اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسى اشىلدى
شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قايراتتانا ءىس تىندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ كەرەك
اۆتونوميالى رايوندىق پارتكوم تۇراقتى كوميتەتى ءماجىلىستى باسقاردى، ما شيڭرۇي قىزمەتتەن بايانداما جاسادى ءارى ءسوز سويلەدى
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ سەگىزىنشى جالپى ءماجىلىسى 5 - ايدىڭ 26 - كۇنىنەن 27 - كۇنىنە دەيىن ۇرىمجىدە اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 27 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ سەگىزىنشى جالپى ءماجىلىسى 5 - ايدىڭ 26 - كۇنىنەن 27 - كۇنىنە دەيىن ۇرىمجىدە اشىلدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى تىڭعىلىقتى ورىستەتىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ باس تالابىن تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدى جۇيەلى جوسپارلاپ، جاڭا دامۋ ارناسىنا بەلسەنە قىزمەت وتەپ جانە توعىسىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرۋدى تالاپ ەتتى.
ءماجىلىستى اۆتونوميالى رايوندىق پارتكوم تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن قىزمەتتەن بايانداما جاسادى ءارى جالپى ءماجىلىستىڭ رۋحىن دايەكتىلەندىرۋ، تياناقتاندىرۋ جونىندە ءسوز سويلەدى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ، گرۋپپانىڭ ورىنباسار باستىعى شاۋ لين سىرتتاي قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ەكونوميكالىق قىزمەت جونىندە ارناۋلى تاقىرىپتا ءسوز سويلەدى.
ءماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ، شينجياڭ ۇيعۇر اۆتونوميالى رايوندىق حالىق ۇكىمەتىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ ارەكەت جوباسىن (2023 − 2025 - جىل)»، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ، شينجياڭ ۇيعۇر اۆتونوميالى رايوندىق حالىق ۇكىمەتىنىڭ وڭتۇستىك شينجياڭنىڭ جوعارى ساپالى دامۋىن جەبەۋ جونىندەگى ءبىرقانشا ساياسات - شاراسىن»، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتى سەگىزىنشى جالپى ءماجىلىسىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قايراتتانا ءىس تىندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ جونىندەگى قارارىن» قاراپ ماقۇلدادى.
ءماجىلىس مىنالاردى اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن تىڭعىلىقتى ورىستەتىپ، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋمەن ۇشتاستىرىپ، جوعارى ساپالى دامۋ تەك ەكونوميكالىق تالاپ قانا ەمەس، قايتا ەكونوميكالىق، قوعامدىق دامۋدىڭ ءار جاعىنا قويىلاتىن باس تالاپ ەكەندىگىن؛ تەك ەكونوميكاسى دامىعان وڭىرلەرگە قويىلاتىن تالاپ قانا ەمەس، قايتا بارلىق ءوڭىردىڭ دامۋىندا، ءسوز جوق، دايەكتىلەندىرۋگە ءتيىستى تالاپ ەكەندىگىن؛ ءبىر مەزەتتىك، ءبىر ىسكە قويىلاتىن تالاپ قانا ەمەس، قايتا، ءسوز جوق، ۇزاق ۋاقىت تاباندى بولۋعا ءتيىستى تالاپ ەكەندىگىن جەتە تانۋ، بۇكىل رايوننىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ ساياسي جاۋاپكەرشىلىگىن باتىل ارقالاپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا ويداعىداي جازۋ كەرەك.
