− اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ماجىلىسىندە بىلاي دەپ اتاپ كورسەتىلدى: ”كەزەكتە شينجياڭ جوعارى ساپالى دامۋدىڭ شەشۋشى كەزەڭىندە تۇر، ىلگەرىلەمەسەك شەگىنەمىز، باياۋ ىلگەرىلەسەك تە شەگىنەمىز، جاعدايدى جىعا تانىپ، ورايدى مىقتى يگەرىپ، جەرگىلىكتى جاعدايعا قاراي ىستەپ، ارتىقشىلىقتى اسىرىپ، ولقىلىقتى تولىقتاۋ كەرەك“. بۇل اۆتونوميالى رايوندىق پارتكومنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋ، تياناقتاندىرۋ، جۇيەلى ويلاۋعا، ديالەكتيكالىق ويلاۋعا تاباندى بولۋ، ءار جاقتاعى قىزمەتتى سايكەستى ىلگەرىلەتىپ، جوعارى ساپالى دامۋ سىندى ءبىر تۇتاس جۇيەنى ويداعىداي جۇرگىزۋ ستراتەگيالىق ويىن ايگىلەپ، ءبىزدىڭ جوعارى ساپالى دامۋدى تىڭعىلىقتى ىلگەرىلەتۋىمىزگە ايقىن ءادىس جانە جول كورسەتىپ بەردى.
”ءار نارسەنىڭ وزىندىك ارتىقشىلىعى دا، ولقىلىعى دا بولادى“. ارتىقشىلىق باسەكەلىك قۋات دەگەندىك، باسىمدىق وسىندا، ءۇمىت وسىندا؛ ولقىلىق ءالسىز تۇس ءارى ارتۋ ءتۇيىنى بولىپ، قۇلشىنۋ بەتالىسىن بىلدىرەدى. ”ارتىقشىلىقتى“ دا، ”ولقىلىقتى“ دا بىلگەندە عانا، ارتىقشىلىقتى اسىرىپ، ولقىلىقتى تولىقتاۋعا بولادى.
باسىمدىقتى بايقاي بىلسەك، كوڭىلىمىزدە سەنىم بولسا، كۇش - قايراتتى تاسقىنداتا الامىز. ءبىز، ءسوز جوق، مىنانى بايقاي ءبىلۋىمىز كەرەك: باس شۋجي شي جينپيڭنىڭ، پارتيا ورتالىق كوميتەتىنىڭ دانىشپان باسشىلىعى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى − شينجياڭنىڭ جوعارى ساپالى دامۋىنا جەتەكشىلىك ەتەتىن ەڭ ۇلكەن ساياسي باسىمدىق؛ پارتيا ورتالىق كوميتەتىنىڭ شينجياڭعا ماڭىزدى ستراتەگيالىق ورىن بەلگىلەپ بەرۋى، ەرەكشە قولداۋ كورسەتۋى − شينجياڭنىڭ جوعارى ساپالى دامۋدى جۇزەگە اسىرۋىنداعى ماڭىزدى ساياساتتىق باسىمدىق؛ وزگەشە تاريحي، گۋمانيتارلىق جانە جاراتىلىستىق كورىنىس − شينجياڭنىڭ جوعارى ساپالى دامۋىن ىلگەرىلەتۋىندەگى وزگەشە گۋمانيتارلىق باسىمدىق؛ كەڭ - بايتاق جەر مەن كومەسكى كۇشى مول سۋ بايلىعى − شينجياڭنىڭ جوعارى ساپالى دامۋىنا تىرەك بولاتىن جاراتىلىستىق شارت - جاعداي باسىمدىعى؛ مول ەنەرگيا، كەن بايلىعى − شينجياڭنىڭ وسىزاماندانعان كاسىپ سالاسى جۇيەسىن قۇرۋىنداعى، تەبىندەي باسىپ وزۋدى جۇزەگە اسىرۋىنداعى بايلىق ارتىقشىلىعى باسىمدىعى؛ ”شىعىسپەن بىرلەسىپ باتىسقا شىعارۋ“، ”باتىستان ەنگىزىپ، شىعىستان اكەلۋ“ سىندى وڭىرلىك ورىن شارت - جاعدايى − شينجياڭنىڭ ەل ءىشى جانە حالىقارا سىندى ەكى بازاردان، 2 ءتۇرلى بايلىقتان ويداعىداي پايدالانىپ، جاڭا دامۋ ارناسىنا قىزمەت وتەۋىندەگى جانە توعىسۋىنداعى ەسىك اشاتىن وڭىرلىك ورىن باسىمدىعى. وسى باسىمدىقتاردى بايقاي بىلسەك، ءبىز جوعارى ساپالى دامۋ جولىندا كامىل سەنىممەن ارتىقشىلىعىمىزدى تولىق ايگىلەپ، تايسالماي العا تارتا الامىز.
