرلاندىرا وتىرىپ ۇزدىكسىز كۇش سالۋ كەرەك. دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، شينجياڭدى جاپپاي زاڭمەن باسقارۋدى تەرەڭدەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن بۇلجىماي ىلگەرىلەتىپ، شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك. ۇلتتاردىڭ كەڭ كولەمدە ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەپ، ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جەبەپ، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەكەمدەۋ كەرەك. ستراتەگيالىق ورىندى ايقىنداپ، باسىمدىقتىڭ كومەسكى كۇشىن ساۋلەلەندىرىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ جەتىستىكتەرىن حالىق تۇرمىسىن جاقسارتۋ، جەرگىلىكتى ورىنعا تيىمدىلىك جاساۋ، ىنتىماقتى كۇشەيتۋ جاعىندا اناعۇرلىم ويداعىداي تياناقتاندىرۋ كەرەك. بيڭتۋان مەن جەرگىلىكتى ورىننىڭ توعىسپالى دامۋىن ۇزدىكسىز تەرەڭدەتىپ، بيڭتۋاننىڭ فۋنكتسيالىق رولىن اناعۇرلىم ويداعىداي ساۋلەلەندىرۋ كەرەك.
ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ ءتۇرلى كەلەلى ساياساتتىق شارالارىن شىنايى يگەرىپ، ناقتى ىستەپ، تياناقتاندىرىپ، جەتىستىكتەردى باعدار ەتۋدى كۇشەيتىپ، پارىقتارعا باتىلدىقپەن تۋرا قاراپ، ماسەلەنى شەشۋدەن قامال الۋدىڭ شەشۋشى شارالارىن ىشكەرىلەي زەرتتەپ، ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن جەدەل قالىپتاستىرىپ، شينجياڭ ەكونوميكاسى دامۋىنىڭ جاڭا قوزعاۋشى قۋات، جاڭا باسىمدىعىن ۇزدىكسىز تۇلعالاپ، جوعارى ساپالى دامۋدى ىلگەرىلەتۋدە تىڭ ىلگەرىلەۋشىلىكتەرگە قول جەتكىزۋ كەرەك.
ءماجىلىس ”ءۇرىمجى − سانجى − شىحىزى“ ءوڭىرىنىڭ اتموسفەرا ورتاسىن وڭاۋدىڭ 2023 - جىلعى ارەكەت جوباسىن اقىلداسىپ، تالقىلاپ، وڭىرلەر بىرلەسىپ ساقتانۋ، بىرلەسىپ تىزگىندەۋدى جانە بيڭتۋان مەن جەرگىلىكتى ورىن بىرگە ساقتانۋدى، بىرگە باسقارۋدى كۇشەيتىپ، باقىلاۋ - ولشەۋ، باقىلاۋ - مەڭگەرۋ جۇيەسىن اقاۋسىزداندىرىپ، ماڭىزدى تۇيىندەردى مىقتى يگەرىپ، دالمە - ءدال شارالار قولدانىپ، قاراستى جەردەگى كاسىپورىنداردىڭ تەحنيكالىق جاڭالاۋىن جانە ىعىستىرۋدى وڭاۋىن كۇشەيتىپ، كومىردى ەلەكترگە وزگەرتۋ قىزمەتىن ءبىر تۇتاس جوسپارلاپ ىلگەرىلەتىپ، قورشاعان ورتاعا قاتىستى زاڭعا، بەلگىلەمەگە قايشى ارەكەتتەردى تەكسەرىپ ءبىر جاقتى ەتۋدە استە راقىم ەتپەۋدى، وڭىرلىك اتموسفەرانىڭ لاستانۋىن وڭاۋدا ماندىك ناتيجەگە قول جەتكىزۋدى بار كۇشپەن ىلگەرىلەتۋدى باسا دارىپتەدى.
ءماجىلىس شەكارا وتكەلى ەكونوميكالىق بەلدەۋىنىڭ دامۋىن جەدەلدەتۋگە، ازيا − ەۆروپا التىن ارناسى ستراتەگيالىق تىرەگىن قۇرۋعا قاتىستى تەكسەرۋ - زەرتتەۋ مالىمەتىن اقىلداسىپ، تالقىلاپ، جۇڭگو − ورتا ازيا باسشىلار ءماجىلىسىن وراي ەتىپ، شينجياڭنىڭ شەكارا وتكەلدەرىنىڭ دامۋ ارناسىن جەدەل كەمەلدەندىرىپ، باسقارۋ ۇلگىسىندە جاڭالىق اشىپ، كاسىپ سالاسىنىڭ ورنالاسىمىن ساپالىلاندىرىپ، شارۋاشىلىق - ساۋدا ورتاسىن ۇزدىكسىز جاقسارتىپ، قىزمەت وتەۋمەن قامتاماسىز ەتۋ قابىلەتىن جوعارىلاتىپ، شەكارا وتكەلى ەكونوميكالىق بەلدەۋى دامۋىنىڭ ساپاسىن ءوسىرىپ، ونىمدىلىگىن ارتتىرۋدى ىلگەرىلەتىپ، شينجياڭنىڭ ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋىنا ءونىمدى تىرەك بولۋدى باسا دارىپتەدى.