ءماجىلىس مىنالاردى اتاپ كورسەتتى: كەزەكتە شينجياڭ جوعارى ساپالى دامۋدىڭ شەشۋشى كەزەڭىندە تۇر، ىلگەرىلەمەسەك شەگىنەمىز، باياۋ ىلگەرىلەسەك تە شەگىنەمىز، جاعدايدى جىعا تانىپ، ورايدى مىقتى يگەرىپ، جەرگىلىكتى جاعدايعا قاراي ىستەپ، ارتىقشىلىقتى اسىرىپ، ولقىلىقتى تولىقتاۋ كەرەك. ءماجىلىس ساياسي، ساياسات، گۋمانيتارلىق ىستەر، جاراتىلىستىق شارت - جاعداي، بايلىق ارتىقشىلىعى، ەسىك اشۋداعى وڭىرلىك ورىن سياقتى جاقتاردان شينجياڭنىڭ جوعارى ساپالى دامۋداعى باستى ابزالدىلىقتارىن جۇيەلى سالالادى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرگەندە عانا، شينجياڭنىڭ ەكونوميكانىڭ، قوعامنىڭ جوعارى ساپالى دامۋىن جۇزەگە اسىرا الاتىندىعىن، بۇل ءبىزدىڭ ەڭ ۇلكەن جىگەر جانە سەنىمىمىزدىڭ قاينارى ەكەندىگىن باسا دارىپتەدى. سونىمەن بىرگە شينجياڭنىڭ ەرەكشە باسىمدىققا يە كاسىپ سالاسىنىڭ دامۋ قۇرىلىمى، عىلىم - تەحنيكادا جاڭالىق اشۋدىڭ جەتەكشىلىك رولىن ساۋلەلەندىرۋ، نەگىزدىك قۇرىلعىلاردىڭ تىرەكتىك قابىلەتى، سىرتقا ەسىك اشۋ دەڭگەيى، تاريحي، گۋمانيتارلىق جانە جاراتىلىستىق بايلىقتاردى كادەگە جاراتۋ، پايدالانۋ، قالا، اۋىل وڭىرلەرىنىڭ سايكەستى دامۋى، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋ، كادرلاردىڭ قابىلەتى مەن ونەرى جانە قىزمەت ستيلى سياقتى جاقتاردا ورىن تەۋىپ وتىرعان ولقىلىقتار مەن جەتەرسىزدىكتەرگە ىشكەرىلەي تالداۋ جاسادى، بۇكىل رايوندا جوعارىدان تومەنگە دەيىن داۋىرلىك ورايدى مىقتاپ يگەرىپ، باسىمدىقتاردى تولىق ىسكە قوسىپ، دامۋداعى ولقىلىقتاردى تولىقتاپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدە جاڭا جول اشۋدى، تىڭ ساتىعا قادام تاستاۋدى تالاپ ەتتى.
ءماجىلىس مىنالاردى باسا دارىپتەدى: نازاردى جوعارى ساپالى دامۋداعى ماڭداي الدى مىندەتكە مىقتاپ شوعىرلاندىرىپ، دامۋ مەن ورنىقتىلىقتى ءبىر تۇتاس جوسپارلاۋ قىزمەت بەتالىسىن بەرىك ورناتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ارقاۋ ەتە وتىرىپ نازاردى شوعىرلاندىرا كۇش سالىپ، شينجياڭ ەرەكشەلىگىنە يە جوعارى ساپالى دامۋ جولىن قۇلشىنا اشۋ كەرەك.
دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، شينجياڭدى زاڭمەن باسقارۋدى بۇلجىماي ىلگەرىلەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، ءار سالاداعى حاۋىپ - قاتەرلەردەن، كومەسكى كىناراتتاردان ساقتانۋدى جانە ونى جويۋدى ءبىر تۇتاس جوسپارلاپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىن جۇزەگە اسىرۋ كەرەك.
ساياسي جاقتان شىنايى مويىنداۋ، جۇرتتىڭ قۇپتاۋ - قۇپتاماۋى ماسەلەسىن تۇبىرىنەن شەشۋدى كوزدە ۇستاپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، شينجياڭدا ءىسلام ءدىنىن جۇڭگوشالاندىرۋدى ورنىقتى ىلگەرىلەتىپ، ءار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن بىرتىندەپ جۇزەگە اسىرۋدى جەبەپ، جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتۋ كەرەك.
حالىقتى وزەك ەتكەن دامۋ يدەياسىن بەرىك ورناتىپ، قالا - قالاشىق تۇرعىندارى مەن ەگىنشى - مالشىلاردىڭ جان باسىندىق كىرىس دەڭگەيىن ورنىقتى جوعارىلاتىپ، ءار ۇلت بۇقاراسىنىڭ حالىق تۇرمىسىندىق قۇت - ىرىسىن ۇزدىكسىز ارتتىرىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋ كەرەك.
باسىمدىققا يە ەنەرگيا بايلىعىنىڭ كومەسكى كۇشىن كۇش سالا ىسكە قوسىپ، ”8 ءىرى كاسىپ سالاسى شوعىرىن“ جوعارى ساپامەن قۇرىپ، ءتۇيىندى كاسىپ سالالارىن ارقاۋ ەتە وتىرىپ تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ىشكەرىلەي ىلگەرىلەتىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن جەدەل تۇلعالاۋ كەرەك.
