انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى سۋ حۋا 5 - ايدىڭ 30 - كۇنى شاياردان حابارلايدى. ”جۇڭگو مۇنايى شىندي تاكى 1 - ۇڭعىماسى باستاپ بۇرعىلانسىن“! 5 - ايدىڭ 30 - كۇنى ساعات 11 دەن 46 مينۋت وتكەندە ناق مايدانداعى قولباسشىنىڭ بۇيرىعىمەن ەلىمىزدەگى تۇڭعىش 10 مىڭ مەترلىك عىلمي بارلاۋ تەرەڭ ۇڭعىماسىن بۇرعىلاۋ تارىم ويپاتىندا گۋدوك شالىپ باستالدى.
”ءبىز شىنجوۋ 16 - ءنومىرلى عارىشكەرلى الەم كەمەسىنىڭ ءساتتى ۇشىرىلعاندىعىن كورىپ تەبىرەنگەن ساتتە، شىندي تاكى 1 - ۇڭعىماسى جەر شارىنىڭ 10 مىڭ مەتر تەرەڭ قاباتىنا قاراي جورىق جاسادى“. جۇڭگو مۇنايى تارىم مۇنايى الابى سەرىكتەستىگىنىڭ باس تەحنيك مامانى ۋاڭ چۇنشىڭ بىلاي دەدى: بۇل كۇنى، جۇڭگو ”تەرەڭ كەڭىستىك“، ”تەرەڭ جەر“ سالاسىندا ءوز قابىلەتىن تاعى ءبىر رەت ايگىلەپ، نەشە ۇرپاق جۇڭگو مۇنايشىلارىنىڭ 10 مىڭ مەتر ەرەكشە تەرەڭ جەر قاباتىنا جورىق جاساۋ ارمانى ىسكە استى.
مىناۋ تارىم ويپاتىنىڭ ورتاسىنداعى شايار اۋدانىنداعى تەرەڭدىگى 11 مىڭ 100 مەتر ەتىپ جوبالانعان عىلمي بارلاۋ ۇڭعىماسى، 457 كۇندە بۇرعىلانىپ بولادى.
”بۇل جولعى 10 مىڭ مەتر ەرەكشە تەرەڭ جەردى بۇرعىلاپ بارلاۋدا عىلمي بارلاۋ، الدىن الا بارلاۋ، ينجەنەريا، دارىندى سىندى 4 نىسانانى ىسكە اسىرامىز“. جۇڭگو مۇنايى تارىم مۇناي الابى سەرىكتەستىگى بارلاۋ ىستەرى ءبولىمىنىڭ تايپىن بولىكشەسى نىسان ءبولىمىنىڭ مەڭگەرۋشىسى لۇي شياۋگاڭ تانىستىرىپ بىلاي دەدى: شىندي تاكى 1 - ۇڭعىماسى جەر شارىنىڭ ىشكى بولىگىنىڭ قۇرىلىمىن جانە وزگەرۋ زاڭدىلىعىن بارلاپ، تۇتاس جەر شارىنىڭ قۇرلىقتاعى 10 مىڭ مەتر تىك تەرەڭدىگىنەن مۇناي - تابيعي گاز بايقاۋدان تىڭ سەرپىلىستى جۇزەگە اسىرىپ، دەربەس، مەڭگەرۋگە بولاتىن 10 مىڭ مەتر شەشۋشى وزەكتى تەحنيكا جۇيەسىن قالىپتاستىرىپ، حالىقارادا باستاماشى دارىندىلاردى جانە تەحنيكالىق قىزمەت وتەيتىن بىرەگەي قوسىندى تۇلعالاپ شىعادى.
