انار بۇلت \ شينجياڭ گازەتىنىڭ ءتىلشىسى شيە حۇيبيان 5 - ايدىڭ 30 - كۇنى ۇرىمجىدەن حابارلايدى. 5 - ايدىڭ 30 - كۇنى 2023 - جىلعى ”مەملەكەتتىك عىلىم - تەحنيكا قىزمەتكەرلەرى كۇنى“ شينجياڭ نەگىزگى الاڭ قيمىلى جانە ”’ءبىر بەلدەۋ، ءبىر جول‘ سالاماتتى شينجياڭ“ حۋاشيا اكادەميكتەرىنىڭ تالقى مىنبەرى ۇرىمجىدە وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ماجىلىسكە قاتىناستى ءارى ءسوز سويلەدى.
ءزۇمىرات وبۇل بىلاي دەپ اتاپ كورسەتتى: پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ، نەگىزگى تاقىرىپتىق تاربيەنى تىڭعىلىقتى ورىستەتۋدىڭ ماڭىزدى ساتىندە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدىڭ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدىڭ شەشۋشى مەزگىلىندە، بۇكىل رايونداعى قالىڭ عىلىم - تەحنيكا قىزمەتكەرلەرى باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ ورنالاستىرۋىنا ساي، ”8 ءىرى كاسىپ سالاسى شوعىرىن“ جوعارى ساپامەن قۇرۋ، جىبەك جولى ەكونوميكالىق بەلدەۋىنىڭ وڭىرلىك جاڭالىق اشۋ بيىگىن تۇلعالاۋ سياقتى كەلەلى ورنالاستىرۋلاردى ارقاۋ ەتىپ، دامۋعا جاڭالىق اشۋ ارقىلى دەم بەرۋ ستراتەگياسىن، شينجياڭدى عىلىم - تەحنيكا ارقىلى گۇلدەندىرۋ ستراتەگياسىن جانە دارىندىلار جاعىندا قۋاتتى رايون قۇرۋ ستراتەگياسىن ىشكەرىلەي اتقارىپ، نازاردى عىلىم - تەحنيكادا قامال الۋعا شوعىرلاندىرىپ، جاڭا نازاريانى العا قويىپ، جاڭا سالا اشىپ، جاڭا جول قاراستىرىپ، جوعارى دەڭگەيدەگى ءتول جاسامپازدىق جەتىستىكتەرىن كوپتەپ شىعارىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا جاۋاپكەرشىلىك ارقالاپ، ىسكەرلىك كورسەتۋ كەرەك.
ءزۇمىرات وبۇل بىلاي دەپ اتاپ كورسەتتى: شينجياڭ عىلىم - تەحنيكادا جاڭالىق اشۋعا ايرىقشا ءمان بەرىپ، 10 ميلليارد يۋاندىق دارىندىلاردى دامىتۋ قورىن قۇرىپ، ”تيانشان دارىندىلارى“، ”بوعدا دارىندىلارى“ سىندى 2 جالپىلىق سيپاتتى دارىندىلار جوسپارىن اتقارىپ، ءبىر قىدىرۋ عىلىم - تەحنيكادا جاڭالىق اشۋ ساياساتىن شىعارىپ، ءبىر قىدىرۋ كەلەلى عىلىم - تەحنيكا نىسانىن ۇيىمداستىرىپ اتقارىپ، عىلىم - تەحنيكادا جاڭالىق اشۋدا تىڭ ىلگەرىلەۋشىلىككە قول جەتكىزدى. قالىڭ عىلىم - تەحنيكا قىزمەتكەرلەرىنىڭ عالىمدار رۋحىن زور كۇشپەن اسقاقتاتىپ، عىلىم - تەحنيكا ارقىلى وتان ءۇمىتىن اقتاۋ اۋەلگى ماقساتىن، بورىشىن شىڭداپ، عىلىم - تەحنيكادا جاڭالىق اشۋ كومەسكى كۇشىن تولىق جارىققا شىعارىپ، شينجياڭ ءوڭىرىنىڭ جاڭالىق اشۋ جالپىلىق قابىلەتىن جوعارىلاتۋىن؛ جىبەك جولى ەكونوميكالىق بەلدەۋى وزەكتى رايون قۇرىلىسىن ارقاۋ ەتىپ، ”حۋاشيا اكادەميكتەر تالقى مىنبەرىنە“ بەلسەنە ات سالىسىپ، حالىقارالىق، مەملەكەتتىك عىلمي اۋىس - كۇيىس ورىستەتىپ، عىلىممەن جەتەكشىلىك ەتۋ ارقىلى شەشۋشى، وزەكتى تەحنيكالاردان قامال الۋدى جانە جاسامپاز دارىندىلاردى باۋلۋدى ىلگەرىلەتۋىن؛ عىلمي زەرتتەۋ مەن عىلىم جالپىلاستىرۋدى ىرىقتىلىقپەن ۇشتاستىرىپ، ءار ۇلت بۇقاراسىنا عىلىم - تەحنيكالىق حيكايالاردى ويداعىداي بايانداپ، وسى زامانعى وركەنيەتتى تۇرمىستى دارىپتەپ، تۇتاس قوعامدا عىلىمدى سۇيەتىن، عىلىمدى ۇيرەنەتىن، عىلىمدى قولداناتىن قويۋ راي قالىپتاستىرۋىن ءۇمىت ەتەمىن.
جۇڭگو ينجەنەريا اكادەمياسى 3 - مەكەمەسىنىڭ باستىعى گاۋ جانجۇن، جۇڭگو ينجەنەريا اكادەمياسىنىڭ اكادەميگى، جۇڭگو ەمدەۋ - دەنساۋلىق ساقتاۋ حالىقارالىق اۋىس - كۇيىسىن ىلگەرىلەتۋ قوعامىنىڭ باستىعى حان دىمين، جۇڭگو عىلىم اكادەمياسىنىڭ شەتەلدىك اكادەميگى، ورتا ازياداعى 5 ەل مەديتسينا سالاسىنىڭ ۋاكىلى شاۋكەت ساليحوۆ، جۇڭگو ينجەنەريا اكادەمياسىنىڭ اكادەميگى، اۆتونوميالى رايوندىق عىلىم - تەحنيكا قوعامىنىڭ ءتوراعاسى دىڭ ميڭجياڭ جەكە - جەكە ءسوز سويلەدى.
بيىلعى ”مەملەكەتتىك عىلىم - تەحنيكا قىزمەتكەرلەرى كۇنى“ قيمىلىنىڭ نەگىزگى تاقىرىبى − ”رۋحاني الاۋدى تۇتاندىرۋ“. قيمىل الاڭىندا ”باتىس بولىكتىڭ تىرشىلىك ساۋلەسىن جاعايىق“ تاقىرىبىنداعى ”’ءبىر بەلدەۋ، ءبىر جول‘ سالاماتتى شينجياڭ“ حۋاشيا اكادەميك، ماماندارىنىڭ شينجياڭعا ساپارى قيمىلى ءبىر ۋاقىتتا باستالدى، شينجياڭ عىلىم - تەحنيكا قوعامى مەن جۇڭگو ەمدەۋ - دەنساۋلىق ساقتاۋ حالىقارالىق اۋىس - كۇيىسىن ىلگەرىلەتۋ قوعامى جوعارى دەڭگەيلى دارىندىلاردى باۋلۋ كەلىسىمىنە قول قويىستى، ”حۋاتو ينجەنەرياسى“ ەستۋ قۋاتى بويىنشا سالاماتتىققا جىلۋ اتاۋ سالتى وتكىزىلدى.
