اۆتونوميالى رايوندىق ۇكىمەت ۇنەمىلىك ىستەر ءماجىلىسىن اشتى
وقۋ - اعارتۋدى وسىزامانداندىرۋ دەڭگەيىن جوعارىلاتۋ سياقتى قىزمەتتەردى اقىلداستى
انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 2 - كۇنى ۇرىمجىدەن حابارلايدى. 6 - ايدىڭ 2 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ءماجىلىسىن باسقارىپ اشىپ، باس شۋجي شي جينپيڭنىڭ تاياۋداعى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جەتكىزدى، ۇيرەندى، دايەكتىلەندىردى، اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسىنىڭ رۋحىن دايەكتىلەندىردى، تياناقتاندىردى، ۇكىمەت جۇيەسىندە نەگىزگى تاقىرىپتىق تاربيەنى ىشكەرىلەي ورىستەتۋدى ورنالاستىردى، وقۋ - اعارتۋدى وسىزامانداندىرۋ دەڭگەيىن جوعارىلاتۋ، ىشكى سۇرانىستى كەڭەيتۋ، ساۋداگەر شاقىرىپ قارجى ەنگىزۋ، ىشكى - سىرتقى ساۋدانى ءبىر تۇلعالاندىرۋ سىناق ءتۇيىنى قىزمەتى سياقتىلاردى اقىلداستى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ دۇرىس ناتيجە كوزقاراسىن ورناتۋ جانە امالياتتا ايگىلەۋ جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، حالىقتى باقىتقا كەنەلتۋدى ەڭ ماڭىزدى ناتيجە ەتۋگە تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداۋ كەرەك. دۇرىس ناتيجە كوزقاراسىن ورناتۋدى جانە امالياتتا ايگىلەۋدى نەگىزگى تاقىرىپتىق تاربيە بويىنشا نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاۋ، رەتتەۋ - تۇزەتۋ، ەرەجە - ءتۇزىم ورناتۋ سياقتى قىزمەتتەردە دايەكتىلەندىرىپ، شىندىققا جۇگىنىپ ناقتى ءىس ىستەۋگە، شىنايى يگەرىپ ناقتى ىستەۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن قاز - قالپىندا ناقتاپ تياناقتاندىرۋ كەرەك.
ءماجىلىس مىنالاردى اتاپ كورسەتتى: پارتيانىڭ وقۋ - اعارتۋ ىستەرىنە باسشىلىعىنا تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، رايونىمىزدىڭ جوعارى ساپالى وقۋ - اعارتۋ جۇيەسىن جەدەل قۇرۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن رۋحتى سومداپ، ادام تاربيەلەپ، شينجياڭدى عىلىم - تەحنيكا، وقۋ - اعارتۋ ارقىلى گۇلدەندىرۋ ستراتەگياسىن جانە وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى جالپىلاستىرۋدى، قولدانۋدى تىڭعىلىقتى ىلگەرىلەتۋ كەرەك. وقىتۋشىلار قوسىنى قۇرىلىسىن كۇشەيتىپ، وقىتۋشىلىق ءمورالى وسكەلەڭ، كاسىپكە جەتىك، قۇرىلىمى ۇيلەسىمدى، ومىرشەڭدىككە تولى جوعارى ساپالى ماماندانعان وقىتۋشىلار قوسىنىن كۇش سالا جەتىلدىرۋ، تۇلعالاۋ كەرەك.
