جۇڭحۋا ۇلتىنىڭ وسى زامانعى وركەنيەتىن قۇلشىنا كوركەيتەيىك
− باس شۋجي شي جينپيڭنىڭ مادەنيەتتى جالعاستىرۋ، دامىتۋ اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”جاڭا باستامادا مادەنيەتتى گۇلدەندىرۋدى، مادەنيەتتە قۋاتتى ەل قۇرۋدى، جۇڭحۋا ۇلتىنىڭ وسى زامانعى وركەنيەتىن كوركەيتۋدى ۇزدىكسىز ىلگەرىلەتۋ − ءبىزدىڭ جاڭا داۋىردەگى جاڭا مادەنيەت بورىشىمىز“. 6 - ايدىڭ 2 - كۇنى باس شۋجي شي جينپيڭ بەيجيڭدە مادەنيەتتى جالعاستىرۋ، دامىتۋ اڭگىمە ماجىلىسىنە قاتىناستى ءارى ماڭىزدى ءسوز سويلەپ، پارتيا مەن مەملەكەت ىستەرىنىڭ دامۋ جالپى جاعدايى ستراتەگيالىق تۇرعىسىنان جۇڭحۋا مادەنيەتىن جالعاستىرۋ، دامىتۋ جونىندەگى ءبىر قىدىرۋ كەلەلى نازاريالىق جانە رەال ماسەلەلەرگە جان - جاقتىلى، جۇيەلى، تەرەڭ بايىمداۋ جاسادى. باس شۋجي شي جينپيڭنىڭ ماڭىزدى ءسوزى وتە كۇشتى ساياسي سيپاتقا، يدەيالىق سيپاتقا، ستراتەگيالىق سيپاتقا، جەتەكشىلىك سيپاتقا يە بولىپ، مادەنيەت جاعىندا وزىنە سەنۋدى، ءوزىن الۋەتتەندىرۋدى بەكەمدەپ، جاڭا داۋىردەگى جاڭا مادەنيەت بورىشىن اناعۇرلىم ويداعىداي ارقالاپ، جۇڭحۋا ۇلتىنىڭ وسى زامانعى وركەنيەتىن جانە سوتسياليستىك مادەنيەتتە قۋاتتى ەل قۇرىلىسىن تىڭعىلىقتى ىلگەرىلەتۋ ءۇشىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
مادەنيەت كوركەيسە، مەملەكەت كوركەيەدى، مادەنيەت كۇشەيسە، ۇلت كۇشەيەدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزمنىڭ يدەولوگيا سالاسىنداعى جەتەكشىلىك ورنىنا تاباندى بولىپ، مادەنيەت قۇرىلىسىن جالپى جاعداي قىزمەتىندە ماڭىزدى ورىنعا قويىپ، جۇڭحۋا مادەنيەتى تۇرعىسىنا تاباندى بولىپ، جۇڭحۋا مادەنيەتىنىڭ گەنىن جالعاستىرىپ، سوتسياليستىك وزەكتى قۇن كوزقاراسى ارقىلى مادەنيەت قۇرىلىسىنا جەتەكشىلىك ەتۋگە تاباندى بولىپ، تۋراشىلدىقتان اينىماي جاڭالىق اشۋ بارىسىندا جۇڭحۋا مادەنيەتىنىڭ جاڭا بەينەسىن قالىپتاستىرىپ، جۇڭحۋا وركەنيەتىنىڭ جاڭا ومىرشەڭدىك كۇشىن تاسقىنداتىپ، جاڭا داۋىردە جۇڭگوشا سوتسياليزمگە تاباندى بولۋعا جانە ونى دامىتۋعا، پارتيا مەن مەملەكەت ىستەرىندە شىت جاڭا جاعداي اشۋعا قۋاتتى وڭ ەنەرگيا ازىرلەدى. بۇگىنگى تاڭدا جۇڭحۋانىڭ تاڭداۋلى ءداستۇرلى مادەنيەتى جاسامپازدىقپەن كادەگە جاراتىلىپ، جاڭالىق اشا دامىتىلىپ، جۇڭحۋا مادەنيەتى جاڭا ءداۋىر شۇعىلاسىن شاشىپ، جاڭا جالىندى ومىرشەڭدىك كۇشىن ايگىلەپ، جۇڭحۋا وركەنيەتىنىڭ ىقپالى مەن باۋراۋ قۋاتى كورنەكتى جوعارىلاپ، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى كورنەكتى كۇشەيىپ، رۋحاني بەت - بەينەسى اناعۇرلىم ارىنداپ، بۇرىن بولماعان تاريحي ىرىقتىلىق رۋحىن، تاريحي جاسامپازدىق رۋحىن تاسقىنداتىپ، مىعىم سەنىممەن جاڭا داۋىردەگى جۇڭگونىڭ دامۋىنىڭ ۇلى تاريحىن جازۋدا.
