انار بۇلت \ شينجياڭ گازەتىنىڭ ءتىلشىسى لياڭ ليحۋا 5 - ايدىڭ 29 - كۇنى ۇرىمجىدەن حابارلايدى. 5 - ايدىڭ 29 - كۇنى تۇستەن بۇرىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 2 - ءماجىلىسى ءبىرىنشى جالپى ءماجىلىسىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ءماجىلىستى باسقاردى.
تۇراقتى كوميتەتتىڭ قۇرامىنداعىلاردان 59 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى 2 - ءماجىلىسىنىڭ كەڭەستىك تارتىپتەرىن داۋىسقا سالىپ ماقۇلداپ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، اۆتونوميالى رايوننىڭ الەۋمەتتىك كىتاپحانا ەرەجەسى جوباسىنىڭ وزگەرىس ەنگىزىلگەن نۇسقاسىن قاراۋ ناتيجەسى جونىندەگى باياندامانى تىڭدادى؛ اۆتونوميالى رايوننىڭ جىلجىمالى ادامدارعا قىزمەت وتەۋ، باسقارۋ ەرەجەسى جوباسىن، اۆتونوميالى رايوننىڭ ولشەمدەندىرۋ ەرەجەسى جوباسىن، اۆتونوميالى رايوننىڭ ءدىن ىستەرى ەرەجەسىنىڭ وزگەرىس ەنگىزىلگەن جوباسىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ەكونوميكالىق قىزمەتتى باقىلاۋدى كۇشەيتۋ جونىندەگى قاۋلى جوباسىن، اۆتونوميالى رايوننىڭ كوللەكتيۆ كەڭەسۋ ەرەجەسى جوباسى جونىندەگى تۇسىنىكتى تىڭدادى؛ اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ 2022 - جىلعى جەرگىلىكتى ۇكىمەت قارىز ىستەرىن باسقارۋ قىزمەتى جاعدايى، اۆتونوميالى رايوننىڭ 2023 - جىلعى ءوز دارەجەسىندەگى مەجە ەسەبىن رەتتەۋ جوباسى (جوبا نۇسقا)، اۆتونوميالى رايوننىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جانە كەڭەيتۋ جاعدايى، اۆتونوميالى رايوننىڭ ەمدەۋدى قامتاماسىز ەتۋ قىزمەتى جاعدايى، اۆتونوميالى رايوننىڭ 2022 - جىلعى قورشاعان ورتا جاعدايى جانە قورشاعان ورتانى قورعاۋ نىساناسىنىڭ ورىندالۋ جاعدايى جونىندەگى باياندامانى تىڭدادى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «شارۋاشىلىق - ساۋدا ورتاسىن ساپالىلاندىرۋ ەرەجەسىنىڭ»، «شينجياڭ ۇيعۇر اۆتونوميالى رايوننىڭ اكىمشىلىك قىزمەت وتەۋدى قولايلىلاندىرۋدى جەبەۋ ەرەجەسىنىڭ» اتقارىلۋ جاعدايىن تەكسەرۋ جونىندەگى بايانداماسىن تىڭدادى؛ اۆتونوميالى رايوندىق حالىق قۇرىلتايى قازىنا - ەكونوميكا كوميتەتىنىڭ، اۋىل شارۋاشىلىعى جانە اۋىل - قىستاق كوميتەتىنىڭ، قوعامدىق قۇرىلىس كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر العا قويعان كەڭەستىك جوبالاردىڭ قارالۋ ناتيجەسى جونىندەگى باياندامانى تىڭدادى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرى جونىندەگى تۇسىنىكتى تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي نيڭپيڭ، توحتى ياقۇپ، مۇقيات جارمۇقامەت، ءدىلشات قىدىرقان، ۋاڭ گوحى، ءمامتىمىن قادىر، باس حاتشى ءمۇتالىپ روزى ماجىلىسكە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت، اۆتونوميالى رايوندىق جوعارى حالىق سوتى مەكەمەسىنىڭ باستىعى ءدىلشات سايىم، اۆتونوميالى رايوندىق باقىلاۋ - تەكسەرۋ كوميتەتىندەگى، اۆتونوميالى رايوندىق حالىق پروكۋراتۋراسىنداعى قاتىستى جاۋاپتى جولداستار، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتىڭ، تۇراقتى كوميتەت قىزمەت تاراۋلارىنىڭ جاۋاپتىلارى، وبلىستىق، قالالىق حالىق قۇرىلتايى تۇراقتى كوميتەتتەرىنىڭ، ايماقتىق حالىق قۇرىلتايى قىزمەت كوميتەتتەرىنىڭ، بيڭتۋان حالىق قۇرىلتايى قىزمەت كوميتەتىنىڭ، اۆتونوميالى رايونعا توتە قاراستى اۋدان دارەجەلى قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلاردىڭ جاۋاپتىلارى قاتارلىلار ماجىلىسكە سىرتتاي قاتىناستى.
