اقسۋ ايماعى:
تۇتاس تىزبەك بويىنشا ساۋداگەر شاقىرىپ، جالپى پەريود بويىنشا قىزمەت وتەدى
انار بۇلت \ شينجياڭ گازەتىنىڭ ءتىلشىسى كاڭ حاۋيان
”بۇل ارا ءارى ساۋداگەر شاقىرىپ كەڭەسەتىن ’قوناق قابىلداۋ زالى‘، ءارى قول قويىلعان كەلىسىمنىڭ تياناقتانۋىنا ’قىزمەت وتەيتىن پۋنكت‘“.
اقسۋ ايماعىنىڭ ساۋداگەر شاقىرۋ بويىنشا قىزمەت وتەۋ ورتالىعى جونىندە توقتالعاندا، اقسۋ ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ليۋ جىحۇي ماقتانىشپەن بىلاي دەدى: ايماقتىڭ ساۋداگەر شاقىرۋ بويىنشا قىزمەت وتەۋدەگى ”ءبىرىنشى پۋنكتى“ رەتىندە، قىزمەت وتەۋ ورتالىعى وبراز ايگىلەۋ، ساۋداگەر قابىلداۋ جانە كەڭەسۋ، نىسانعا قول قويۋ، راسمياتتاردى وكىلەتتى ءبىتىرۋ سياقتىلار شوعىرلى ءبىر تۇلعالاندىرىلعان ءبىر بەكەتتىك كەشەندى ساۋداگەر شاقىرۋ بويىنشا قىزمەت وتەۋ تۇعىرىن تۇلعالادى.
بۇل ارادا ”8 ءىرى كاسىپ سالاسى شوعىرىنىڭ“ دامۋ ورنالاسىمىن ارقاۋ ەتىپ، ىشكەرىلەي اتقارىلعان ساۋداگەر شاقىرىپ قارجى ەنگىزۋ ”ءبىرىنشى ءنومىرلى ينجەنەرياسى“ اقسۋ ايماعى ەكونوميكاسىنىڭ جوعارى ساپالى دامۋ اياق الىسىنا جەتەكشىلىك ەتۋدە.
دۇڭفاڭ شيۋاڭ توبى، شانشي حيماۋ، لۇڭيۇي جاڭا ماتەريالدارى، جۇڭبو توقىماشىلىعى، يوۋفىڭ اكتيۆتەنگەن كومىرى سياقتى ءبىر توپ مىقتى كاسىپورىنداردى اقسۋدىڭ ساپالى ساۋداگەر شاقىرۋ ورتاسى جابال وسىندا كەلىپ قارجى قوسىپ، شارۋاشىلىعىن شالقىتۋعا باۋرادى. بيىل 1 - ايدان 4 - ايعا دەيىن اقسۋ ايماعى ساۋداگەر شاقىرىپ قارجى ەنگىزۋ بويىنشا 545 نىسان اتقارىپ، تياناقتانعان قارجى 23 ميلليارد 641 ميلليون يۋان بولىپ، تياناقتانعان قارجىنىڭ جالپى مولشەرى بۇكىل شينجياڭ بويىنشا 4 - ورىندى يەلەدى.
ساۋداگەر شاقىرۋ ورتاسىن ساپالىلاندىرۋدا، ءسىرا، قانداي ”كەرەمەت امال“ قولداندى؟ 5 - ايدىڭ 25 - كۇنى ءتىلشى ”جوعارى ساپالى دامۋ جونىندەگى تەكسەرۋ - زەرتتەۋ ساپارى“ اتىنداعى جالپىلىق اقپارات قۇرالدارىنىڭ كولەمدى نەگىزگى تاقىرىپتىق تىلشىلىك جاساۋ ۇيىرمەسىمەن بىرگە اقسۋ ايماقتىق ساۋداگەر شاقىرۋ بويىنشا قىزمەت وتەۋ ورتالىعىنا كەلگەندە، توڭىرەكتىڭ ءتورت بۇرىشىنان كەلگەن قوناقتار يىن تىرەسكەن قاربالاس كورىنىستى كوردى.
بۇرىندارى جەرى كەڭ اقسۋ ايماعىندا اۋدان، قالالاردىڭ قارجى قوسۋ ورتاسى مەن ساۋداگەر شاقىرۋ ينفورماتسياسىن ءبىلۋ ءۇشىن، بىرنەشە كۇن جول جۇرۋگە تۋرا كەلەتىن؛ قازىر ساۋداگەر شاقىرۋ بويىنشا قىزمەت وتەۋ ورتالىعىندا 7 اۋدان، 2 قالانى ءبىر كۇندە - اق ”يگەرىپ بولۋعا بولادى“.