جاڭا داۋىردەگى ەلىمىزدىڭ مادەنيەت قۇرىلىسىندا تاريحي تابىستارعا قول جەتىپ، تاريحي وزگەرىستەر جارىققا شىعۋدا، بۇل، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە، رول ۇستاپ، جول باستاۋىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ بولعاندىعىندا. پارتيا مەن حالىققا باسشىلىق ەتىپ، ەل باسقارۋدى ىلگەرىلەتۋ امالياتى بارىسىندا باس شۋجي شي جينپيڭ دۇنيە ءجۇزى كولەمىندەگى يدەيا مەن مادەنيەتتىڭ ءوزارا تولقۋ جاعدايىن، ەلىمىز قوعامىنىڭ يدەيالىق كوزقاراسىندا تەرەڭ وزگەرىس بولۋ بەتالىسىن دۇرىس يگەرىپ، مادەنيەت قۇرىلىسىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، ءبىر قىدىرۋ جاڭا يدەيا، جاڭا كوزقاراس، جاڭا تۇجىرىمداردى العا قويدى. ”يدەولوگيا قىزمەتى − مەملەكەت ءۇشىن سەنىم ورناتىپ، ۇلت ءۇشىن رۋح سومدايتىن قىزمەت“ دەگەندى باسا دارىپتەپ، مادەنيەت سەنىمى − ”اسا نەگىزدىك، اسا كەڭ كولەمدى، اسا تەرەڭ سەنىم“، ”ءبىر مەملەكەتتىڭ، ءبىر ۇلتتىڭ دامۋىنداعى ەڭ نەگىزگى، ەڭ مايەكتى، ەڭ ۇزاققا جالعاساتىن كۇش“دەگەندى العا قويدى، ”وسكەلەڭ مادەنيەت سەنىمى بولمايىنشا، مادەنيەتتىڭ گۇلدەنىپ - كوركەيۋى بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس“ دەپ اتاپ كورسەتتى... باس شۋجي شي جينپيڭنىڭ مادەنيەت قۇرىلىسى جونىندەگى جاڭا يدەياسى، جاڭا كوزقاراسى، جاڭا تۇجىرىمى جاڭا داۋىردەگى پارتيانىڭ مادەنيەت قۇرىلىسىنا باسشىلىق ەتۋدەگى امالياتتىق تاجىريبەلەرىنىڭ نازاريالىق قورىتىندىسى، ۇگىت، يدەيا، مادەنيەت قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى، ونى، ءسوز جوق، ۇزاق ۋاقىت تاباندىلىقپەن دايەكتىلەندىرۋ، ۇزدىكسىز بايىتۋ، دامىتۋ كەرەك. ءبىز ىشكەرىلەي ۇيرەنىپ، ءتۇسىنىپ، ۇيرەنگەندى قولدانا بىلۋگە تاباندى بولىپ، ۇيرەنۋدى، وي جۇگىرتۋدى، قولدانۋدى ساباقتاستىرۋىمىز، تانىمدى، سەنىمدى، ارەكەتتى بىرلىككە كەلتىرۋىمىز كەرەك.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن جاساپ، ”مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ“ توڭىرەگىندە كەلەلى ورنالاستىرۋ جاسادى. جۇڭگو ۇلگىسىندەگى وسىزامانداندىرۋ ماتەريالدىق وركەنيەت پەن رۋحاني وركەنيەت ءوزارا سايكەسكەن وسىزاماندانۋ ەكەنىن، جۇڭحۋانىڭ تاڭداۋلى ءداستۇرلى مادەنيەتىنە تەرەڭ تامىر تارتقانىن، شىت جاڭا ادامزات وركەنيەتى فورماتسياسى ەكەنىن، ءسوز جوق، جەتە تانۋ كەرەك. مادەنيەتتى گۇلدەندىرۋدى، مادەنيەتتە قۋاتتى ەل قۇرۋدى، جۇڭحۋا ۇلتىنىڭ وسى زامانعى وركەنيەتىن كوركەيتۋدى ۇزدىكسىز ىلگەرىلەتكەندە عانا، حالىقتىڭ كۇن سايىن ارتىپ وتىرعان رۋحاني مادەنيەت قاجەتىن ۇزدىكسىز قاناعاتتاندىرىپ، زاتتىق بايلىقتىڭ جان - جاقتىلى مولايۋى مەن ادامنىڭ جان - جاقتىلى دامۋىن جەبەپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتۋگە بولادى. كەزەكتە ەلىمىزدىڭ دامۋى ستراتەگيالىق وراي مەن حاۋىپ - قاتەر، سايىستار قاتار ءومىر سۇرگەن، ايقىنسىز، مەجەلەۋ قيىن فاكتورلار كوبەيگەن داۋىرگە قادام تاستادى، ءسوز جوق، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ساقاداي ساي تۇرۋىمىز كەرەك. مادەنيەت جاعىندا وزىنە سەنۋدى، ءوزىن الۋەتتەندىرۋدى بەكەمدەپ، جاڭا مادەنيەت بورىشىن ارقالاپ، تاريحي مادەنيەت تامىرلاستىعىن جالعاستىرىپ، قازىرگى زاماننىڭ تارتىمدى تاراۋىن جازعاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ رۋحاني كۇشىن ۇزدىكسىز نىعايتۋعا بولادى.