دامۋعا جاڭالىق اشۋ ارقىلى دەم بەرۋدى تەرەڭدەتىپ، جىبەك جولى ەكونوميكالىق بەلدەۋىندەگى وڭىرلىك جاڭالىق اشۋ بيىگىن تۇلعالاۋدى ارقاۋ ەتىپ، عىلىم - تەحنيكادا جاڭالىق اشۋدىڭ جەتەكشىلىك رولىن اناعۇرلىم ويداعىداي ساۋلەلەندىرىپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن جەدەل قالىپتاستىرۋ كەرەك.
وڭىرلىك ورىن باسىمدىعىن تياناق ەتىپ، جىبەك جولى ەكونوميكالىق بەلدەۋى وزەكتى رايونىن جوعارى ساپامەن قۇرىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىندا تىڭ سەرپىلىسكە قول جەتكىزۋدى ىلگەرىلەتىپ، توڭىرەكتەگى ەلدەرمەن، اسىرەسە، ورتا ازياداعى 5 ەلمەن كوپ سالاداعى اۋىس - كۇيىستى، سەلبەستىكتى تەرەڭدەتىپ، ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋ كەرەك.
بۇكىل ەلدىڭ ءبىر تۇتاس ءىرى بازارىمەن ىشكەرىلەي توعىسىپ، ءونىمدى، ىركىلىسسىز اينالىم جۇيەسىن جەدەل قۇرىپ، ءوندىرىس فاكتورلارىنىڭ ۇيلەسىمدى اينالىمىن جانە جوعارى ءونىمدى شوعىرلانۋىن جەبەپ، ەل ءىشى ۇلكەن اينالىمىنىڭ ىركىلىسسىز جۇرىلۋىنە پارمەندى قىزمەت وتەۋ جانە ونى قامتاماسىز ەتۋ كەرەك.
رەفورمانى جاپپاي تەرەڭدەتۋدى ىلگەرىلەتىپ، ماڭىزدى سالالار مەن شەشۋشى بۋىنداردا تىڭ سەرپىلىسكە قول جەتكىزىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، ءتۇرلى شارۋاشىلىق تۇلعالارىنىڭ باسەكەلەسە دامۋىن جەبەۋ كەرەك.
ىشكى سۇرانىستى ۇلعايتۋ ستراتەگياسىن ىشكەرىلەي اتقارىپ، جاڭا كاسىپ سالاسىنىڭ، جاڭا تەحنيكالاردىڭ، جاڭا كاسىپ كۇيىنىڭ دامۋىن ىلگەرىلەتىپ، ادام اينالىمىنىڭ، زات اينالىمىنىڭ، قارجى اينالىمىنىڭ، ينفورماتسيا اينالىمىنىڭ جوعارى ءونىمدى، ىركىلىسسىز بولۋىن جەبەپ، ەكونوميكالىق اينالىمنىڭ ىشكى قوزعاۋشى كۇشىن شىنايى كۇشەيتىپ، جوعارى ساپالى دامۋدىڭ كومەسكى كۇش ءورىسىن ءونىمدى كەڭەيتۋ كەرەك.
كەدەيلىكتەن ارىلتۋدان قامال الۋ جەتىستىكتەرىن بەكەمدەپ جانە كەڭەيتىپ، كەدەيلىكتەن ارىلعان وڭىرلەردىڭ دامۋى مەن كەدەيلىكتەن ارىلعان بۇقارانىڭ كىرىس دەڭگەيىن ۇزدىكسىز جوعارىلاتىپ، اۋىل - قىستاقتاردى جاپپاي گۇلدەندىرۋدى ىلگەرىلەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋعا قۇلشىنۋ كەرەك.
وڭىرلەردىڭ سايكەسە دامۋىنا تاباندى بولىپ، ءۇرىمجى − قارامايلى − سانجىنىڭ، سولتۇستىك شينجياڭنىڭ، شىعىس شينجياڭنىڭ، وڭتۇستىك شينجياڭنىڭ پارىقتى باسەكەلەسۋىن، ىقپالداسا دامۋىن ءبىر تۇتاس جوسپارلاپ ىلگەرىلەتىپ، وڭتۇستىك شينجياڭنىڭ دامۋىنداعى بوگەتتىك شەكتەمەلەردى كۇش سالا جويىپ، باسىمدىقتار ارقىلى ءوزارا تولىقتايتىن، جوعارى ساپالى داميتىن وڭىرلىك ەكونوميكا جانە كەڭىستىك ورنالاسىمىن ورناتۋ كەرەك.