ساۋداگەر شاقىرۋ بويىنشا قىزمەت وتەۋ ورتالىعىنداعى ءارقايسى اۋداننىڭ (قالانىڭ) وبراز ايگىلەۋ زالىنا كىرسەڭىز، ەڭ شىعىس شەتىندەگى ونەركاسىپتەگى مىقتى قالا كۇشار قالاسىنان ەڭ باتىس شەتىندەگى ءداستۇرلى اۋىل شارۋاشىلىق اۋدانى كەلپىن اۋدانىنا، ”دۇنيە ءجۇزى توراڭعى باقشاسى“ شايار اۋدانىنان ”شەكارا وڭىردەگى ىرىستى مەكەن، بالىق پەن كۇرىش مەكەنى“ ونسۋ اۋدانىنا دەيىن ءارقايسى اۋداننىڭ (قالانىڭ) قارجى قوسۋ ورتاسى، بايلىق ارتىقشىلىعى، كاسىپ سالاسىنىڭ ورنالاسۋى، ساۋداگەر شاقىرۋ بەتالىسى سياقتى ينفورماتسيالارى بىردەن كوزگە شالىنادى، ءار جەردىڭ ساۋداگەر شاقىرۋعا جاۋاپتى ادامدارى بەتپە - بەت كەڭەسىپ، تۇسىندىرۋشىلەرى وزدەرىنىڭ ارتىقشىلىقتارىن قىزۋ ىنتامەن تۇسىندىرۋدە.
”ساۋداگەر شاقىرۋ بويىنشا قىزمەت وتەۋ ورتالىعىن قۇرۋداعى ماقساتىمىز − بۇكىل ايماقتىڭ باسىمدىققا يە بايلىعى مەن ساۋداگەر شاقىرۋ ساياساتىن بىرىكتىرىپ، شوعىرلاندىرىپ، ساۋداگەرلەردىڭ قارجى قوساتىن نىسان مەن جەردى اناعۇرلىم ءونىمدى، اناعۇرلىم لايىقتى باعادا تاڭداۋىنا مۇمكىندىك جاساۋ “، - دەدى ليۋ جىحۇي.
ساۋداگەر شاقىرۋ بويىنشا قىزمەت وتەۋ ورتالىعى ءبىر بەكەتتىك كەشەندى قىزمەت وتەۋ تۇعىرىن قۇرىپ، ءار جەردىڭ اۋدان دارەجەلى نەگىزگى باسشىلارى، ساۋداگەر شاقىرۋ كاسىبىندەگى تىرەكتىلەر ورتالىققا جايعاسقان، دامۋ جانە رەفورما، ساۋدا ىستەرى، جاراتىلىستىق بايلىق سياقتى قاتىستى فۋنكتسيالىق تاراۋلاردىڭ جاۋاپتىلارى قاجەت بويىنشا كەلىپ كەڭەسىپ، اڭگىمەلەسىپ، نيەت بىلدىرگەن ساۋداگەرلەردىڭ كۇدىگىن سول جەردىڭ وزىندە شەشىپ، نىسان جونىندە كەڭەسىپ، قول قويىسىپ، تياناقتانىپ، ونىمدىلىك كورسەتۋىن جەدەل ىلگەرىلەتەدى؛ نىسانعا قول قوياتىن ارناۋلى قىزمەتكەرلەر، راسمياتتاردى وكىلەتتى بىتىرەتىن ارناۋلى قىزمەتكەرلەر تۇتاس تىزبەكتى ساۋداگەر شاقىرۋ بويىنشا قىزمەت وتەيدى.
”كەلىپ ىستەسەڭىز بولدى، راسمياتتاردى مەن بىتىرەمىن“ دەگەن ءسوز ۇران عانا ەمەس. ساۋداگەر شاقىرۋ بويىنشا قىزمەت وتەۋ ورتالىعىنىڭ ماڭىزدى يقۋاتىنىڭ ءبىرى بولعان كۋالىك پەن كىناشقانى وكىلەتتى ءبىتىرۋ ءىسى جونىندە شينجياڭعا كەلىپ قارجى قوسقان تيانجيندىق ساۋداگەر ليۋ يۇنپىڭ تەبىرەنە بىلاي دەدى: ”نىسان تۇرعىزۋ، توقتام جاساسۋدان تارتىپ، قۇرىلىستى تەكسەرىپ بەكىتۋ ءوتىنىشىن بەرگەنگە دەيىن، ءبىز تۇتاس بارىستا تەك قول قويۋعا عانا جاۋاپتى بولدىق“. ساۋداگەر شاقىرۋ بويىنشا قىزمەت وتەۋ ورتالىعىنىڭ بۇكىل بارىستا ”كۇتۋشىلەرشە“ ەتەنە قىزمەت وتەۋى ونىڭ جەرگىلىكتى ورىننىڭ شارۋاشىلىق - ساۋدا ورتاسىن ۇناتىپ، قارجى قوسۋعا بەل بايلاۋىنداعى ماڭىزدى فاكتورلاردىڭ ءبىرى ەكەن.
