شىنجوۋ 15 - ءنومىرلى عارىشكەرلى الەم كەمەسىنىڭ قايتا ورالۋ بولمەسى جەرگە ءساتتى قوندى
شىنجوۋ 15 - ءنومىرلى عارىشكەرلى الەم كەمەسىنىڭ ۇشۋ مىندەتى تولىق تابىىستى بولدى
شينحۋا اگەنتتىگىنىڭ 6 - ايدىڭ 4 - كۇنى جيۋچۋاننان بەرگەن حابارى. 6 - ايدىڭ 4 - كۇنى ساعات 6دان 33 مينۋت وتكەندە، شىنجوۋ 15 - ءنومىرلى عارىشكەرلى الەم كەمەسىنىڭ قايتا ورالۋ بولمەسى دۇڭفىڭ قونۋ الاڭىنا ءساتتى قوندى، عارىشكەرلەر في جۇنلۇڭ، دىڭ چيڭميڭ، جاڭ لۋ بارلىعى بولمەدەن امان - ەسەن ءساتتى شىعىپ، شىنجوۋ 15 - ءنومىرلى عارىشكەرلى الەم كەمەسىنىڭ ۇشۋ مىندەتى تولىق تابىستى بولدى.
جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ تانىستىرۋىنا قاراعاندا، ساعات 5تەن 42 مينۋت وتكەندە ۇشۋ ءتارتىبى بويىنشا شىنجوۋ 15 - ءنومىرلى عارىشكەرلى الەم كەمەسىنىڭ وربيتا بولمەسى مەن قايتا ورالۋ بولمەسى ءساتتى اجىراعان. وسىدان كەيىن الەم كەمەسىنىڭ قايتا ورالۋ تورموزداۋ موتورى وتالىپ، قايتا ورالۋ بولمەسى مەن جىلجىتۋ بولمەسى اجىراپ، قايتا ورالۋ بولمەسى جەرگە ءساتتى قونعان، ىزدەستىرۋ - قۇتقارۋ، قايتارىپ اكەلۋ مىندەتىنە جاۋاپتى ىزدەستىرۋ - قۇتقارۋ بولىمشە اترەتى نىسانانى دەر كەزىندە بايقاعان ءارى جەرگە قونۋ ورنىنا جەتكەن. قايتا ورالۋ بولمەسىنىڭ ەسىگى اشىلعاننان كەيىن مەديتسينالىق باقىلاۋ، مەديتسيانالىق كۇتىمدەۋ قىزمەتكەرلەرى عارىشكەرلەردىڭ دەنساۋلىعىنىڭ جاقسى ەكەندىگىن تۇراقتاندىرعان.
شىنجوۋ 15 - ءنومىرلى عارىشكەرلى الەم كەمەسى 2022 - جىلى 11 - ايدىڭ 29 - كۇنى جيۋچۋان جاساندى سەرىك ۇشىرۋ ورتالىعىنان كەڭىستىككە كوتەرىلىپ، ىلە - شالا تيانحى وزەكتى بولمەسىمەن ءتۇيىلىسىپ قۇراما تۇلعا قالىپتاستىردى. 3 عارىشكەر وربيتادا ايالداعان مەزگىلدە قىرۋار كەڭىستىك عىلمي تاجىريبەسىن (سىناق) ىستەپ، 4 رەت بولمەدەن شىعىپ قيمىل جۇرگىزىپ، بولمە سىرتىندا كەڭەيتكىش ناسوس قۇراماسىن ورناتۋ، بولمە اتتاپ كابەل ورناتىپ جالعاۋ، بولمە سىرتىندا كوتەرىمدىلىك اشىق تۇعىرىنىڭ تىرەۋىشىن ورناتۋ سياقتى مىندەتتەردى تولىق تابىسپەن ورىنداپ، كەڭىستىك بەكەتىمەن سايكەسىپ ءبىرقانشا رەت زاتتاردى بولمەدەن شىعارۋ مىندەتىن ورىنداپ، كەيىنگى كەزدەگى بولمە سىرتىندا زور كولەمدى عىلمي جانە تەحنيكالىق تاجىريبەلەردى ورىستەتۋگە نەگىز قالادى.
قازىرگە دەيىن مىندەت وتەۋ كەزىندەگى ورتاشا جاس شاماسى ەڭ ۇلكەن عارىشكەرلەر توبى رەتىندە 3 عارىشكەر جۇڭگو عارىشكەرلەرىنىڭ جەكە توپ بولىپ بولمەدەن شىعىپ قيمىل جۇرگىزۋ سانى رەكوردىن جاڭالاۋمەن بىرگە، جۇڭگو كەڭىستىك بەكەتىنىڭ تولىق قۇرىلىپ بولعان تاريحي ساتىنە كۋا بولدى.
(تىلشىلەر لي گولي، لي يۇن، حۋاڭ يچىن)
