اراب ەلدەرى وداعىنىڭ ۋاكىلدەر ۇيىرمەسى مىنالاردى ءبىلدىردى −
”ورنىقتى، گۇلدەنگەن شينجياڭنىڭ دامۋ كومەسكى كۇشى شەكسىز“
انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 6 - ايدىڭ 2 - كۇنى ۇرىمجىدەن حابارلايدى. 6 - ايدىڭ 1 - كۇنى اراب ەلدەرى وداعىنىڭ ۋاكىلدەر ۇيىرمەسى قاشقاردان اتتانىپ، ءۇرىمجى قالاسىنا جەتىپ، 2 كۇندىك ەكسكۋرسيالاۋ، ساپارلاۋ قيمىلىن ورىستەتتى.
6 - ايدىڭ 1 - كۇنى تۇستەن كەيىن ۋاكىلدەر ۇيىرمەسى شينجياڭ حالىقارالىق ءماجىلىس - كورمە ورتالىعىنا بارىپ، ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى. سۋرەت، بەينەجازبا جانە ناقتى زاتتار كورمەسى سياقتىلار ارقىلى ۋاكىلدەر ۇيىرمەسىنىڭ مۇشەلەرى جۇڭگونىڭ شينجياڭىنىڭ لاڭكەستىككە قارسى تۇرۋ جانە ۇشقارىلىقتى الاستاۋ جاعدايىن ۇعىسىپ، جۇڭگونىڭ شينجياڭىنىڭ لاڭكەستىك پەن ۇشقارىلىققا سوققى بەرۋدە كورسەتكەن قۇلشىنىستارىن قولدايتىندىقتارىن ءبىلدىردى.
ليۆيا ۇلتتىق بىرلىك ۇكىمەتى سىرتقى ىستەر مينيسترلىگى ازيا − اۆستراليا مەكەمەسىنىڭ باستىعى ءالحاسان راپيح بىلاي دەدى: جۇڭگونىڭ شينجياڭى لاڭكەستىككە قارسى تۇرۋ جانە ۇشقارىلىقتى الاستاۋ جاعىندا كورنەكتى ونىمدىلىككە قول جەتكىزىپ، ەكونوميكانىڭ، قوعامنىڭ گۇلدەنۋىن، دامۋىن جۇزەگە اسىردى، ۇلتتار جاراسىمدى بىرگە جاسادى. لاڭكەستىك، ۇشقارىلىق − ادامزات قوعامىنىڭ ورتاق جاۋى، جۇڭگونى قامتىعان ءار ەلمەن سەلبەستىكتى كۇشەيتىپ، لاڭكەستىك پەن ۇشقارىلىقتىڭ حاۋپىنە قول ۇستاسا توتەپ بەرۋدى ءۇمىت ەتەمىن.
شينجياڭ ءىسلام ءدىنى شۋەيۋانىندا ۋاكىلدەر ۇيىرمەسىندەگىلەر ءدىن شۋەيۋانىنىڭ كىتاپحاناسى، وقىتۋ عيماراتى، وقۋشىلار اسحاناسى سياقتىلاردى ەكسكۋرسيالادى ءارى شينجياڭ ءىسلام ءدىنى شۋەيۋانىنىڭ باستىعىمەن قاتىستى ءدىني وقىتۋشى - قىزمەتكەرلەردى باۋلۋ سياقتى ماسەلەلەر جونىندە ىشكەرىلەي پىكىر اۋىستىردى. ولار بىلاي دەپ قارادى: شينجياڭ ءدىني سەنىم ەركىندىگىن تولىق قامتاماسىز ەتىپ، ءدىني دارىندىلاردى باۋلۋعا ايرىقشا ءمان بەرىپتى، وسى رەتكى ەكسكۋرسيالاۋىمىزدىڭ، ساپارىمىزدىڭ ءمانى زور بولدى، ناعىز شينجياڭدى كوردىك.
جۇڭگو تەمىر جول قۇرىلىسى اۋىر ونەركاسىبى شينجياڭ شەكتى سەرىكتەستىگىندە ۋاكىلدەر ۇيىرمەسىندەگىلەر قىزمەتكەردىڭ تانىستىرۋىن مۇقيات تىڭداپ، ءىرى تۇرپاتتى ماقتا تەرۋ ماشيناسىنىڭ ءوندىرىلۋ، قۇراستىرىلۋ بارىسىن ىشكەرىلەي ۇعىستى. سەحقا كىرگەندە ءىرى - ءىرى ماقتا تەرۋ ماشينالارى ۋاكىلدەر ۇيىرمەسىندەگىلەردىڭ نازارىن اۋداردى، كوپشىلىك جاپا - تارماعاي ەستەلىك سۋرەت ءتۇسىرىپ، جۇڭگونىڭ عىلىم - تەحنيكا كۇشىن القادى.
ءۇرىمجى حالىقارالىق قۇرلىقتىق پورت اۋماعىندا ۋاكىلدەر ۇيىرمەسى جۇڭگو − ەۆروپا كەزەكشى پويەزدەرىنىڭ فۋنكتسيالىق اۋماقتارىنىڭ جانە شينجياڭداعى ءارقايسى ۇلكەن شەكارا وتكەلدەرىنىڭ جۇمىس جۇرگىزۋ جاعدايىن سول جەردىڭ وزىندە كورىپ، جۇڭگونىڭ شينجياڭىنىڭ سىرتقا ەسىك اشۋ جەتىستىكتەرىنە جوعارى باعا بەردى.
”ءبىز جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭنىڭ ەكونوميكالىق دامۋىنىڭ سەرپىندى ريتىمىن تولىق سەزىندىك“. سيريا ەكونوميكا جانە سىرتقى ساۋدا مينيسترلىگى حالىقارالىق ەكونوميكالىق سەلبەستىك مەكەمەسىنىڭ باستىعى اناس البۇكاي مىنانى ءبىلدىردى: ”شينجياڭنىڭ بولاشاقتاعى دامۋ كومەسكى كۇشى شەكسىز، ساۋدا، عىلىم - تەحنيكا، مادەنيەت سياقتى كوپ سالادا سەلبەستىك ورىستەتىپ، ءوزارا تيىمدىلىك جاساۋدى، ءوزارا پايدا جەتكىزۋدى جۇزەگە اسىرۋدى ءۇمىت ەتەمىن“.