”ءبىز ساۋداگەر شاقىرىپ قارجى ەنگىزۋ ’ءبىرىنشى ءنومىرلى ينجەنەرياسىن‘ ىشكەرىلەي اتقارىپ، شارۋاشىلىق - ساۋدا ورتاسىن ساپالىلاندىرۋدى جوعارى ساپالى دامۋدىڭ جان تامىرى ەتتىك“. اقسۋ ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى حۋ ميڭپيڭ بىلاي دەپ تانىستىردى: اۆتونوميالى رايون شارۋاشىلىق - ساۋدا ورتاسىن ساپالىلاندىرۋ، جوعارىلاتۋدىڭ 3 جىلدىق ارەكەتىن ورتاعا قويعاننان بەرى ساۋداگەر شاقىرۋ بويىنشا قىزمەت وتەۋ ورتالىعى ”كاسىپورىن ۇكىمەتتى ىزدەۋدەن“ ”ۇكىمەت كاسىپورىندى ۇسىنىس ەتۋگە“، ”اۋداندار (قالا) بولەك - بولەك كەڭەسۋدەن“ ”ورتالىقتا ءبىر تۇتاس اقىلداسىپ كەڭەسۋگە“، ”كاسىپورىن ءوزى شاپقىلاۋدان“ ”ۇكىمەت تۇتاس بارىس بويىنشا وكىلەتتى بىتىرۋگە“ دەيىنگى ماڭىزدى بۇرىلىستى جۇزەگە اسىرىپ، كاسىپورىنداردىڭ بۇراڭ جولداردى از باسۋىن، قىزمەت وتەۋدىڭ اناعۇرلىم شىن نيەتتى بولۋىن شىنايى ىسكە اسىرىپ، كاسىپورىنداردى اناعۇرلىم سەنىمگە يە ەتتى.
”قوناق قابىلداۋ زالى“ + ”قىزمەت وتەۋ پۋنكتىنىڭ“ جاسامپاز، جوعارى ءونىمدى، دالمە - ءدال قىزمەت وتەۋ ۇلگىسى جەرگىلىكتى ورىننىڭ ساۋداگەر شاقىرىپ قارجى ەنگىزۋدە ”كۇندە ۇشتاستىرىلىپ، اپتا سايىن ىلگەرىلەتىلەتىن، اي سايىن توقتامعا قول قوياتىن، ماۋسىم سايىن جۇمىس باستايتىن“ تاماشا جاعدايىن جارىققا شىعاردى. ساۋداگەر شاقىرۋ بويىنشا قىزمەت وتەۋ ورتالىعى قۇرىلىپ بۇگىنگە دەيىن كاسىپورىن جانە ساۋداگەرلەردەن جيىنى 1709 توپتا 6414 ادام قابىلدادى، 7 رەت كەلىسىمگە شوعىرلى قول قويۋ سالتىن وتكىزدى، سوماسى 504 ميلليارد 775 ميلليون يۋان تۇراتىن 129 نىسانعا قول قويىلدى.
ساۋداگەر شاقىرۋدا تەك ”شاقىرىپ اكەلىپ“ جەرگىلىكتى ورىننىڭ ەكونوميكاسىنىڭ دامۋىن ”سان جاعىنان ارتتىرىپ“ قانا قويماي، ونان دا ماڭىزدىسى، ”ويداعىداي شاقىرىپ اكەلىپ“ جەرگىلىكتى ورىننىڭ ەكونوميكالىق قۇرىلىمىن ”ساپا جاعىنان ءوسىرۋ“ كەرەك. ءتىلشى قىزمەت وتەۋ ورتالىعى ۇلكەن زالىنىڭ ءدال ورتاسىنداعى ەلەكتروندى ۇلكەن ەكراننان جەرگىلىكتى ورىننىڭ كاسىپ سالاسىنا ساۋداگەر شاقىرۋ جونىندەگى ۇلكەن ساندى مالىمەتتىڭ قايتالانا كورسەتىلىپ جاتقانىن كوردى. ”8 ءىرى كاسىپ سالاسى شوعىرى“ كاسىپ سالاسى تىزبەگىن ۇزارتۋ تارماعىنىڭ ەگجەي - تەگجەيلى تۇسىندىرمەسىندەگى قانىق جاسىل ءتۇس قالىپتاسقان نەمەسە ىرگە تەپكەن كاسىپ سالاسى تىزبەگى بۋىنىن، سولعىن جاسىل ءتۇس ساۋداگەر شاقىرۋدى تولىقتاۋدى كۇتىپ تۇرعان نىسانداردى بىلدىرەدى.
