گۇڭ جىڭ، ەركىن تۇنياز قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 30 - كۇنى شاڭحايدان حابارلايدى. 5 - ايدىڭ 29 - كۇنىنەن 30 - كۇنىنە دەيىن اۆتونوميالى رايوندىق پارتكومنىڭ ورنالاستىرۋى بويىنشا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ شاڭحايعا بارىپ ۇيرەنۋدە، تەكسەرۋدە بولدى. شاڭحاي قالالىق پارتكومنىڭ ورىنباسار شۋجيى، قالا باستىعى گۇڭ جىڭ قيمىلعا قاتىناستى.
5 - ايدىڭ 29 - كۇنى تۇستەن كەيىن گۇڭ جىڭ ەركىن تۇنيازبەن جانە ونىڭ ساپارلاستارىمەن قىزمەت جونىندە كەڭەس وتكىزدى.
گۇڭ جىڭ شاڭحاي قالالىق پارتكوم، قالالىق ۇكىمەت اتىنان شينجياڭنىڭ پارتيا، ۇكىمەت ۋاكىلدەر ۇيىرمەسىنىڭ كەلگەندىگىن قارسى الاتىندىعىن ءبىلدىردى، شينجياڭنىڭ ۇزاق ۋاقىتتان بەرى شاڭحايدىڭ دامۋىنا كوڭىل بولگەندىگىنە جانە قولداۋ كورسەتكەندىگىنە شىن جۇرەكتەن العىس ايتتى. گۇڭ جىڭ بىلاي دەدى: شينجياڭعا باعىتتامالى كومەكتەسۋ − پارتيا ورتالىق كوميتەتى تاپسىرعان كەلەلى ساياسي مىندەت. ءبىز باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ءتۇبىرلى بويسۇنۋ ولشەمى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ جوعارى ساپالى دامۋىنا كۇش ۇستەۋگە تيەسەلى ۇلەسىمىزدى قوسامىز. شاڭحاي مەن شينجياڭنىڭ اراسى شالعاي بولعانىمەن، الايدا ەكى جەردىڭ بارىس - كەلىس قاينارى تەرەڭ، تاۋلى ءوڭىر مەن تەڭىز جاعالاۋى رايونىنىڭ سۇيىسپەنشىلىگى مىعىم. نازاردى حالىقتى بايىتىپ شينجياڭدى گۇلدەندىرۋگە ونان ارى شوعىرلاندىرىپ، كەدەيلىكتەن ارىلتۋدان قامال الۋ جەتىستىگىن بەكەمدەۋگە، كەڭەيتۋگە كۇش ۇستەپ، اۋىل - قىستاقتى گۇلدەندىرۋدى جاپپاي ىلگەرىلەتىپ، كاسىپ سالاسى جاعىنان كومەكتەسۋ - سۇيەمەلدەۋدى كۇشەيتىپ، تۇتىنۋ جاعىنان كومەكتەسۋ - سۇيەمەلدەۋدى زورايتىپ، حالىق تۇرمىسى جاعىنان كومەكتەسۋ - سۇيەمەلدەۋدى ساپالىلاندىرىپ، شاڭحايدىڭ ۇلكەن تۇعىر، ۇلكەن بازار، ۇلكەن اينالىم باسىمدىعىن ويداعىداي ساۋلەلەندىرىپ، بۇقارانىڭ تابىس سەزىمىن شىن مانىندە كۇشەيتۋ كەرەك. نازاردى شينجياڭدى ىنتىماقتاسا ورنىقتىرۋعا ونان ارى شوعىرلاندىرىپ، ارالاسۋدى، ىشتەسۋدى، توعىسۋدى ىشكەرىلەي ورىستەتىپ، اقىل - پاراسات جاعىنان كومەكتەسۋ - سۇيەمەلدەۋ، شينجياڭدى مادەنيەتپەن نارلەندىرۋ، قوعامدىق جاقتان شينجياڭعا كومەكتەسۋ تەبىنىن ارتتىرىپ، ەكى جەردەگى ءار ۇلت بۇقاراسىن اناردىڭ دانىندەي تىعىز ۇيىستىرۋ كەرەك. نازاردى ءوزارا پايدا جەتكىزىپ، تەڭ يگىلىككە كەنەلۋگە اناعۇرلىم شوعىرلاندىرىپ، شاڭحايدىڭ قارجى باسىمدىعىن، تەحنيكا باسىمدىعىن شينجياڭنىڭ بايلىق باسىمدىعىمەن، وڭىرلىك ورىن باسىمدىعىمەن اناعۇرلىم تىعىز ۇشتاستىرىپ، قوس باعىتتا ەنەرگيا ۇستەۋ ارقىلى ەكى جەردىڭ جوعارى ساپالى دامۋىن ىلگەرىلەتىپ، ەكى جەردىڭ سەلبەسە دامۋىنىڭ جاڭا تاراۋىن بىرگە جازۋ كەرەك.
