شين چاڭشيڭ، ەركىن تۇنياز قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 29 - كۇنى نانجيڭنەن حابارلايدى. 5 - ايدىڭ 28 - كۇنىنەن 29 - كۇنىنە دەيىن اۆتونوميالى رايوندىق پارتكومنىڭ ورنالاستىرۋى بويىنشا، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ جياڭسۋعا بارىپ ۇيرەنۋدە، تەكسەرۋدە بولدى. جياڭسۋ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى شين چاڭشيڭ قيمىلعا قاتىناستى.
5 - ايدىڭ 28 - كۇنى تۇستەن كەيىن جياڭسۋ · شينجياڭ ەكونوميكالىق، قوعامدىق دامۋ جانە باعىتتامالى كومەكتەسۋ قىزمەتى جونىندەگى اڭگىمە ءماجىلىسى وتكىزىلدى.
شين چاڭشيڭ جياڭسۋ ولكەلىك پارتكوم، ولكەلىك ۇكىمەت اتىنان شينجياڭنىڭ پارتيا، ۇكىمەت ۋاكىلدەر ۇيىرمەسىنىڭ كەلگەندىگىن قارسى الاتىندىعىن ءبىلدىردى، شينجياڭنىڭ ۇزاق ۋاقىتتان بەرى جياڭسۋدىڭ دامۋىنا زور كۇشپەن قولداۋ كورسەتكەندىگىنە العىس ايتتى. ول بىلاي دەدى: جاڭا داۋىردەگى 10 جىلدا اۆتونوميالى رايوندىق پارتكوم، ۇكىمەت ءار ۇلت حالقىن ىنتىماقتاسا كۇرەس جۇرگىزۋگە باستاپ، تيانشان الابىندا تاريحي وزگەرىستەر تۋىلىپ، ادامدى سۇيىندىرەتىن وراسان زور جەتىستىكتەرگە قول جەتكىزدى. بۇگىنگى شينجياڭ ومىرشەڭدىككە تولى، قارىشتاپ دامىعان جاقسى جەر، ۇلتتار ىنتىماقتى، ءبىر ءۇيلى جانداي ەتەنە جاقسى جەر، مادەنيەتى گۇلدەنگەن، وركەنيەتتى، العا باسقان جاقسى جەر، تىنىش ءومىر، شات - شادىمان تىرشىلىك كەشىرگەن، بەرەكەلى دە بايسالدى جاقسى جەر، ايبىندى دا كوركەم، مىڭ تۇرلەنىپ قۇلپىرعان جاقسى جەر، بۇل جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ توتەنشە دانىشپان، بۇكىلدەي دۇرىس ەكەندىگىن تولىق دالەلدەدى. جاڭا جورىققا قادام تاستاعاندا، ءبىز شينجياڭعا باعىتتامالى كومەكتەسۋدى، ءسوز جوق، ارقالاۋعا ءتيىستى كەلەلى جاۋاپكەرشىلىك، ءسوز جوق، جاقسى ىستەۋگە ءتيىستى تيەسىلى جۇمىسىمىز ساناپ، شينجياڭعا كومەكتەسۋ قىزمەتىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتەمىز؛ ”ءبىر بەلدەۋ، ءبىر جولدى“ بىرگە قۇرۋدى كوزدەپ، جاڭا ازيا - ەۆروپا قۇرلىق - تەڭىز بىرلەسپە تاسىمال ارناسى قۇرىلىسىن سايكەستى ىلگەرىلەتىپ، شينجياڭنىڭ ەسىك اشۋدىڭ بيىك بەلەسىن تۇلعالاۋىنا دەم بەرەمىز؛ نازاردى جوعارى ساپالى دامۋ سىندى مەملەكەتتى قۇدىرەتتەندىرۋ قۇرىلىسىنداعى ماڭداي الدى مىندەتكە شوعىرلاندىرىپ، قوس باعىتتا سەلبەسۋدى، ىشكەرىلەي توعىسۋدى جاپپاي كۇشەيتىپ، ەكى جەردىڭ وڭىرلىك ورىن باسىمدىعىن، بايلىق باسىمدىعىن كاسىپ سالاسى باسىمدىعىنا، دامۋ باسىمدىعىنا اينالدىرىپ، جاڭا داۋىردەگى جاڭا جورىقتا جياڭسۋ مەن شينجياڭنىڭ سەلبەسىپ تەڭ يگىلىككە كەنەلۋىنىڭ تىڭ تاراۋىن جازامىز.