نەگىزدىك قۇرىلعىلاردىڭ ورنالاسىمىن، قۇرىلىمىن، يقۋاتىن جانە جۇيەلىك شوعىرلانۋىن ساپالىلاندىرىپ، كەشەندى، ستەرەولدى قاتىناس، ەنەرگيا ۇلكەن ارناسى، قالا نەگىزدىك قۇرىلعىلارى سياقتى جۇيەلەردى ورناتىپ جانە كەمەلدەندىرىپ، جوعارى ساپالى دامۋ قاجەتىنە تىرەك بولاتىن وسىزاماندانعان نەگىزدىك قۇرىلعىلار جۇيەسىن جەدەل ورناتۋ كەرەك.
سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ءبىر تۇتاس جوسپارلاپ، ويداعىداي ىستەپ، شينجياڭنىڭ باياندى دامۋىنداعى سۋ بايلىعىنىڭ شەكتەۋ، بوگەت بولۋ ماسەلەسىن كۇش سالا شەشىپ، جوعارى ساپالى دامۋعا سۋ تىرەگىن، سۋ قامتاماسىزدىعىن ازىرلەۋ كەرەك.
ەكولوگيالىق ورتانى قورعاۋ قۇرىلىسىن كۇشەيتىپ، دامۋ تاسىلىندە جاسىل بولۋعا جەدەل بۇرىلىس جاساپ، ”ءۇرىمجى − سانجى − شىحىزى“ سياقتى ءتۇيىندى وڭىرلەردەگى اتموسفەرانىڭ لاستانۋى ماسەلەسىن كۇش سالا شەشىپ، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋدى ويداعىداي يگەرۋ كەرەك.
نازاردى جاڭا داۋىردەگى، جاڭا جورىقتاعى بيڭتۋاننىڭ قىزمەت جاۋاپكەرشىلىگى مەن بورىشىنا شوعىرلاندىرىپ، بيڭتۋان رەفورماسىن ۇزدىكسىز تەرەڭدەتىپ، بيڭتۋان مەن جەرگىلىكتى ورىننىڭ توعىسپالى دامۋىن جاپپاي تەرەڭدەتىپ، بيڭتۋاننىڭ فۋنكتسيالىق رولىن اناعۇرلىم ويداعىداي ساۋلەلەندىرۋىن جەبەۋ كەرەك.
شينجياڭعا باعىتتامالى كومەكتەسۋ قىزمەتىن ۇزدىكسىز تەرەڭدەتىپ، شينجياڭعا كومەكتەسۋ بايلىعىن، كۇشتەرىن ءبىر تۇتاس جوسپارلاپ ويداعىداي پايدالانىپ، باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتۋ كەرەك.
ءار دارەجەلى ۇيىمدىق قۇرىلىمداردىڭ قۇرىلۋى مەن فۋنكتسيالىق ورنالاسۋىن ساپالىلاندىرىپ، نەگىزگى ساتىنى باسقارۋدى كۇشەيتىپ جانە كەمەلدەندىرىپ، باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن كۇش سالا جوعارىلاتۋ كەرەك.
دەموكراتيالىق ساياسي قۇرىلىستى كۇشەيتىپ، جالپى بارىستىق حالىق دەموكراتياسىن امالياتتا ايگىلەپ، ءار ۇلت، ءار سالا قايراتكەرلەرىنىڭ كورىكتى شينجياڭ قۇرۋداعى بەلسەندى رولىن تولىق ساۋلەلەندىرۋ كەرەك.
كادرلاردى پارتيا باسقارۋ، دارىندىلاردى پارتيا باسقارۋ پرينسيبىنە تاباندى بولىپ، وسىزامانداندىرۋدىڭ قاجەتىنە ۇيلەسەتىن، ادال، كىرشىكسىز، جاۋاپكەرشىلىك ارقالايتىن جوعارى ساپالى، ماماندانعان ءار ۇلت كادرلار قوسىنىن جەدەل قۇرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە پارمەندى كەپىل ازىرلەۋ كەرەك.
پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتىپ، ستيلى پاك، سالتى دۇرىس تاماشا ساياسي ەكولوگيانى قۇلشىنا قالىپتاستىرۋ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتۋ كەرەك.