ولقىلىقتاردى بايقاي بىلسەك، الشاقتىققا دۇرىس مامىلە جاساساق، تەز ارادا قۋىپ جەتۋىمىزگە بولادى. ءبىز مىنانى، ءسوز جوق، سەرگەكتىكپەن بايقاي ءبىلۋىمىز كەرەك: رايونىمىزدىڭ جوعارى ساپالى دامۋدى جۇزەگە اسىرۋىندا ەرەكشە باسىمدىققا يە كاسىپ سالاسىنىڭ دامۋ قۇرىلىمى، عىلىم - تەحنيكادا جاڭالىق اشۋدىڭ جەتەكشىلىك رولىن ساۋلەلەندىرۋ، نەگىزدىك قۇرىلعىلاردىڭ تىرەكتىك قابىلەتى، سىرتقا ەسىك اشۋ دەڭگەيى، تاريحي، گۋمانيتارلىق جانە جاراتىلىستىق بايلىقتاردى كادەگە جاراتۋ، پايدالانۋ، قالا، اۋىل وڭىرلەرىنىڭ سايكەستى دامۋى، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋ، كادرلاردىڭ قابىلەتى مەن ونەرى جانە قىزمەت ستيلى سياقتى جاقتاردا ءالى دە ولقىلىقتار مەن جەتەرسىزدىكتەر ورىن تەبۋدە. وسى ولقىلىقتار − الشاقتىقتىڭ توركىنى، قيىنشىلىقتىڭ توركىنى ءارى كومەسكى كۇشتىڭ توركىنى، ءورىستىڭ توركىنى، ونان دا ماڭىزدىسى، كەزەكتەگى جانە الداعى ءبىر مەزگىلدەگى جوعارى ساپالى دامۋدى ىلگەرىلەتۋدىڭ تەتىگى، ءتۇيىنى ەسەپتەلەدى. وسى ولقىلىقتاردى مىقتى يگەرگەندە عانا، ءبىز جوعارى ساپالى دامۋ جولىندا قيىن ماسەلەلەردى شەشىپ، بۇعاۋدان قۇتىلىپ، كومەسكى كۇشتى ىسكە قوسا الامىز.
جوعارى ساپالى دامۋدى ىلگەرىلەتۋدە، ءسوز جوق، ارتىقشىلىقتى اسىرىپ، ولقىلىقتاردى تولىقتاۋ كەرەك. ”ارتىقشىلىقتى اسىرعاندا“ عانا، ”شىرقاۋ شەگىن“ ۇزدىكسىز بۇزىپ، جاڭا ونىمدىلىككە قول جەتكىزۋگە بولادى؛ ”ولقىلىقتى تولىقتاعاندا“ عانا، قاتەردى ورايعا اينالدىرىپ، نەگىزدى كۇشەيتىپ، تاعاندى بەكەمدەپ، جاڭا جاعداي اشۋعا بولادى. بۇل بۇكىل رايوندا جوعارىدان تومەنگە دەيىن تياناقتاندىرۋدى يگەرۋ بارىسىندا جوعارى ساپالى دامۋدى ىلگەرىلەتۋدەگى باسىمدىقتى جەتە تانىپ، سەنىمدى بەكەمدەپ، قولايلى ساتتەن پايدالانىپ، ءتۇرلى دامۋ باسىمدىعىن كاسىپ سالاسى باسىمدىعىنا، ەكونوميكالىق باسىمدىققا اينالدىرىپ، جوعارى ساپالى دامۋدىڭ ارتىقشىلىعىن اناعۇرلىم بەرىك سومداۋدى؛ سونداي - اق ماسەلەنى باعدار ەتۋدەن جازباي، ولقىلىقتاردى، ءالسىز تۇستاردى تولىقتاۋعا بارىنشا كۇش سالىپ، يدەيانى ازات ەتىپ، كوز ايانى كەڭەيتىپ، شىنداپ كىرىسىپ، قيىندىقتارمەن ايقاسۋعا باتىلدىق ەتىپ، ۇيرەنشىكتى ويدىڭ، قاتىپ - سەمگەن ويدىڭ، ەسكىلىككە جارماسۋدىڭ بۇعاۋىنان ازات بولىپ، رەفورما جاساۋ، جاڭالىق اشۋ رۋحى ارقىلى جوعارى ساپالى دامۋعا تۇساۋ بولاتىن كورنەكتى قايشىلىقتار مەن ماسەلەلەردى شىن مانىندە ويداعىداي شەشىپ، ولقىلىقتاردى ارتىقشىلىققا اينالدىرۋعا كۇش سالىپ، جوعارى ساپالى دامۋدىڭ نەگىزىن ۇزدىكسىز بەكەمدەۋدى تالاپ ەتەدى. وسىلاي ىستەگەندە عانا، ءبىز ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدە جاڭا جول اشىپ، تىڭ ساتىعا قادام تاستاي الامىز.
ەرجۇرەكتىك قاسيەت اۋمالى - توكپەلى جاعدايدا ايگىلەنەدى. قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى ىشكەرىلەي دامىپ، حالىقاراداعى كۇشتەردىڭ سالىستىرماسى ىشكەرىلەي رەتتەلىپ، ەلىمىزدىڭ دامۋى جاڭا ستراتەگيالىق ورايعا ءدوپ كەلدى، شينجياڭ دا ىلۋدە ءبىر كەزىگەتىن دامۋدىڭ ورايلى مەزگىلىن قارسى الدى. جاڭا جورىقتا، ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، جوعارى ساپالى دامۋداعى داۋىرلىك ورايدى مىقتاپ يگەرىپ، باسىمدىقتاردى تولىق ىسكە قوسىپ، دامۋداعى ولقىلىقتاردى تولىقتاپ، جوعارى ساپالى دامۋدا تىڭ سەرپىلىسكە قول جەتكىزۋدى ۇزدىكسىز ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋىمىز كەرەك.
