نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسى ارناۋلى تاقىرىپتىق اڭگىمە ءماجىلىسىن اشتى
”مەملەكەتتىڭ زور ءىسىن“ يگەرىپ، شينجياڭدى مادەنيەتپەن نارلەندىرۋدى ىلگەرىلەتۋ كەرەك
اناربۇلت \ شينجياڭ گازەتىنىڭ ءتىلشىسى لياڭ ليحۋا 5 - ايدىڭ 30 - كۇنى ۇرىمجىدەن حابارلايدى. تاياۋدا نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسى اڭگىمە ءماجىلىسىن اشىپ، نەگىزگى تاقىرىپتىق تاربيەنىڭ باس تالابى مەن ءتۇبىرلى مىندەتىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، شينجياڭدى مادەنيەتپەن نارلەندىرۋ قىزمەتىن ىلگەرىلەتۋ جونىندە ىشكەرىلەي پىكىر اۋىستىردى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ، ورىنباسار باستىعى شاۋ لين ماجىلىسكە قاتىناستى، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين ءماجىلىستى باسقاردى.
ۋاڭ گوشىڭ بىلاي دەپ اتاپ كورسەتتى: شينجياڭدى مادەنيەتپەن نارلەندىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىن ستراتەگيالىق تۇرعىدان باعامداۋ جانە جوسپارلاۋ ارقىلى جاساعان كەلەلى ستراتەگيالىق ورنالاستىرۋى، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ماڭىزدى قۇرامداس بولىگى. ساياسي دەڭگەيدى جوعارىلاتىپ، ”مەملەكەتتىڭ زور ءىسىن“ كوكەيگە ءتۇيىپ، شينجياڭدى مادەنيەتپەن نارلەندىرۋدىڭ كەلەلى ءمانىن ساياسي جانە ستراتەگيالىق بيىك تۇرعىدان تانۋعا تاباندى بولىپ، دۇرىس بەتالىستى يگەرىپ، ءتۇيىندى مىندەتتەردى تياناقتاندىرىپ، كورنەكتى ماسەلەلەردى شەشىپ، شينجياڭدى مادەنيەتپەن نارلەندىرۋدەگى ءتۇرلى قىزمەتتىڭ تياناقتانۋىن، ونىمدىلىك كورسەتۋىن ىلگەرىلەتۋ كەرەك.
ۋاڭ گوشىڭ بىلاي دەپ باسا دارىپتەدى: شينجياڭدى مادەنيەتپەن نارلەندىرۋ جۇرتتىڭ قۇپتاۋ - قۇپتاماۋىمەن بايلانىستى، جۇرت تىلەگىن ۇيىستىرۋدا ناقتى، جاندى، ءونىمدى بولۋعا كۇش جۇمساۋ، پارتيانى، وتاندى ءسۇيۋ نيەتىن ۇيىستىرىپ، ءار ۇلت بۇقاراسىن ”بەستى شىنايى مويىنداۋدى“ كۇشەيتۋگە، پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسىپ، جۇڭگولىق بولۋ ماقتانىش سەزىمىن كۇشەيتۋگە جەتەكتەپ، جۇڭگو پەيىلىن، جۇڭحۋا رۋحىن ۇزدىكسىز بەكەمدەۋ كەرەك؛ ادالدىقپەن جاۋاپكەرشىلىك ارقالاۋ نيەتىن ۇيىستىرىپ، باتىلدىقپەن ىستەۋ، ناقتى ءىس ىستەۋ رۋحىن اسقاقتاتىپ، اۋىر جۇكتى باتىلدىقپەن ارقالاپ، اتويلاپ الدا ءجۇرىپ، قاتاڭ ستيل شىڭداپ، كۇرەس ونەرىن كۇشەيتۋ كەرەك؛ ىنتىماقتاسىپ توعىسۋ نيەتىن ۇيىستىرىپ، ۇلتتار ىنتىماعىن كۇشەيتىپ، ۇلتتاردىڭ ءوزارا كومەكتەسۋىن ىلگەرىلەتىپ، ۇلتتاردىڭ جاراسىمدىلىعىن جەبەپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك؛ العىستى كوڭىلمەن ەكپىندەي ىلگەرىلەۋ تىلەگىن ۇيىستىرىپ، كادرلار مەن بۇقارانىڭ العىس ايتۋ تانىمىن اناعۇرلىم جوعارىلاتىپ، بۇگىنگى باقىتتى تۇرمىستى ايرىقشا قاستەرلەپ، پارتياعا سۇيىسپەنشىلىكتى قاۋلاتىپ، جاڭا داۋىردە ەكپىندەي العا ىلگەرىلەۋدىڭ قۋاتتى كۇشىن ۇيىستىرۋ كەرەك؛ تامىر تارتىپ، ءوزىن ارناۋ نيەتىن ۇيىستىرىپ، توراڭعى رۋحىن بارىنشا اسقاقتاتىپ، شەكارا ءوڭىردى قىزۋ ءسۇيىپ، شەكارا وڭىرگە تامىر تارتىپ، شەكارا ءوڭىردى كوركەيتىپ، كوكىرەك كەرنەگەن قىزۋ ىنتانى پارتيا مەن مەملەكەتكە ۇلەس قوسىپ، ەڭبەك ءسىڭىرۋدىڭ ءىس جۇزىندىك ارەكەتىنە اينالدىرۋ كەرەك.
ۋاڭ گوشىڭ مىنالاردى تالاپ ەتتى: شينجياڭدى مادەنيەتپەن نارلەندىرۋ قىزمەتىن ويداعىداي ىستەۋدە، ەڭ اۋەلى، پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتۋ كەرەك. نەگىزگى تاقىرىپتىق تاربيە ورىستەتۋ ماڭىزدى ورايىن مىقتى يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ تەرەڭدەۋىن، كوكەيگە ۇيالاۋىن، كادەگە جاراۋىن ۇزدىكسىز ىلگەرىلەتۋ كەرەك. وعان سىڭىرىلگەن ماركسيزمدىك تۇرعىنى، كوزقاراستى، ءادىستى قۇلشىنا يگەرىپ، دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋ كەرەك. جاستار مەن ورەندەرگە قاراتىلعان ”نەگىز قالاۋ“ ينجەنەرياسىن جان - جاقتى ىلگەرىلەتىپ، ءار ۇلت جاستارى مەن ورەندەرىن سانالى تۇردە جۇڭحۋا ۇلتى ورتاق تۇلعا تانىمىن بەرىك ورناتۋدىڭ قورعاۋشىسى، امالياتتا ايگىلەۋشىسى بولۋعا جەتەكتەۋ كەرەك. جەرگىلىكتى جاعدايعا جاناساتىن اناعۇرلىم كوپ ءتاسىل قاراستىرىپ، شينجياڭدى مادەنيەتپەن نارلەندىرۋ قىزمەتىن نەگىزگى ساتىعا جەتكىزە ىستەۋ، شىنايى جەتكىزە ىستەۋ، ءار ۇلت كادرلارى مەن بۇقاراسىنىڭ جۇرەك تۇكپىرىنە جەتكىزە ىستەۋ كەرەك.