ءماجىلىس مىنانى باسا دارىپتەدى: وڭتۇستىك شينجياڭ سىندى ”شاحمات كوزىن“ جانداندىرۋ شينجياڭ قىزمەتىنىڭ جالپى جاعدايىنا سايادى. باس شۋجي شي جينپيڭنىڭ، پارتيا ورتالىق كوميتەتىنىڭ وڭتۇستىك شينجياڭ قىزمەتىن ويداعىداي ىستەۋ جونىندەگى ماڭىزدى شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، كەشەندى شارالار قولدانىپ، ماڭىزدى تۇيىندە سەرپىلىس جاساپ، وڭتۇستىك شينجياڭعا باعىتتالعان كاسىپ سالاسىنىڭ دامۋىن قارجىمەن دەمەۋ، قازىنا، سالىق، فينانس جاعىنان قولداۋ كورسەتۋ، فاكتورلاردى قامتاماسىز ەتۋ، حالىق تۇرمىسىن قامتاماسىز ەتۋ جانە جاقسارتۋ، كادر - دارىندىلارمەن قامتاماسىز ەتۋ سياقتى قىزمەتتەردىڭ سەرپىنىن ۇزدىكسىز ارتتىرىپ، داعدىلى قاعيدانى بۇزىپ، ەرەكشە جۇمىستى ەرەكشە ءبىتىرىپ، وڭتۇستىك شينجياڭنىڭ جوعارى ساپالى دامۋىنداعى كورنەكتى ماسەلەلەردى كۇش سالا ويداعىداي شەشۋ كەرەك.
ءماجىلىس مىنانى باسا دارىپتەدى: پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ كەرەك. ءار دارەجەلى پارتكومدار، ۇكىمەتتەر جوعارى ساپالى دامۋدى ىلگەرىلەتۋ تۇلعالىق جاۋاپكەرشىلىگىن باتىل ارقالاپ، ورنىقتىلىق بارىسىندا ىلگەرىلەۋگە، جۇيەلى جوسپارلاۋعا، قىزمەتتى تىڭعىلىقتى ىستەۋگە تاباندى بولىپ، يدەيانى بەلسەنە ازات ەتىپ، كوز ايانى، اڭعارىمدى كەڭەيتىپ، باسشى كادرلاردىڭ قابىلەتى مەن ونەرىن ۇزدىكسىز ءوسىرىپ، شىندىققا جۇگىنىپ، ناقتى ىستەر ىستەۋ، شىنايى يگەرىپ، ناقتى ىستەۋ ستيلىن بار كۇشپەن اسقاقتاتىپ، تەكسەرۋ - زەرتتەۋدى بارىنشا ورىستەتىپ، جوعارى ساپالى دامۋعا تۇساۋ بولاتىن ءتۇيىندى، قيىن ماسەلەلەردى بايقاپ جانە ويداعىداي شەشىپ، جاۋاپكەرشىلىكتى تياناقتاندىرۋدى مىقتى يگەرىپ، بەلسەنە ىرىقتىلىقپەن ىسكەرلىك كورسەتىپ، جوعارى ساپالى دامۋ شارالارىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك.
ءماجىلىس مىنانى باسا دارىپتەدى: وسى رەتكى جالپى ءماجىلىستىڭ رۋحىن دايەكتىلەندىرۋدى، تياناقتاندىرۋدى نەگىزگى تاقىرىپتىق تاربيەدەگى ورنالاستىرۋلاردى دايەكتىلەندىرۋمەن، تياناقتاندىرۋمەن ساباقتاستىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن ويداعىداي ىستەۋ كەرەك. شىنايى ۇيرەنىپ، شىن تۇسىنۋگە، شىنايى سەنىپ، شىن قولدانۋعا ۇزدىكسىز كۇش سالىپ، وسى ماڭىزدى يدەيانىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى جاپپاي يگەرىپ، مىندەت اتقارىپ، جاۋاپكەرشىلىكتى ادا ەتۋ قابىلەتىن، دەڭگەيىن ۇزدىكسىز جوعارىلاتىپ، اناعۇرلىم جوعارى ولشەممەن جانە اناعۇرلىم قاتاڭ تالاپپەن ”ءتورت ءتۇرلى بۇرىس ستيلدى“ تاباندىلىقپەن تۇزەتىپ، جاڭا سالت ورناتىپ، ەكونوميكانىڭ، قوعامنىڭ جوعارى ساپالى دامۋىن تىڭعىلىقتى ىلگەرىلەتىپ، ۇيرەنۋ ارقىلى رۋحتى سومداۋدا، ۇيرەنۋ ارقىلى پاراساتتى ارتتىرۋدا، ۇيرەنۋ ارقىلى ستيلدى دۇرىستاۋدا، ۇيرەنۋ ارقىلى ىستەۋدى جەبەۋدە ناقتى ونىمدىلىككە قول جەتكىزۋگە قۇلشىنۋ كەرەك.
