شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى. 5 - ايدىڭ 29 - كۇنى مەملەكەت ءتوراعاسى شي جينپيڭ رەجەپ تايىپ ەردوعانعا تەلەگرامما جولداپ، ونىڭ تاعى ءبىر رەت تۇركيا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن تۇركيا ەكەۋى دە وركەندەپ كەلە جاتقان ءىرى ەلدەر ءارى بازارى جاڭادان گۇلدەنگەن ەلدەر، كەڭ كولەمدى ورتاق مۇددەگە يە. جۋىق جىلداردان بەرى جۇڭگو − تۇركيا ستراتەگيالىق سەلبەستىك قارىم - قاتىناسى دامۋ ارىنىن ساقتاپ، ءار سالاداعى ناقتى سەلبەستىكتە بەلسەندى ىلگەرىلەۋشىلىككە قول جەتكىزدى. مەن جۇڭگو − تۇركيا قارىم - قاتىناسىنىڭ دامۋىنا ءمان بەرەمىن، ەردوعان زۇڭتۇڭمەن بىرگە قۇلشىنىپ، ءبىر - ءبىرىمىزدىڭ وزەكتى مۇددەلەرىمىزگە ساياتىن جانە ءجىتى قاداعالاپ وتىرعان كەلەلى ماسەلەلەردە ءوزارا ءتۇسىنىپ، ءوزارا قولداۋ كورسەتىپ، جۇڭگو − تۇركيا ستراتەگيالىق سەلبەستىك قارىم - قاتىناسىنىڭ ۇزدىكسىز اقاۋسىز، ورنىقتى دامۋىن ىلگەرىلەتۋدى قالايمىن.