جاڭا داۋىردەگى بيڭتۋان پارتكومى ورگان گازەتىنىڭ جاڭا جاۋاپكەرشىلىك ارقالاپ، تىڭ ىسكەرلىك كورسەتۋىن ۇزدىكسىز ايگىلەۋ كەرەك
بيڭتۋان گازەتى شىعا باستاعاندىعىنىڭ 70 جىلدىعىن ەسكە ءتۇسىرۋ اڭگىمە ءماجىلىسى وتكىزىلدى
انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 5 - ايدىڭ 28 - كۇنى ۇرىمجىدەن حابارلايدى. 5 - ايدىڭ 28 - كۇنى بيڭتۋان گازەتى شىعا باستاعاندىعىنىڭ 70 جىلدىعىن ەسكە ءتۇسىرۋ اڭگىمە ءماجىلىسى وتكىزىلدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي اڭگىمە ماجىلىسىنە قاتىناستى ءارى ءسوز سويلەدى.
لي يفي بيڭتۋان پارتكومى اتىنان بيڭتۋان گازەتى شىعا باستاعاندىعىنىڭ 70 جىلدىعىن قۇتتىقتادى، بيڭتۋان گازەتىنىڭ دامۋىنا كوڭىل بولگەن، قولداۋ كورسەتكەن قوعامنىڭ ءار سالاسىنداعىلارعا العىس ايتتى، بيڭتۋان گازەتىندەگى بارلىق قىزمەتكەرلەرگە، دەمالىسقا، زەينەتكە شىققان ساقا جولداستارعا جانە بيڭتۋاننىڭ اقپارات شەبىندەگى قىزمەتكەرلەرگە سالەم جولدادى، بيڭتۋان گازەتىنىڭ 70 جىلدان بەرى بيڭتۋاننىڭ رەفورما، دامۋ، ورنىقتىلىق ىستەرىنە قوسقان ماڭىزدى ۇلەسىن تۇراقتاندىردى. ول بىلاي دەپ اتاپ كورسەتتى: جاڭا تاريحي باستامادا بيڭتۋان گازەتى ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ اقپارات قوعامدىق پىكىرى قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، دۇرىس ساياسي بەتالىستى، قوعامدىق پىكىر بەتالىسىن، قۇن بەتالىسىن مىقتاپ يگەرىپ، تاراتۋ كۇشىن، جەتەكتەۋ كۇشىن، ىقپال كۇشىن، الەۋمەتتىك سەنىمدىلىك كۇشىن شىنايى جوعارىلاتىپ، جاڭا داۋىردەگى بيڭتۋان پارتكومى ورگان گازەتىنىڭ جاڭا جاۋاپكەرشىلىك ارقالاپ، تىڭ ىسكەرلىك كورسەتۋىن ۇزدىكسىز ايگىلەپ، جاڭا داۋىردەگى بيڭتۋاننىڭ قىزمەت جاۋاپكەرشىلىگىن، بورىشىن ادالدىقپەن اتقارۋعا، وسىزامانداندىرۋ قۇرىلىسىن جوعارى ساپامەن ىلگەرىلەتۋگە پارمەندى قوعامدىق پىكىر تىرەگىن ازىرلەۋ كەرەك.
لي يفي بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، نەگىزگى تاقىرىپتىق تاربيەمەن ۇشتاستىرىپ، باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، مۇرات - سەنىمدى اناعۇرلىم بەكەمدەپ، زەيىن - زەردەنى، كۇش - قۋاتتى ۇيىستىرىپ، نەگىزدى بەكەمدەپ، شىن مانىندە وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك. وزەكتى ارقاۋ ەتىپ، كەلەلى جاعدايعا قىزمەت ەتىپ، توراڭعى رۋحى مەن بيڭتۋان رۋحىنا مۇراگەرلىك ەتىپ جانە ونى ساۋلەلەندىرىپ، تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى وركەندەتۋ، وبراز ايگىلەۋ بورىشى مەن مىندەتىن سانالى تۇردە ارقالاپ، بيڭتۋاننىڭ حيكايالارىن ويداعىداي بايانداپ، بيڭتۋان ءۇنىن تاراتىپ، بيڭتۋاننىڭ وبرازىن ايگىلەپ، ءتۇبىرلى سيپاتتى، نەگىزدىك سيپاتتى، ۇزاق بولاشاقتىق ماسەلەلەردى ارقاۋ ەتە وتىرىپ تەكسەرۋ - زەرتتەۋدى تەرەڭدەتىپ، اقىل - پاراسات قامباسىندىق رولدى اناعۇرلىم ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ بيڭتۋان امالياتىن ىلگەرىلەتۋگە اناعۇرلىم كوپ اقىل - پاراسات، كۇش - قۋات قوسۋ، تاماشا قوعامدىق پىكىر ورتاسىن جاراتۋ، قۋاتتى وڭ ەنەرگيا ۇيىستىرۋ كەرەك.
لي يفي بىلاي دەپ باسا دارىپتەدى: پارتيا باسشىلىعىنا تاباندى بولىپ جانە ونى كۇشەيتىپ، ۇگىتتى پارتيا باسقارۋ، يدەولوگيانى پارتيا باسقارۋ، اقپارات قۇرالدارىن پارتيا باسقارۋ تالابىن اقپارات ءوندىرىسىنىڭ، قوعامدىق پىكىرگە جەتەكشىلىك ەتۋدىڭ، شەپتى باسقارۋدىڭ ءار سالاسىندا، ءار بۋىنىندا ايقىن تۋ ۇستاي وتىرىپ تياناقتاندىرۋ كەرەك. جالپىلىق اقپارات قۇرالدارىنىڭ تاراتۋ جۇيەسى قۇرىلىسىن تىڭعىلىقتى ىلگەرىلەتىپ، نەگىزگى يدەيالىق قوعامدىق پىكىردىڭ تارالۋ ونىمدىلىگىن جوعارىلاتۋ كەرەك. قوسىن قۇرىلىسىن اناعۇرلىم كورنەكتى ورىنعا قويىپ، جوعارى مەكتەپتەرمەن دارىندىلار جاعىنداعى سەلبەستىكتى تەرەڭدەتىپ، كەلەلى مىندەت ارقالاي الاتىن اقپارات دارىندىلارى قوسىنىن قۇلشىنا قۇرۋ كەرەك. ءار دارەجەلى تاراۋلار اقپارات قوعامدىق پىكىرى قىزمەتىنە كوڭىل ءبولىپ، قولداۋ كورسەتىپ، پارتيانىڭ اقپارات قۇرالدارىن بەلسەنە قولدانىپ، ورتاق تانىمدى ۇيىستىرۋ، بىرىككەن كۇش توپتاۋ، بۇقاراعا قىزمەت ەتۋ كەرەك.
شۋە بين، جاڭ ۋىنشىڭ اڭگىمە ماجىلىسىنە قاتىناستى.
جۇڭحۋا مەملەكەتتىك اقپارات قىزمەتكەرلەرى قوعامى، جۇڭگو گازەتشىلىك قوعامى قۇتتىقتاۋ حاتىن جولداپ، بيڭتۋان گازەتى شىعا باستاعاندىعىنىڭ 70 جىلدىعىن قۇتتىقتادى.
