اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن وتكىزدى
باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن قۇلشىنا جازۋ كەرەك
ما شيڭرۇي باسقاردى
ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين، حى جۇڭيوۋ ۇيرەنۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى 6 - ايدىڭ 1 - كۇنى ارناۋلى تاقىرىپتىق ۇيرەنۋ ءماجىلىسىن وتكىزىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى تىڭعىلىقتى ورىستەتىپ، باس شۋجي شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى ماڭىزدى بايىمداۋلارىن ىشكەرىلەي ۇيرەنۋمەن، تۇسىنۋمەن ۇشتاستىرىپ، باس شۋجيدىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، يدەيالىق تانىمدى اناعۇرلىم جوعارىلاتىپ، جاۋاپكەرشىلىك ارقالاۋدى كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋدى تالاپ ەتتى. اۆتونوميالى رايوندىق پارتكومنىڭ شۋجيى ما شيڭرۇي توپتىق ۇيرەنۋدى باسقاردى.
ەركىن تۇنياز، لي يفي، جاڭ چۇنلين، حى جۇڭيوۋ پىكىر اۋىستىرىپ ءسوز سويلەدى. ءزۇمىرات وبۇل، نۇرلان ءابىلماجىن توپتىق ۇيرەنۋگە قاتىناستى.
ما شيڭرۇي مىنالاردى اتاپ كورسەتتى: پارتيا 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ايبىندى جوباسىن عىلمي كەسكىندەدى. باس شۋجي شي جينپيڭ جۇڭگو ۇلگىسىندەگى وسىزامانداندىرۋدى ارقاۋ ەتە وتىرىپ، ءبىر قىدىرۋ ماڭىزدى بايىمداۋلار جاسادى، پارتيامىزدىڭ قانداي سوتسياليستىك وسىزاماندانعان قۇدىرەتتى مەملەكەت قۇرۋ، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ جونىندەگى تانىمىن ونان ارى تەرەڭدەتىپ، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋعا، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە عىلمي باعدارناما ازىرلەدى. ءبىز باس شۋجي شي جينپيڭنىڭ ماڭىزدى بايىمداۋلارىن دەن قويا ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋمەن، دايەكتىلەندىرۋمەن ساباقتاستىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋىمىز كەرەك.
ما شيڭرۇي بىلاي دەپ باسا دارىپتەدى: جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن مىقتاپ كوزدەپ، بايلىق، وڭىرلىك ورىن جانە ساياسات سياقتى باسىمدىقتى تولىق ساۋلەلەندىرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، وسىزامانداندىرۋ قۇرىلىسىن اناعۇرلىم زور جاۋاپكەرشىلىك ارقالاۋ جانە ىسكەرلىك كورسەتۋ ارقىلى ىلگەرىلەتىپ، مەملەكەتتىڭ كەلەلى ستراتەگياسىنا پارمەندى تىرەك قالىپتاستىرۋعا قۇلشىنۋ كەرەك. مەملەكەتتىڭ وڭىرلىك حاۋىپسىزدىگىن قورعاۋ ستراتەگيالىق قالتقىسىن بەلسەنە قالىپتاستىرۋ كەرەك. شينجياڭدى زاڭمەن باسقارۋعا تاباندى بولىپ، پارتيا، ۇكىمەت تەڭ جاۋاپكەرشىلىك ارقالاۋدى كۇشەيتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، قوعامدىق كەلەلى جاعدايدىڭ ورنىقتىلىعىن باتىل قورعاپ، مەملەكەتتىڭ حاۋىپسىزدىگىنە جانە باتىس سولتۇستىك شەكارانىڭ ورنىقتىلىعىنا پارمەندى قامتاماسىزدىق ازىرلەۋ كەرەك. ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن بەلسەنە قالىپتاستىرۋ كەرەك. جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، توڭىرەكتەگى ەلدەرمەن جانە ەل ىشىندەگى تۋىسقان ولكە، اۆتونوميالى رايون، قالالارمەن اۋىس - كۇيىستى، سەلبەستىكتى تەرەڭدەتىپ، ىشكە، سىرتقا ەسىك اشۋ دەڭگەيىن ۇزدىكسىز جوعارىلاتۋ كەرەك. جاڭا دامۋ ارناسىن قۇرۋدىڭ ستراتەگيالىق تىرەگىن بەلسەنە قالىپتاستىرىپ، ”8 ءىرى كاسىپ سالاسى شوعىرىن“ تىرەك ەتكەن شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن جەدەل قۇرىپ، ءتۇرلى فاكتورلاردىڭ ۇيلەسىمدى اينالۋى مەن ءونىمدى ورنالاسۋىن جەبەپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك. بۇكىل ەلدىڭ ەنەرگيا جانە بايلىق ستراتەگيالىق قامتاماسىزدىعى بازاسىن بەلسەنە قالىپتاستىرۋ كەرەك. جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسىن جاپپاي ىلگەرىلەتىپ، مۇناي - تابيعي گاز، ستراتەگيالىق كەن بايلىعىن بارلاۋ، اشۋ تەبىنىن ارتتىرىپ، ساپالى كومىر ءوندىرىس قۋاتىن ىسكە قوسىپ، جاڭاشا ەنەرگيا جۇيەسىن جەدەل قۇرىپ، مەملەكەتتىڭ ەنەرگيا، بايلىق حاۋىپسىزدىگىنە اناعۇرلىم ويداعىداي قىزمەت وتەۋ جانە ونى قامتاماسىزداندىرۋ كەرەك. مەملەكەت بويىنشا ساپالى ەگىن، مال شارۋاشىلىعى ونىمدەرىمەن قامداۋ ماڭىزدى بازاسىن بەلسەنە قالىپتاستىرۋ كەرەك. استىق - ماي ءوندىرىس قۋاتىن ورنىقتى جوعارىلاتىپ، ماقتا ءوندىرىسىنىڭ باسىمدىعىن بەكەمدەپ، جەمىس - جيدەكتىڭ، كوكونىستىڭ ساپاسىن جوعارىلاتىپ، ونىمدىلىگىن ارتتىرۋدى كۇش سالا ىلگەرىلەتىپ، مال شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، شينجياڭنىڭ مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋگە قوسقان ۇلەسىن جوعارىلاتۋ كەرەك.
ما شيڭرۇي بىلاي دەپ باسا دارىپتەدى: نەگىزگى تاقىرىپتىق تاربيەنى ورىستەتۋمەن ۇشتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجيدىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ۇزدىكسىز ىشكەرىلەي ۇيرەنىپ، جەتە ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن قاي - قاشان دا شينجياڭ قىزمەتىن ساراپتايتىن ءتۇبىرلى ولشەم ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، تولىق، دالمە - ءدال ءتۇسىنۋ، قاجىماي - تالماي ىلگەرىلەتۋ، قاز - قالپىندا تياناقتاندىرۋ جاعىندا ۇزدىكسىز كۇش سالىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ، شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتۋ كەرەك. يدەيانى، كوزقاراستى ازات ەتىپ، تەكسەرۋ - زەرتتەۋدى بارىنشا ورىستەتىپ، بىرەۋى ارقىلى ءبارىن تۇزەتەتىن شەشۋشى ماسەلەنى ءداپ باسىپ تابۋعا كۇشتى شوعىرلاندىرىپ، قامال الىپ، بوگەتتىك تەجەمدەردى ۇزدىكسىز شەشىپ، ءتۇيىندى قىزمەتتەردىڭ ءىس جۇزىندىك ونىمدىلىگىن ىلگەرىلەتىپ، باس شۋجيدىڭ شينجياڭ جونىندە جاساعان تاماشا جوباسىن نىق قاداممەن رەالدىققا اينالدىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋ كەرەك.
جاڭ جۋ، چىن ۋيجۇن، ۋاڭ ميڭشان، ءيۇسۇپجان مامەت، قادەن كابەن قاتارلىلار توپتىق ۇيرەنۋگە قاتىناستى.
