− اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
□ گازەتىمىزدىڭ شولۋشىسى
اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ماجىلىسىندە بىلاي دەپ باسا دارىپتەلدى: ”نازاردى جوعارى ساپالى دامۋداعى ماڭداي الدى مىندەتكە مىقتاپ شوعىرلاندىرىپ، دامۋ مەن ورنىقتىلىقتى ءبىر تۇتاس جوسپارلاۋ قىزمەت بەتالىسىن بەرىك ورناتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ارقاۋ ەتە وتىرىپ نازاردى شوعىرلاندىرا كۇش سالىپ، شينجياڭ ەرەكشەلىگىنە يە جوعارى ساپالى دامۋ جولىن قۇلشىنا اشۋ كەرەك“. وسى نىسانا - تالاپتى ارقاۋ ەتىپ، تۇتاس رايون جوعارىدان تومەنگە دەيىن يدەيانى بىرلىككە كەلتىرىپ، ارەكەتتى بىرلىككە كەلتىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن تىڭعىلىقتى ىلگەرىلەتۋ ءۇشىن ىنتىماقتاسا ءبىر نيەتپەن قۇلشىنا ىستەۋ كەرەك.
شينجياڭ ەرەكشەلىگىنە يە جوعارى ساپالى دامۋ جولىن قۇلشىنا اشۋ ءۇشىن، ءسوز جوق، جوعارى ساپالى دامۋدىڭ عىلمي ءمانىن تەرەڭ تانۋ جانە دالمە - ءدال يگەرۋ كەرەك. جوعارى ساپالى دامۋ تەك ەكونوميكالىق تالاپ قانا ەمەس، قايتا ەكونوميكالىق، قوعامدىق دامۋدىڭ ءار جاعىنا قويىلاتىن باس تالاپ؛ تەك ەكونوميكاسى دامىعان وڭىرلەرگە قويىلاتىن تالاپ قانا ەمەس، قايتا بارلىق ءوڭىردىڭ دامۋىندا، ءسوز جوق، دايەكتىلەندىرۋگە ءتيىستى تالاپ؛ ءبىر مەزەتتىك، ءبىر ىسكە قويىلاتىن تالاپ قانا ەمەس، قايتا، ءسوز جوق، ۇزاق ۋاقىت تاباندى بولۋعا ءتيىستى تالاپ. شينجياڭنىڭ دامۋ ابزالدىلىعى كورنەكتى، ەرەكشەلىگى ايقىن، بولاشاعى كەڭ، ءبىز تەك جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاپپاي ورنالاستىرىپ، جۇيەلى جوبالاساق، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىندا جاڭا جول اشۋدى، جاڭا ساتىعا قادام تاستاۋدى، ءسوز جوق، ىلگەرىلەتە الامىز.
ماسەلەنى جالپى تۇلعالىق جاقتان، جالپى جاعداي جاعىنان تانۋعا شەبەر بولۋ كەرەك. ءماجىلىس قاراپ ماقۇلداعان شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ ارەكەت جوباسى شينجياڭنىڭ رەفورما، دامۋ، ورنىقتىلىق ىستەرىنىڭ ءار جاعىن قامتىپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ ستراتەگيالىق ورنالاستىرۋىن ايگىلەدى. جوعارى ساپالى دامۋدى ىلگەرىلەتۋدە، ءسوز جوق، ەكونوميكا، قوعام، مادەنيەت، ەكولوگيا سياقتى ءار سالانىڭ ءوزارا سايكەسۋىن، ءبىرىن - ءبىرى جەبەۋىن كۇشەيتىپ، شينجياڭدى زاڭمەن باسقارۋدى بۇلجىماي ىلگەرىلەتۋ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ، ءار ۇلت بۇقاراسىنىڭ حالىق تۇرمىسىندىق قۇت - ىرىسىن ۇزدىكسىز ارتتىرۋ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن جەدەل تۇلعالاۋ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاقتى قۇلشىنا قۇرۋ سياقتى ءار جاقتاعى قىزمەتتەردى ءبىر تۇتاس ويداعىداي جوسپارلاپ، ولقىلىقتاردى، ءالسىز تۇستاردى تولىقتاپ، جوعارى ساپالى دامۋدىڭ دەڭگەيى مەن ساپاسىن ۇزدىكسىز جوعارىلاتۋ كەرەك.
