ما شيڭرۇي جۇڭگو عىلىم اكادەمياسى شينجياڭ بولىمشەسىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
عىلىم - تەحنيكادا جاڭالىق اشۋدىڭ شينجياڭنىڭ جوعارى ساپالى دامۋىنا جەتەكشىلىك ەتۋ رولىن تولىق ساۋلەلەندىرۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 6 - ايدىڭ 2 - كۇنى جۇڭگو عىلىم اكادەمياسى شينجياڭ بولىمشەسىنە كەلىپ، ەكولوگيا جانە جاعراپيا زەرتتەۋ ورنىندا، فيزيكا − حيميا تەحنيكاسىن زەرتتەۋ ورنىندا، ىشكەرىلەي تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىنىڭ جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، عىلىم - تەحنيكادا جاڭالىق اشۋدى اناعۇرلىم كورنەكتى ورىنعا قويىپ، دامۋعا جاڭالىق اشۋ ارقىلى دەم بەرۋ ستراتەگياسىن، شينجياڭدى عىلىم - تەحنيكا ارقىلى گۇلدەندىرۋ ستراتەگياسىن جانە دارىندىلار جاعىندا قۋاتتى رايون قۇرۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋ دەڭگەيىن ۇزدىكسىز جوعارىلاتىپ، شينجياڭنىڭ جوعارى ساپالى دامۋىنا پارمەندى تىرەك ازىرلەپ، مەملەكەتتىڭ ستراتەگيالىق كەلەلى جاعدايىنا اناعۇرلىم ويداعىداي قىزمەت وتەۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
ەكولوگيا جانە جاعراپيا زەرتتەۋ ورنىندا ما شيڭرۇي شينجياڭ جاراتىلىس مۇراجايىن ەكسكۋرسيالاپ، شينجياڭنىڭ جاراتىلىستىق جاعراپياسى، كليمات ەرەكشەلىگى جانە كەن قورى، سۋ جۇيەسىنىڭ تارالۋى سياقتى جاعدايلاردى ۇعىستى. شينجياڭ كەن بايلىعىن زەرتتەۋ ورتالىعىنا بارىپ، عىلمي زەرتتەۋ قىزمەتكەرلەرىمەن ىشكەرىلەي اڭگىمەلەسىپ، ولاردى شينجياڭنىڭ وزگەشە جاعراپيالىق كليماتى، بايلىق ارتىقشىلىعى سياقتى باسىمدىقتارىن تياناق ەتىپ، مەملەكەت دارەجەلى ءتۇيىندى تاجىريبەحانا باسىمدىعىن، رولىن تولىق ساۋلەلەندىرىپ، جاراتىلىستىق بايلىقتاردى اشۋ، قورعاۋ، پايدالانۋ، ەكولوگيالىق قورشاعان ورتانى وڭاۋ جانە قالپىنا كەلتىرۋ، ورگانيزمدەردىڭ الۋان تۇرلىلىگىن قورعاۋ سياقتىلاردى ارقاۋ ەتە وتىرىپ ىشكەرىلەي زەرتتەۋ جۇرگىزىپ، اناعۇرلىم كوپ عىلمي زەرتتەۋ جەتىستىكتەرىمەن شينجياڭنىڭ ەكولوگيالىق قورشاعان ورتاسىن قورعاۋعا جانە ەرەكشەلىككە، باسىمدىققا يە كاسىپ سالالارىنىڭ دامۋىنا دەم بەرۋگە شابىتتاندىردى.
فيزيكا - حيميا تەحنيكاسىن زەرتتەۋ ورنىندا ما شيڭرۇي فۋنكتسيالىق ماتەريالدار، ۇلتتىق ءدارى - دارمەك، ينفورماتسيا تەحنيكاسى سياقتى ءتۇيىندى زەرتتەۋ باعىتىنداعى قىزمەتتەردىڭ اياق الىسىن مۇقيات ۇعىستى، كريستال ماتەريالداردى زەرتتەۋ ورتالىعى مەن كوپ ءتىلدى ينفورماتسيا تەحنيكاسىن زەرتتەۋ كەڭسەسىنە كەلىپ، عىلمي زەرتتەۋ جەتىستىكتەرى، تەحنيكادان پايدالانۋ سياقتىلار جونىندەگى تانىستىرۋدى تىڭداپ، عىلىم - تەحنيكانىڭ الدىڭعى لەگىن جانە ءتۇيىندى سالالارىن كوزدەپ، نازاردى كەلەلى ستراتەگيالىق سۇرانىسقا شوعىرلاندىرىپ، ءبىر توپ عىلمي زەرتتەۋ نىساندارىن دالمە - ءدال جوسپارلاپ، اتقارىپ، شەشۋشى، وزەكتى تەحنيكالاردان قامال الۋدا اناعۇرلىم كوپ جەتىستىكتەرگە قول جەتكىزۋدى ىلگەرىلەتىپ، ينفورماتسيا تەحنيكاسىنىڭ كوپ سالادا كادەگە جاراپ پايدالانىلۋىن كۇشەيتىپ، سيفرلى شينجياڭ قۇرىلىسىنا اناعۇرلىم پارمەندى قامتاماسىزدىق ازىرلەۋ كەرەكتىگىن باسا دارىپتەدى.