باس شۋجي شي جينپيڭ بىلاي دەپ باسا دارىپتەدى: ”مادەنيەت سەنىمىن بەكەمدەپ، بورىش ارقالاپ، قايراتتانا ءىس تىندىرىپ، ءبىزدىڭ وسى داۋىرگە ءتان جاڭا مادەنيەتتى بىرگە قۇلشىنا جاراتىپ، جۇڭحۋا ۇلتىنىڭ وسى زامانعى وركەنيەتىن كوركەيتۋىمىز كەرەك“. جاڭا بورىش ارقالاپ، جاڭا ساپاردا ەكپىندەي العا تارتۋ ءۇشىن، ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا 20 - قۇرىلتايىنىڭ ۇگىت، يدەيا، مادەنيەت قىزمەتى جونىندەگى ءتۇرلى ستراتەگيالىق ورنالاستىرۋلارىن جاپپاي تياناقتاندىرىپ، اناعۇرلىم بەرىك سەنىممەن، اناعۇرلىم ناقتى ستيلمەن، اناعۇرلىم پارمەندى شارالارمەن جۇڭحۋا ۇلتىنىڭ وسى زامانعى وركەنيەتىن جانە سوتسياليستىك مادەنيەتتە قۋاتتى ەل قۇرىلىسىن تىڭعىلىقتى ىلگەرىلەتۋىمىز كەرەك. مادەنيەت سەنىمىن بەكەمدەپ، جۇڭگوشا سوتسياليستىك مادەنيەتتىڭ دامۋ جولىنا تاباندى بولىپ، جۇڭحۋا وركەنيەتىنىڭ كورنەكتى ۇلاسپالىلىعىن، كورنەكتى جاڭالىق اشۋ سيپاتىن، كورنەكتى ءبىر تۇتاستىعىن، كورنەكتى سيىسىمدىلىعىن، كورنەكتى بەيبىتشىلىك سيپاتىن تەرەڭ تانىپ، جۇڭحۋا ۇلتىنىڭ ۇلى تاريحي امالياتى مەن وسى زامانعى امالياتىن تياناق ەتىپ، جۇڭگو قاعيداسى ارقىلى جۇڭگونىڭ تاجىريبەلەرىن ويداعىداي قورىتىندىلاپ، جۇڭگو تاجىريبەسىن جۇڭگو نازارياسى دەڭگەيىنە كوتەرۋ كەرەك. مادەنيەت سانالىلىعىن كۇشەيتىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدىڭ كەلەلى ءمانىن تەرەڭ ءتۇسىنىپ، تۋدى بيىك ۇستاۋدى، حالىق تىلەگىن توعىستىرۋدى، جاڭا ادام تاربيەلەۋدى، مادەنيەتتى وركەندەتۋدى، وبرازدى ايگىلەۋدى ارقاۋ ەتە وتىرىپ، مادەنيەت جاعىندا قۋاتتى سوتسياليستىك مەملەكەت قۇرىپ، وسىزاماندانۋعا بەت العان، دۇنيە جۇزىنە بەت العان، بولاشاققا بەت العان، ۇلتتىق، عىلمي، بۇقارالىق سوتسياليستىك مادەنيەتتى دامىتىپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپال كۇشىن ۇزدىكسىز جوعارىلاتۋ كەرەك.
زامانىمىزداعى جۇڭگونىڭ تاۋ - وزەندەرى ايبىندى، حالىق ارىندى، بولاشاعى نۇرلى. جۇڭحۋا ۇلتىنىڭ 5000 جىلدان استام ۇزاق ۋاقىتتىق كۇرەس جاساۋ ارقىلى توپتاعان مادەنيەت ءنارىن قابىلداۋدامىز، ءبىز ءوز جولىمىزبەن جۇرۋگە تاباندى بولۋدا شەكسىز كەڭ داۋىرلىك ساحناعا، شەكسىز تەرەڭ تاريحي نەگىزگە، شەكسىز قۇدىرەتتى العا باسۋ قوزعاۋشى كۇشىنە يەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۋاقىتپەن جارىساتىن، قايراتتانا ءىس تىندىراتىن كۇرەسكەرلىك بەينەمەن جاڭا مادەنيەت بورىشىن اناعۇرلىم ويداعىداي ارقالاپ، تۋراشىلدىقتان اينىماي جاڭالىق اشۋدىڭ ادىلدىگى مەن ارىنى ارقىلى جۇڭحۋا ۇلتىنىڭ وسى زامانعى وركەنيەتىن قۇلشىنا كوركەيتىپ، جۇڭحۋا مادەنيەتىنىڭ جاڭا جەتىستىكتەرىن ۇزدىكسىز سومداپ، ۇلتتىڭ گۇلدەنۋىنىڭ جاڭا تاراۋىن جازايىق.
(شينحۋا اگەنتتىگىنىڭ 6 - ايدىڭ 4 - كۇنى بەيجيڭنەن بەرگەن حابارى)