ءماجىلىس مىنالاردى اتاپ كورسەتتى: ىشكى سۇرانىستى ۇلعايتۋ ستراتەگياسىن ىشكەرىلەي اتقارىپ، ءداستۇرلى تۇتىنۋدى ۇزدىكسىز جوعارىلاتىپ، تۇتىنۋعا قىزمەت وتەۋدى بەلسەنە دامىتىپ، جاڭاشا تۇتىنۋدى كۇش سالا جەتىلدىرىپ، جاسىل، تومەن كومىر قىشقىل گازدى تۇتىنۋدى بارىنشا دارىپتەپ، تۇتىنۋدىڭ كولەمىن كەڭەيتىپ، ساپاسىن جوعارىلاتۋدى ىلگەرىلەتۋ كەرەك. قارجى قوسۋ قۇرىلىمىن ساپالىلاندىرىپ، جاساۋ كاسىبىنە قارجى قوسۋ تەبىنىن ارتتىرىپ، قاتىناس، ەنەرگيا، سۋ يگىلىگى، حالىق تۇرمىسى، قورشاعان ورتانى قورعاۋ سياقتى ءتۇيىندى سالالارداعى نەگىزدىك قۇرىلعىلار قۇرىلىسىن جەدەلدەتىپ، ينفورماتسيا، ينتەرنەت، ەسەپتەۋ قابىلەتى سياقتى جاڭاشا نەگىزدىك قۇرىلعىلار قۇرىلىسىن كۇشەيتىپ، ءونىمدى قارجى قوسۋدى كەڭەيتۋ كەرەك. كاسىپ سالاسىنىڭ شوعىرىن جەتىلدىرىپ، قامداۋ ساپاسىن كۇش سالا جوعارىلاتىپ، قامداۋ مەن قاجەتسىنۋدىڭ تاماشا اينالىمىن ىركىلىسسىزدەندىرىپ، ىشكى سۇرانىستى دامىتۋدىڭ قوزعاۋشى كۇشىن كۇشەيتۋ كەرەك. ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، اۋىل - قىستاق قۇرىلىسى ارەكەتىن اتقارىپ، وڭىرلەردىڭ سايكەستى دامۋىن ىلگەرىلەتىپ، ىشكى سۇرانىستىڭ كومەسكى قۋاتىن جىلدام جارىققا شىعارۋ كەرەك.
ءماجىلىس مىنالاردى باسا دارىپتەدى: مەملەكەتتىڭ، اۆتونوميالى رايوننىڭ ”14 - بەسجىلدىق“ جوبا باعدارناماسىمەن جانە كەلەلى ستراتەگياسىمەن ۇشتاستىرىپ، نازاردى ”8 ءىرى كاسىپ سالاسى شوعىرى“ قۇرىلىسىنا شوعىرلاندىرىپ، ”تىزبەك ۇلگىسىندە“ ساۋداگەر شاقىرۋدى زور كۇشپەن اتقارىپ، شەتەل قارجىسى بويىنشا ساۋداگەر شاقىرۋدى بەلسەنە كەڭەيتۋ كەرەك. ماڭىزدى كورمە تۇعىرلارىنان ويداعىداي پايدالانىپ، ساۋداگەر شاقىرىپ قارجى ەنگىزۋ ۇلگىسىن بايىتىپ، كاسىپ سالاسى ارقىلى شينجياڭعا كومەكتەسۋدىڭ باسىمدىعىن ساۋلەلەندىرىپ، وزىق ولكە، رايون، قالالاردىڭ تاجىريبەلەرىن تولىق ۇيرەنىپ، بىرەگەي شارۋاشىلىق - ساۋدا ورتاسىن تۇلعالاپ، ساۋداگەر شاقىرىپ قارجى ەنگىزۋ ساپاسىن جوعارىلاتۋ كەرەك. ”ءبىرىنشى باسشىنىڭ“ ساۋداگەر شاقىرۋدى يگەرۋ تانىمىن كۇشەيتىپ، ۇدايىلانعان ورنالاستىرۋ مەحانيزمىن ورناتىپ، ساۋداگەر شاقىرىپ قارجى ەنگىزەتىن ءار دارەجەلى كادرلار قوسىنىنا ۇزدىكتەردى تاڭداپ، مىقتىلاردى سەپتەپ، باعالاۋ، ىنتالاندىرۋ مەحانيزمىن كەمەلدەندىرىپ، ساۋداگەر شاقىرىپ قارجى ەنگىزۋ قىزمەتىنىڭ ساپاسىن، ونىمدىلىگىن جوعارىلاتۋ كەرەك. ىشكى - سىرتقى ساۋدانى ءبىر تۇلعالاندىرۋ ءتۇزىمى جۇيەسىن كەمەلدەندىرىپ، تىرەكتى كاسىپورىنداردى جەتىلدىرىپ، سۇيەمەلدەپ، وسىزاماندانعان زات اينالىمى تورابىن جەدەل قۇرىپ، ىشكى - سىرتقى ساۋدانىڭ سيفرلانىپ دامۋ دەڭگەيىن جوعارىلاتۋ كەرەك.
ءماجىلىس تاعى باسقا دا ىستەردى اقىلداستى.
