ەلىمىزدە وندىرىلگەن ٴىرى تۇرپاتتى جولاۋشىلار ۇشاعى C919 دۇنيە جۇزىلىك ساۋدالىق جولاۋشى تاسىمال بويىنشا تۇڭعىش رەتكى ۇشۋىن باستايدى!
بۇگىن (5 - ايدىڭ 28 - كۇنى) تۇستەن بۇرىن، جۇڭگو شىعىس اۆياتسيا سەرىكتەستىگى جۇڭگو ساۋدالىق ۇشاقتار سەرىكتەستىگىنىڭ دۇنيە ءجۇزى بويىنشا تۇڭعىش رەت پايدالانۋعا بەرگەن C919 تۇرپاتتى جولاۋشى ۇشاعى ارقىلى، 9191 MU كەزەكشى ۇشاعىن ىسكە قوسىپ، شاڭحاي حۇڭچياۋ اۋەجايىنان بەيجيڭ استانا اۋەجايىنا ۇشتى. بۇدان بىلاي قالىڭ جولاۋشىلار ەلىمىزدە وندىرىلگەن ۇلكەن ۇشاققا وتىرىپ ساپارعا شىعاتىن بولدى.
بۇگىنگى ساۋدالىق جولاۋشى تاسىمال بويىنشا تۇڭعىش ۇشۋدا، 130دان استام جولاۋشى C919دىڭ اۋە ساپارىن الدىمەن سەزىندى.
ۇشاققا وتىرۋدا ۇشاققا شىعۋ تاقتاسى كەم بولسا بولمايدى، تۇڭعىش رەتكى ساۋدالىق جولاۋشى تاسىمال ۇشۋىنا قاتىناسقان جولاۋشىلار جونىنەن شىعىس اۆياتسيا سەرىكتەستىگى دە ەرەكشە جوبا جاساپ، ەسكە ٴتۇسىرۋ مانىنە يە ەرەكشە ۇشاققا شىعۋ تاقتاسىن دايىندادى، الدىمەن كەلگەندەر مۇنىڭ يگىلىگىن كوردى.
بۇدان تىس، ۇشاق بولمەسىنە 12 ديۋمدىق 20 اسپالى ەكران ورناتىلدى، بۇل جوعارى تۇنىقتىقتاعى 1080P كينو قويۋدى قولدايدى، بۇل دا شىعىس اۆياتسيانىڭ دارا باعىتتاعى اۋە جولى ۇشاق اترەتىنىڭ تۇڭعىش 1080Pدىڭ باعدارلاماسىن ىسكە قوسۋى. شىعىس اۆياتسيا سەرىكتەستىگى C919 عا ارنايى تۇردە ”مەملەكەت كوركى كوز سۇرىندىرەتىن، كوز اياسى كوركەم“ دەگەندى نەگىزگى تاقىرىپ ەتكەن اۆياتسيا حاۋىپسىزدىگى جونىندەگى ارنايى كوڭىل بولەتىن ىستەر كەسكىنىن ٴتۇسىردى. بۇل كەسكىن C919 ۇشاعىنىڭ قۇرىلعىلارى مەن ەرەكشەلىگىمەن سايكەستىرىپ، كورۋ، ەستۋ فورماسىمەن بىرگە جۇڭحۋا مادەنيەتىنىڭ ەلەمەنتتەرىن شەبەرلىكپەن توعىستىردى، بۇل جولاۋشىلارعا وزگەشە قۋانىش الا كەلەتىندىگىنە سەنەمىز.
جولاۋشىلار ۇشاقتاعى اس - سۋمەن قامداۋدى ەڭ اسىعا كۇتۋى مۇمكىن. ۇعىسۋعا قاراعاندا، جولاۋشىلار بەلەت تاستاپ تاڭداعان نەگىزگى تاقىرىپتىق اس ـ سۋ كەزەكشى ۇشاقتا قولدانىسقا تۇسەدى. مۇنىڭ ىشىندە ەكونوميكالىق بولمەنىڭ بۇل تاماعى ”ۋفۋليڭمىن“ دەپ اتالادى، نەگىزگى تاعامى ٴسۇرى ءدامدى قۇمقازان تاماعى، ٴۇش رەڭدى جەمىس ـ جيدەك تاباعى، C919 ۇشاقتىڭ تۇڭعىش ۇشۋ ەرەكشەلىگىنە يە ماڭگو بۋديڭ، شىعىس اۆياتسيا سەرىكتەستىگى جاساعان شوكلات ءدامدى ۇگىلمەلى پراندىك جانە ۇلكەن اق قويان ماركالى ٴسۇت.
وسىنى كورگەندە، كوپتەگەن ساياحاتشىلار C919 عا وتىرىپ ساياحاتتاۋعا اسىعۋى مۇمكىن. ەندەشە، اسىقپاڭىز، شىعىس اۆياتسيا سەرىكتەستىگىنىڭ جوسپارىنا قاراعاندا، 28 - كۇنى ساۋدالىق جولاۋشى تاسىمالعا تۇڭعىش ۇشقاننان كەيىن، 5 - ايدىڭ 29 - كۇنىنەن باستاپ شىعىس اۆياتسيا تۇڭعىش C919 ءىرى ۇشاعى شاڭحاي حۇڭچياۋدان چىڭدۋدىڭ تيانفۋ اۋە لەنياسىندا ساۋدالىق تاسىمالعا داعدىلى ۇشۋىن باستايدى ەكەن. (ورتالىق راديو - تەلەۆيزيا باس ستانسياسىنىڭ تىلشىلەرى سۇڭ ۋينا، ۋاڭ شانتاۋ، ۋي - ران، لي شياۋحۋ، جاڭ يۇڭ)
