جاڭ چۇنلين قاشقار ايماعىندا وقۋ - اعارتۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
”بەس تاربيەنى“ قاتار جۇرگىزىپ، ورتا، باستاۋىش مەكتەپتەردىڭ وقۋ - وقىتۋ دەڭگەيىن جوعارىلاتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ، ەرىكتى تىلشىلەر ليۋ مىڭشين، ۋاڭ تاۋ 6 - ايدىڭ 2 - كۇنى قاشقاردان حابارلايدى. 5 - ايدىڭ 30 - كۇنىنەن 31 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين قاشقار ايماعىندا تەكسەرۋ - زەرتتەۋ جۇرگىزىپ، ىلگەرىندى - كەيىندى كونەءشار اۋداندىق 2 - ورتا مەكتەپتە، شىنتا ورتا مەكتەبىندە، قاشقار 2 - ورتا مەكتەبى جاڭا ءشار مەكتەپ رايونىندا، جاڭا ءشار اۋداندىق 1 - تامىز ورتا مەكتەبىندە ءىشىنارا جىلدىقتارداعى وقىتۋشى - وقۋشىلارمەن ىستىق ىقىلاسپەن اڭگىمەلەسىپ، مەكتەپتىڭ وقۋ - وقىتۋ، وقىتۋشىلار قوسىنى قۇرىلىسى سياقتى جاعدايلاردى ەگجەي - تەگجەيلى ۇعىستى.
جاڭ چۇنلين بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىمەن تىعىز ۇشتاستىرىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى، سەگىزىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ”بەس تاربيەنى“ قاتار جۇرگىزۋگە تاباندى بولىپ، ساپا اعارتۋىن جاپپاي دامىتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن، وقىتۋىن ۇزدىكسىز كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىمەن ورگانيكالى توعىسىپ، ءار ۇلت وقىتۋشى - وقۋشىلارىنىڭ ”بەستى شىنايى مويىنداۋىن“ ۇزدىكسىز كۇشەيتىپ، جۇڭحۋا ۇلتى ورتاق تۇلعا تانىمىن ونان ارى بەرىك ورناتۋ كەرەك. سوتسياليستىك وزەكتى قۇن كوزقاراسى تاربيەسىن كۇشەيتىپ، اعىمداعى ىستەر تاربيەسىنە باسا ءمان بەرىپ، وقۋشىلاردى وتانشىلدىق، ۇلتتار ىنتىماعى جانە بۇكىل ەلدىڭ رەفورما، دامۋ ۇلى جەتىستىكتەرى تاقىرىبىنداعى كينو - فيلم تۋىندىلارىن كورۋگە ۇيىمداستىرىپ، تالقى قيمىلىن ورىستەتۋگە ۇيىمداستىرىپ، ءار ۇلت وقۋشىلارىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەۋ، جەتەلەۋ كەرەك. وقىتۋشىلاردى يدەيالىق جاقتان جەتەلەۋ، كوڭىل ءبولۋ، قامقورلىق جاساۋ، مامىلەسىن قامتاماسىز ەتۋ سياقتى شارالاردى تياناقتاندىرىپ، تۇتاس قوعامنىڭ وقىتۋشىلارعا قۇرمەت ەتەتىن، وقۋ - اعارتۋعا ءمان بەرەتىن تاماشا رايىن قالىپتاستىرۋ كەرەك. مەكتەپ اۋلاسى حاۋىپسىزدىگىن باسقارۋدى كۇشەيتىپ، وقۋشىلاردىڭ پسيحيكالىق اقاۋسىزدىق تاربيەسىنە ءمان بەرىپ، ءار ۇلت بالالارىنىڭ اقاۋسىز، شات - شادىمان ەسەيۋىنە، دارىندىعا اينالۋىنا مۇمكىندىك جاساۋ كەرەك. مىندەتتى وقۋ - اعارتۋدىڭ بىركەلكى دامۋىن بار كۇشپەن ىلگەرىلەتىپ، شەت، شالعاي وڭىرلەردەگى، اۋىل - قىستاقتارداعى، ت . ب ورتا، باستاۋىش مەكتەپتەردىڭ وقۋ - وقىتۋ دەڭگەيىن جوعارىلاتۋعا ءمان بەرىپ، كورىكتى شينجياڭ قۇرۋعا اناعۇرلىم كوپ جوعارى ساپالى دارىندىلار جەتىلدىرۋ كەرەك.