ەركىن تۇنياز جياڭسۋ ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتىپ جانە قالتقىسىز كومەكتەسىپ كەلگەندىگىنە شىنايى العىس ايتتى. ول بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جياڭسۋ قىزمەتىنە وسكەلەڭ ءمان بەردى، جياڭسۋ جوعارى ساپالى دامۋدا جانە وسىزامانداندىرۋ قۇرىلىسىندا نىق قادام تاستاپ، بۇكىل ەلدىڭ ەكونوميكالىق، قوعامدىق دامۋىنىڭ كەلەلى جاعدايىنا ماڭىزدى ۇلەس قوستى. جياڭسۋ ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋدى باستان - اياق ماڭىزدى ساياسي جاۋاپكەرشىلىك ساناپ، ناق قارجى سالىپ، شىنايى سۇيىسپەنشىلىگىن، ادال نيەتىن ارناپ، باتىلدىقپەن شىنايى يگەرىپ، ناقتى ىستەپ، ءبىر قىدىرۋ جاقسى تاجىريبە، جاقسى ادىستەردى جاراتىپ، جياڭسۋ ەرەكشەلىگىن ايگىلەيتىن، كومەك قابىلداۋشى جەردىڭ ءىس جۇزىندىك جاعدايىنا ۇيلەسەتىن شينجياڭعا كومەكتەسۋ جولىمەن ءجۇرىپ، كومەك قابىلداۋشى جەردىڭ قوعام ورنىقتىلىعىن، ەكونوميكالىق دامۋىن، حالىق تۇرمىسىنىڭ جاقسارۋىن پارمەندى جەبەدى. بيىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، جياڭسۋ مەن شينجياڭ ەكى جاقتىڭ سەلبەستىك تۇعىرى كەڭ، بولاشاعى نۇرلى. نەگىزگى تاقىرىپتىق تاربيەنى ىشكەرىلەي ورىستەتۋمەن ۇشتاستىرىپ، جياڭسۋ مەن شينجياڭنىڭ ”ءبىر بەلدەۋ، ءبىر جولدى“ بىرگە قۇرۋ جاعىندا سەلبەستىكتى ۇزدىكسىز كۇشەيتىپ، شينجياڭنىڭ ىشكى قۇرلىقتاعى ەسىك اشۋ مەن شەكارا بويىندا ەسىك اشۋدىڭ بيىك بەلەسىن كۇش سالا تۇلعالاۋىنا دەم بەرۋىن؛ جياڭسۋدىڭ باسىمدىعىن ساۋلەلەندىرىپ، عىلىم - تەحنيكادا جاڭالىق اشۋ جانە وزىق جاساۋ كاسىبىن دامىتۋ جاعىندا شينجياڭعا اناعۇرلىم كوپ قولداۋ كورسەتۋىن؛ ەكى جەردىڭ مادەنيەت جانە ساياحات جاعىندا سەلبەستىكتى تەرەڭدەتۋىن ىلگەرىلەتىپ، دوستىق سۇيىسپەنشىلىكتى نىعايتۋدىڭ، مادەنيەت اۋىس - كۇيىسىن كۇشەيتۋدىڭ كوپىرىن سالۋىن ءۇمىت ەتەمىن.
جياڭسۋداعى كەزىندە ەركىن تۇنياز قاتارلىلار جياڭسۋ ولكەسىنەن شينجياڭعا كومەككە بارعان كادر - دارىندىلاردىڭ ۋاكىلدەرىنە امانداسىپ، ولاردان حال سۇرادى. اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى جياڭسۋ ولكەسىنىڭ عىلمي زەرتتەۋ قۇرىلىمدارى، عىلىم - تەحنيكا كاسىپورىندارى، ونەركاسىپ باقشا رايوندارى سياقتىلاردى ەكسكۋرسيالاپ، تەكسەرۋ - زەرتتەۋ جۇرگىزدى.
جياڭسۋ ولكەسىنىڭ باسشىلارىنان حان ليميڭ، ساۋ لۋباۋ، ليۋ جيانياڭ، چۋ يۇڭحۇڭ، ما شين، حۋ گۋاڭجيە، اۆتونوميالى رايوننىڭ جانە بيڭتۋاننىڭ باسشىلارىنان چىن ۋيجۇن، ۋاڭ ميڭشان، ليۋ سۋشى، حا زىڭيوۋ، ياڭ شيۋلي قاتارلىلار قيمىلعا قاتىناستى.