ەلىمىز دەربەس زەرتتەپ جاساعان دۇنيە جۇزىندەگى تۇڭعىش 12 مىڭ مەتر ەرەكشە تەرەڭ ۇڭعىمانى اۆتوماتتى بۇرعىلاۋ ماشيناسى بۇرعىلاۋ ورنىندا ەرەكشە كوزگە تۇسەدى. ادەتتەگى بۇرعىلاۋ ماشيناسىمەن سالىستىرعاندا، ونىڭ كوتەرىمدىلىگى 3 ەسە ارتىپ، ەڭ اۋىر بولعاندا 900 تونناعا دەيىن جەتەدى.
”بۇل بۇرعىلاۋ ماشيناسى دۇنيە جۇزىندەگى سيرەك كەزدەسەتىن بۇرعىلانىپ بولعان ۇڭعىمانىڭ ءبىر قىدىرۋ جالپىلىق قيىن ماسەلەلەرىن شەشە الادى“. بۇرعىلاۋدى كوتەرمەگە العان ورىن جۇڭگو مۇناي توبى باتىس بولىك بۇرعىلاۋ ينجەنەرياسى شەكتى سەرىكتەستىگى پارتكومىنىڭ شۋجيى، اتقارۋشى القاسى پان دىڭ مىنانى ءبىلدىردى: تارىم ويپاتى 8 مەرزىمدىك قۇرىلىمدىق وزگەرىستى باستان وتكەرۋ ارقىلى قالىپتاسقان، گەولوگيالىق شارت - جاعدايى ەرەكشە كۇردەلى، دۇنيە ءجۇزى بويىنشا بۇرعىلانىپ بولعان ۇڭعىمانىڭ قيىندىق دەڭگەيىن ولشەيتىن 13 ءتۇرلى كورسەتكىشتىڭ جەتەۋى ءبىرىنشى ورىندا تۇرادى.
10 مىڭ مەتر ەرەكشە تەرەڭ ۇڭعىمانى ءساتتى بۇرعىلاۋدى، بارلاۋدى قامتاماسىز ەتۋ ءۇشىن، تارىم مۇناي الابى 9 تەحنيكالىق قامتاماسىز ەتۋ گرۋپپاسىن ۇيىمداستىرىپ، 9000 مەتردەن كەيىن جارىققا شىعۋى مۇمكىن بولعان قيىن ماسەلەلەردى زەر سالا ىسپاتتاپ، تەحنيكالىق جوبا مەن دايىندىق شارالارىن ناقتىلاندىرىپ، قاي - قاشان دا جۇمىستى كوكەيگە ءتۇيدى، كوڭىلدە ەسەبى بولدى.
جاقىنعى جىلداردان بەرى تارىم مۇناي الابى ”شىندي ينجەنەرياسىنىڭ“ وزەكتى تەحنيكاسىندا ءۇرتىس تىڭ ناتيجەلەرگە قول جەتكىزدى. 2020 - جىلى تەرەڭدىگى 8882 مەتر كەلەتىن لۇنتان 1 - ۇڭعىماسىن ءساتتى بۇرعىلاپ، بارلادى، ول سول كەزدەگى ازيا بويىنشا قۇرلىقتاعى ءبىرىنشى تەرەڭ ۇڭعىماعا اينالدى؛ بيىل 3 - ايدا تەرەڭدىگى 9396 مەتر كەلەتىن گولى 3C ۇڭعىماسىن ءساتتى بۇرعىلاپ، بارلادى، ول ازياداعى ەڭ تەرەڭ گوريزونتال ۇڭعىماعا اينالدى. قازىرگە دەيىن تارىم مۇناي الابى تەرەڭدىگى 8000 مەتردەن اساتىن 95 ەرەكشە تەرەڭ ۇڭعىمانى ءساتتى بۇرعىلاپ، بارلاپ، ەلىمىزدىڭ 10 مىڭ مەتر تەرەڭ ۇڭعىما ينجەنەرياسىن تولىق نەگىزدىك شارت - جاعدايمەن، تەحنيكالىق دايىندىقپەن جانە تاجىريبە قورىمەن قامدادى.