”ەكى ءتۇيىن“ اراسىندا ”ماڭىزدى ءتۇيىندى“ يگەرۋدى ۇيرەنۋ كەرەك. ءسوز جوق، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنداعى ماڭىزدى، قيىن تۇيىندەردى كوزدەپ، نىسانانى ءدال كوزدەي وتىرىپ وڭاپ، دالمە - ءدال كۇش سالۋ كەرەك. مەيلى ”8 ءىرى كاسىپ سالاسى شوعىرىن“ قۇرۋ، الدە دامۋعا جاڭالىق اشۋ ارقىلى دەم بەرۋدى تەرەڭدەتۋ بولسىن؛ مەيلى جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋ، الدە بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قۇرۋ بولسىن؛ مەيلى وسىزاماندانعان نەگىزدىك قۇرىلعى جۇيەسىن قۇرۋدى جەدەلدەتۋ، الدە سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ءبىر تۇتاس جوسپارلاپ ويداعىداي ىستەۋ بولسىن، مۇنىڭ ءبارى شينجياڭنىڭ دامۋىن تەجەپ وتىرعان شەشۋشى سيپاتتى ماسەلەلەر مەن تەرەڭ قاتپارلى قايشىلىقتاردى شەشۋگە كۇش سالۋ بولماق، ءبىز وسى بارىستا دامۋ تانىمىن كۇشەيتىپ، دامۋ قابىلەتىن ارتتىرىپ، دامۋ دەڭگەيىن جوعارىلاتىپ، دامۋ ونىمدىلىگىن جارىققا شىعارىپ، جوعارى ساپالى دامۋدىڭ جاڭا جاعدايىن ۇزدىكسىز اشۋىمىز كەرەك.
ءبىر تۇتاس جوسپارلاپ، تەڭ ءمان بەرۋگە دەن قويىپ، دامۋدىڭ سايكەسىمدىلىگى مەن بىركەلكىلىگىن كۇشەيتۋ كەرەك. شينجياڭ شاحمات تاقتاسى بولسا، وڭتۇستىك شينجياڭ شاحمات كوزى سانالادى. وسى ”شاحمات كوزىن“ جانداندىرعاندا عانا، بۇكىل بارىستا جەڭىسكە جەتۋگە بولادى، بۇل ءارى اۆتونوميالى رايوننىڭ وڭتۇستىك شينجياڭنىڭ جوعارى ساپالى دامۋىن جەبەۋ جونىندەگى ءبىرقانشا ساياسات - شارانى بەلگىلەۋىندەگى شەشۋشى ءتۇيىن. ءبىز وڭتۇستىك شينجياڭنىڭ دامۋىنىڭ تۇتاس رايوننىڭ جوعارى ساپالى دامۋىنداعى ەرەكشە ماڭىزدى ءمانىن تەرەڭ يگەرىپ، وڭىرلەردىڭ سايكەسە دامۋىنا تاباندى بولىپ، وڭتۇستىك شينجياڭنىڭ دامۋىنداعى بوگەتتىك شەكتەمەلەردى كۇش سالا جويىپ، وڭتۇستىك شينجياڭعا باعىتتالعان كاسىپ سالاسىنىڭ دامۋىن قارجىمەن دەمەۋ، قازىنا، سالىق، فينانس جاعىنان قولداۋ كورسەتۋ، فاكتورلاردى قامتاماسىز ەتۋ، حالىق تۇرمىسىن قامتاماسىز ەتۋ جانە جاقسارتۋ، كادر - دارىندىلارمەن قامتاماسىز ەتۋ سياقتى قىزمەتتەردىڭ سەرپىنىن ۇزدىكسىز ارتتىرىپ، داعدىلى قاعيدانى بۇزىپ، ەرەكشە جۇمىستى ەرەكشە ءبىتىرىپ، وڭتۇستىك شينجياڭنىڭ جوعارى ساپالى دامۋىنداعى كورنەكتى ماسەلەلەردى كۇش سالا ويداعىداي شەشىپ، تيانشان الابىنداعى ءار ۇلت بۇقاراسىنىڭ بىرگە بايۋ جولىنا تۇسۋىنە مۇمكىندىك جاساۋىمىز كەرەك.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ىشكەرىلەي ورىستەتىلىپ جاتقان ساتتە، ءبىز ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ باس تالابىن مىقتاپ يگەرىپ، جاڭا بەينە، جاڭا ىسكەرلىك ارقىلى جوعارى ساپالى دامۋدا جاڭا ونىمدىلىككە قول جەتكىزۋدى ىلگەرىلەتىپ، جاڭا جورىقتا شينجياڭ ەرەكشەلىگىنە يە جوعارى ساپالى دامۋ جولىن قۇلشىنا اشىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن كۇش سالا ىلگەرىلەتەيىك.