ما شيڭرۇي بىلاي دەپ باسا دارىپتەدى: قۋاتتى ەل قۇرىلىسى، ۇلتتىڭ گۇلدەنۋى جاڭا جورىعىندا شينجياڭنىڭ وسىزاماندانۋ قۇرىلىسىن ىلگەرىلەتۋ كۇشتى دە پارمەندى عىلىم - تەحنيكالىق تىرەكتەن ايرىلا المايدى. جۇڭگو عىلىم اكادەمياسى شينجياڭ بولىمشەسىنىڭ مەملەكەتتىڭ ستراتەگيالىق عىلىم - تەحنيكا كۇشىندىك رولىن ءتىپتى دە ويداعىداي ساۋلەلەندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن ارقاۋ ەتىپ، نازاردى مەملەكەتتىڭ كەلەلى ستراتەگيالىق سۇرانىسىنا قىزمەت وتەۋگە شوعىرلاندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىمەن ىشكەرىلەي توعىستىرىپ، عىلىم - تەحنيكادا جاڭالىق اشۋدىڭ جەتەكشىلىك ەتۋ رولىن شىنايى ساۋلەلەندىرىپ، جوعارى ساپالى دامۋعا ورالعى بولىپ وتىرعان ەلەۋلى عىلىم - تەحنيكالىق ماسەلەلەردى شەشۋدى ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا، پارتيا مەن مەملەكەت قىزمەتىنىڭ كەلەلى جاعدايىنا قىزمەت وتەۋگە پارمەندى تىرەك ازىرلەۋىن ءۇمىت ەتەمىن. وڭىرلىك جاڭالىق اشۋ بيىگىن تۇلعالاۋعا دەم بەرىپ، اقىل - پاراسات تىعىز شوعىرلانعان، دارىندىلار توپتالعان، عىلمي زەرتتەۋ بايلىقتارى مول بولۋداي باسىمدىقتى اناعۇرلىم ويداعىداي ساۋلەلەندىرىپ، عىلىم - تەحنيكالىق زەرتتەۋ - اشۋ تەبىنىن ۇزدىكسىز كۇشەيتىپ، ءتۇيىندى تاجىريبەحانا سياقتى جاڭالىق اشۋ تۇعىرى قۇرىلىستارىن ويداعىداي يگەرىپ، اناعۇرلىم كوپ جوعارى ساپالى عىلمي زەرتتەۋ جەتىستىكتەرىن جاراتىپ، شينجياڭنىڭ عىلىم - تەحنيكالىق دەڭگەيىنىڭ تۇلعالىق جاقتان جوعارىلاۋىنا دەم بەرۋ كەرەك. ەكونوميكانىڭ، قوعامنىڭ جوعارى ساپالى دامۋىنا قىزمەت وتەپ، نازاردى شينجياڭنىڭ ”8 ءىرى كاسىپ سالاسى شوعىرى“ سياقتى ءتۇيىندى كاسىپ سالالارىنىڭ دامۋ قاجەتىنە شوعىرلاندىرىپ، مۇناي - تابيعي گاز، كومىر، ستراتەگيالىق كەن بايلىقتارى سياقتىلاردى بارلاۋدى، اشۋدى، پايدالانۋدى توڭىرەكتەي وتىرىپ، شەشۋشى تەحنيكالاردان قامال الۋدا تابىسقا جەتۋدى تەزدەتىپ، ءوندىرۋدىڭ، ۇيرەنۋدىڭ، زەرتتەۋدىڭ ىشكەرىلەي توعىسۋىن جانە جەتىستىكتەردى كادەگە جاراتۋدى جەبەپ، شينجياڭ ەرەكشەلىگىندەگى وسىزاماندانعان كاسىپ سالاسى جۇيەسىن ورناتۋعا اناعۇرلىم ويداعىداي قىزمەت وتەۋ كەرەك. جوعارى دەڭگەيدەگى جاڭالىق اشۋ دارىندىلار قوسىنىن قۇرىپ، اۆتونوميالى رايوننىڭ دارىندىلاردى قولداۋ ساياساتىنان ويداعىداي پايدالانىپ، عىلىم - تەحنيكا دارىندىلارىن ەنگىزۋ، باۋلۋ قىزمەتىن كۇشەيتىپ، جوعارى ساپالى دارىندىلار مەن جوعارى دەڭگەيدەگى جاڭالىق اشۋ ۇجىمدارىنان ءبىر توبىن بايقاپ، تاربيەلەپ، توپتاپ، ءتۇرلى دارىندىلاردىڭ جاڭالىق اشۋ، جاسامپازدىق ومىرشەڭدىك كۇشىن ۇزدىكسىز قاۋلاتۋ كەرەك. شينجياڭ جۇڭگو عىلىم اكادەمياسى شينجياڭ بولىمشەسىنىڭ قىزمەت ورىستەتۋىن بار كۇشپەن قولداپ، ساياساتتىق شابىتتاندىرۋدى، جەتەكتەۋدى كۇشەيتىپ، اكادەميا مەن جەرگىلىكتى ورىننىڭ سەلبەستىك مەحانيزمىن اقاۋسىزداندىرىپ، قيىنشىلىقتار مەن ماسەلەلەردى دەر كەزىندە شەشىپ، قىزمەت وتەۋ، قامتاماسىز ەتۋ تەبىنىن كۇشەيتىپ، عىلىم - تەحنيكادا جاڭالىق اشۋعا ءتيىمدى تاماشا ورتانى قۇلشىنا جاراتىپ، جۇڭگو عىلىم اكادەمياسى شينجياڭ بولىمشەسىنىڭ جوعارى ساپالى دامۋعا قىزمەت وتەۋ بارىسىندا اناعۇرلىم زور رول ساۋلەلەندىرۋىن ىلگەرىلەتەدى.
قادەن كابەن قاتارلىلار تەكسەرۋ - زەرتتەۋگە قاتىناستى.