ليۋ جىحۇي بىلاي دەپ تانىستىردى: قىزمەت وتەۋ ورتالىعى ”نە كەم بولسا سونى شاقىرۋ، نە ءالسىز بولسا سونى تولىقتاۋ“ پرينسيبى بويىنشا، كاسىپ سالاسى تىزبەگىنىڭ جوعارى بۋىنىنا قاراتا ”توركىنىن ىزدەپ تەگىن انىقتاۋ“، ورتا بۋىنىنا ”قۋاتتى ارتتىرىپ كۇشەيتۋ“، سوڭعى بۋىنىنا ”ءدال تاۋىپ يگەرۋ“ شاراسىن قولدانىپ، كاسىپ سالاسىن بىرىكتىرۋدى جانە كاسىپ سالاسىنىڭ بايلانىستىلىعىن جوعارىلاتۋدى ىلگەرىلەتە الاتىن ۇلكەن نىسانداردى، جاقسى نىسانداردى ەنگىزۋگە باسا ءمان بەرىپ، بوگەتتەردى اشىپ، ۇزىلگەن تۇيىندەردى جالعاپ، كاسىپ سالاسى اينالىمىن ىركىلىسسىزدەندىردى.
شينجياڭ مانحۋا قۇبىر ماتەريالدارى شەكتى سەرىكتەستىگى − اقسۋ قالالىق ساۋداگەر شاقىرۋ مەكەمەسى ۇلكەن ساندى مالىمەتتى سالىستىرۋ نەگىزىندە، جەرگىلىكتى ورىنداعى مۇناي - تابيعي گاز كاسىپ سالاسىنا قاتىستى نىساندا ورىن تەۋىپ وتىرعان ولقىلىقتاردى تاپقاننان كەيىن ساۋداگەر شاقىرۋ بويىنشا ەنگىزگەن كاسىپورىن. ”ءبىز اقسۋ قالاسى باتىس ونەركاسىپ باقشا رايونىندا PE قۇبىر جانە سايكەستى قۇبىرلاردى ءوندىرۋ نىسانى قۇرىلىسىن باستاماقشىمىز، ونىمدەرىمىز، نەگىزىنەن، قالانىڭ تابيعى گازدى قۇبىرمەن جەتكىزۋ جانە مۇنايدى قۇبىرمەن جەتكىزۋ جۇمىستارىنا پايدالانىلادى، بۇل جەرگىلىكتى ورىننىڭ مۇناي - تابيعي گاز سالاسىندا تىزبەكتى ۇزارتۋ، تىزبەكتى تولىقتاۋ رولىن اتقارادى“، - دەدى وسى سەرىكتەستىكتىڭ زاڭدىق ۋاكىلى ليۋ يۇنپىڭ.
ۇعىسۋعا قاراعاندا، قازىر اقسۋ ايماعى ساۋداگەر شاقىرۋ بويىنشا قىزمەت وتەۋ ورتالىعىندا زەردەلى كاسىپ سالاسى ساۋداگەر شاقىرۋ ۇلكەن مي جۇيەسىن قۇرىپ جاتقان كورىنەدى. وسى جۇيە قۇرىلعاننان كەيىن، جەرگىلىكتى ورىننىڭ ۇلكەن ساندى مالىمەتتەن پايدالانىپ نازاردى كاسىپ سالاسى تىزبەگىندەگى ءالسىز بۋىندارعا شوعىرلاندىرىپ، تىزبەكتى ورناتۋدى، تىزبەكتى ۇزارتۋدى، تىزبەكتى تولىقتاۋدى، تىزبەكتى كەڭەيتۋدى، تىزبەكتى كۇشەيتۋدى اناعۇرلىم ويداعىداي ىستەپ، جەرگىلىكتى ورىننىڭ كاسىپ سالاسى تىزبەگىنىڭ تۇتاس تۇلعالىق دامۋ ورەسىن جوعارىلاتۋىنا دەم بەرەدى ەكەن.