ءماجىلىس مىنانى باسا دارىپتەدى: جىل باسىنان بەرى بۇكىل رايوننىڭ باستى ەكونوميكالىق كورسەتكىشتەرى نەداۋىر جەدەل ارتىپ، ”ورنىقتىلىق بارىسىندا ىلگەرىلەۋ، ورنىقتىلىق بارىسىندا تەزدەۋ، ورنىقتىلىق بارىسىندا ساپاسى جوعارىلاۋ“ تاماشا جاعدايى جارىققا شىقتى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىنا ساي، اۋىل شارۋاشىلىعى ءوندىرىسى، ”8 ءىرى كاسىپ سالاسى شوعىرى“ قۇرىلىسى، قىزمەت وتەۋ كاسىبىن دامىتۋ، ءىش پەن سىرتقا ەسىك اشۋدى جالپى بەتتىك كەڭەيتۋ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋ، ەكولوگيالىق ورتانى قورعاۋ جانە وڭاۋ، وڭىرلەردىڭ سايكەستى دامۋى، حالىق تۇرمىسىن قامتاماسىز ەتۋ جانە جاقسارتۋ، ەلەۋلى حاۋىپ - قاتەرلەردەن ساقتانۋ جانە ونى جويۋ سياقتى قىزمەتتەردى ايرىقشا ويداعىداي يگەرىپ، تۇتاس جىلداعى كوزدەلگەن نىسانالار مەن مىندەتتەردى قۇلشىنا ورىنداۋ كەرەك.
ءماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ءبىر نيەتپەن ىنتىماقتاسىپ قايراتتانا ىستەپ، بەرىك بەكىممەن العا ۇمتىلىپ، تياناقتاندىرۋدى يگەرىپ، جوعارى ساپالى دامۋدا تىڭ سەرپىلىسكە قول جەتكىزۋدى ۇزدىكسىز ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، قايراتتانا ءىس تىندىرىپ، كورىكتى شينجياڭ قۇرىپ، ءار ۇلت حالقىن باقىتقا كەنەلتەيىك.
ءماجىلىس تاعى قاتىستى بەلگىلەمەلەرگە ساي لي يۇڭجۇن جولداستىڭ اۆتونوميالى رايوندىق پارتكومنىڭ مۇشەسى مىندەتىنەن بوساۋ ءوتىنىشىن بەكىتتى. اۆتونوميالى رايوندىق پارتكومنىڭ لي چىڭحۇيعا، ان جىڭيۇيگە پارتيادان شىعارۋ جازاسى بەرىلدى دەپ ساناۋ جونىندەگى قاۋلىسىن قاراپ ماقۇلدادى.
اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى.
اۆتونوميالى رايوندىق پارتكومنىڭ مۇشەسى ەمەس، كانديدات مۇشەسى ەمەس ولكە دارەجەلى باسشى جولداستار؛ قازىرگى مىندەتىنەن شەگىنگەن ءىشىنارا ولكە دارەجەلى باسشىلار مەن دەمالىسقا، زەينەتكە شىققان باس ولكە دارەجەلى باسشىلار؛ پارتيا 20 - قۇرىلتايىنىڭ ۇرىمجىدەگى ۋاكىلدەرى؛ اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى مۇشەلەرى؛ رايونعا (ورتالىققا) توتە قاراستى ورىندار جانە ورتالىق كاسىپورىندارى، فينانس ورىندارى سياقتى شينجياڭدا تۇراتىن قۇرىلىمداردىڭ، بيڭتۋان ورگانى تاراۋلارىنىڭ جانە توتە قاراستى ورىنداردىڭ، ايماق، وبلىس، قالالاردىڭ جانە بيڭتۋاننىڭ شىلارىنىڭ، قالالارىنىڭ نەگىزگى جاۋاپتى جولداستارى، ت. ب ماجىلىسكە سىرتتاي قاتىناستى. ءماجىلىس تەلەۆيزور - تەلەفون ءماجىلىسى فورماسىندا ايماق، وبلىس، قالالارعا، اۋدان، قالا، رايوندارعا جانە بيڭتۋاننىڭ شى، قالالارىنا، تۋان - الاڭدارىنا دەيىن اشىلدى.