ەركىن تۇنياز شاڭحاي قالاسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتىپ جانە قالتقىسىز كومەكتەسىپ كەلگەندىگىنە شىنايى العىس ايتتى. ول بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شاڭحاي قىزمەتىنە وسكەلەڭ ءمان بەرىپ كەلەدى، باس شۋجي شي جينپيڭ شاڭحايعا تالاي رەت ءوزى كەلىپ، قىزمەت تەكسەرىپ، شاڭحايعا ”ۇزدىكسىز بۇكىل ەلدىڭ رەفورما جاساۋ، ەسىك اشۋىنىڭ ويداعىداي اتويشىسى، جاڭالىق اشا دامۋدىڭ الدىمەن اتقارۋشىسى بولۋ“ كەلەلى بورىشىن جۇكتەدى. شاڭحاي باس شۋجي شي جينپيڭنىڭ شاڭحايدا قىزمەت تەكسەرگەندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت ۇلكەن يقۋاتتى“ كۇشەيتىپ، ”بەس ورتالىق“ قۇرىپ، ”بەس ۇلگىدەگى شارۋاشىلىقتى“ كۇشەيتىپ، جوعارى ساپالى دامۋدا بۇكىل دۇنيە ءجۇزىن جالت قاراتقان تابىسقا قول جەتكىزدى. شاڭحاي قالاسى شينجياڭعا باعىتتامالى كومەكتەسۋ قىزمەتىن باستان - اياق ماڭىزدى ساياسي جاۋاپكەرشىلىك ەتىپ، كومەك قابىلداۋشى جەردىڭ قوعام ورنىقتىلىعىن، ەكونوميكاسىنىڭ، قوعامىنىڭ جوعارى ساپالى دامۋىن، حالىق تۇرمىسىنىڭ جاقسارۋىن جەبەۋ سياقتى جاقتاردا كورنەكتى ۇلەس قوستى. كەزەكتە شينجياڭ جوعارى ساپالى دامۋدى ىلگەرىلەتۋدىڭ شەشۋشى مەزگىلىندە تۇر، شاڭحايدىڭ كەشەندى قورعامالى باجى رايونى، ەركىن ساۋدا رايونى، حالىقارالىق زات اينالىم ارناسى جانە تاسىمال، جيناۋ - تاراتۋ ورتالىعى قۇرىلىسى سياقتى جاقتاردا شينجياڭمەن سەلبەستىكتى كۇشەيتۋىن؛ عىلىم - تەحنيكادا جاڭالىق اشۋ جانە وزىق جاساۋ كاسىبىن دامىتۋ جاعىندا قولداۋ تەبىنىن ارتتىرۋىن؛ شينجياڭنىڭ ەگىن، مال شارۋاشىلىعىنىڭ جوعارى ساپالى دامۋىن ۇزدىكسىز ىلگەرىلەتىپ، ”ۇيىرمە قۇراۋ فورماسىندا“ ەمدەۋ، وقۋ - اعارتۋ جاعىنان شينجياڭعا كومەكتەسۋ ءورىسىن ءۇرتىس كەڭەيتىپ، مادەنيەت پەن ساياحاتتاعى تەرەڭدەي سەلبەستىكتى كۇشەيتىپ، شينجياڭ مەن شاڭحايدىڭ بىرگە دامۋىن جەبەۋگە اناعۇرلىم زور ۇلەس قوسۋىن ءۇمىت ەتەمىن.
شاڭحايداعى كەزىندە ەركىن تۇنياز شاڭحاي قالاسىنان شينجياڭعا كومەككە كەلگەن كادر - دارىندىلار ۋاكىلدەرىنە امانداستى جانە ولاردان حال سۇرادى. اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى قالا جوباسى كورمە سارايى، قىزىل تاربيە بازاسى، عىلىم - تەحنيكالىق كاسىپورىن سياقتىلارعا بارىپ ەكسكۋرسيالادى، تەكسەرۋ - زەرتتەۋ جۇرگىزدى.
شاڭحاي قالاسىنىڭ باسشىلارىنان گو فاڭ، چىن جيڭ، حۋا يۋان، لي جىڭ، اۆتونوميالى رايوننىڭ جانە بيڭتۋاننىڭ باسشىلارىنان چىن ۋيجۇن، ۋاڭ ميڭشان، ليۋ سۋشى، حا زىڭيوۋ، ياڭ شيۋلي قاتارلىلار قيمىلعا قاتىناستى.
