شينحۋا اگەنتتىگىنىڭ 5 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان شي جينپيڭ جولداستىڭ «عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ تۋرالى» اتتى كىتابى تاياۋدا ورتالىق حۇجاتتار باسپاسى جاعىنان باسپادان شىعارىلىپ، بۇكىل ەلدە تاراتىلدى.
وسى ارناۋلى تاقىرىپتاعى ماقالالار جيناعىنا شي جينپيڭ جولداستىڭ عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جونىندەگى 50 ماڭىزدى ماقالاسى ەنگىزىلگەن، مۇنىڭ ىشىندە ءىشىنارا ماقالالارى تۇڭعىش رەت اشىق جاريالانىپ وتىر.
عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ − مەملەكەتتىڭ قۇدىرەتتەنۋىنىڭ، كوركەيۋىنىڭ نەگىزى، حاۋىپسىزدىگىنىڭ ءتۇيىنى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم - تەحنيكادا جاڭالىق اشۋ قىزمەتىنە ايرىقشا ءمان بەرىپ، جاڭالىق اشۋدى دامۋعا جەتەكشىلىك ەتۋدىڭ ءبىرىنشى قوزعاۋشى كۇشى ەتۋگە تاباندى بولىپ، عىلىم - تەحنيكادا جاڭالىق اشۋدى مەملەكەت دامۋىنىڭ جالپى جاعدايىنداعى وزەكتى ورىنعا قويىپ، عىلىم - تەحنيكادا جاڭالىق اشۋ قىزمەتىن جاپپاي جوسپارلاپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋدى جەدەلدەتىپ، نەگىزدىك زەرتتەۋ مەن ءتول جاسامپازدىق ۇزدىكسىز كۇشەيىپ، ءىشىنارا شەشۋشى، وزەكتى تەحنيكالاردا تىڭ سەرپىلىس جۇزەگە اسىپ، ستراتەگيالىق جاڭادان گۇلدەنگەن كاسىپ سالالارى دامىپ، ۇلعايىپ، كەلەلى جاڭالىق اشۋ جەتىستىكتەرى ىركەس - تىركەس جارىققا شىعىپ، ەلىمىزدىڭ عىلىم - تەحنيكا ىستەرىندە تاريحي تابىسقا قول جەتكىزىلىپ، تاريحي وزگەرىستەر تۋىلىپ، جاڭاشىل مەملەكەتتەر قاتارىنا ءوتتى. شي جينپيڭ جولداستىڭ عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋدى ارقاۋ ەتىپ جاريالاعان ءبىر قىدىرۋ ماڭىزدى بايىمداۋلارى پارتيا مەن مەملەكەتتىڭ دامۋ ستراتەگيالىق جالپى جاعدايىن تياناق ەتىپ، دۇنيە ءجۇزىنىڭ ۇلكەن اۋقىمى مەن ءداۋىر اعىمىن مىقتاپ يگەرىپ، عىلىم - تەحنيكادا جاڭالىق اشۋدىڭ ادامزات قوعامىنىڭ العا باسۋىنداعى ماڭىزدى ورنىن تەرەڭ بايىمداپ ءتۇسىندىرىپ، ەلىمىزدىڭ عىلىم - تەحنيكادا جاڭالىق اشۋدى ىلگەرىلەتۋدەگى ستراتەگيالىق نىساناسىن، ءتۇيىندى مىندەتتەرىن، ماڭىزدى شارالارى مەن نەگىزگى تالاپتارىن جۇيەلى بايانداپ، ءبىر قىدىرۋ جاڭا يدەيالاردى، جاڭا كوزقاراستاردى، جاڭا تۇجىرىمداردى، جاڭا تالاپتاردى ورتاعا قويدى، بۇل ءبىزدىڭ مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، دارىندىلار جاعىندا قۋاتتى ەل ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارۋىمىزدا، مەملەكەتتىڭ جاڭالىق اشۋ جۇيەسىن كەمەلدەندىرىپ، عىلىم - تەحنيكا جاعىندا قۇدىرەتتى ەلدى جەدەل قۇرىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋىمىزدا، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىمىزدە توتەنشە ماڭىزدى جەتەكشىلىك مانگە يە.
