انار بۇلت \ شينجياڭ گازەتىنىڭ ءتىلشىسى جاۋ شييا 6 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىمىزشا، اۆتونوميالى رايونىمىزدىڭ 2023 - جىلعى ادەتتەگى جوعارى مەكتەپ ەمتيحانى 6 - ايدىڭ 7 - كۇنىنەن 9 - كۇنىنە دەيىن وتكىزىلەدى ەكەن. رايونىمىزدان بيىل جوعارى مەكتەپ ەمتيحانىنا تىزىمدەلگەن وقۋشىلار سانى 226 مىڭ 900 ادام بولىپ، تاعى دا تاريحتاعى ەڭ جاڭا دەڭگەيگە جەتكەن. تۇتاس رايوندا 25 قالادا، 69 اۋداندا (رايون) جالپى 94 ەمتيحان رايونى، 231 ەمتيحان ءتۇيىنى (بۇدان سىرت 107 ەمتيحان ءتۇيىنى زاپاس دايىندالدى)، 8144 ەمتيحان الاڭى (بۇدان سىرت 715 ەمتيحان الاڭى زاپاس دايىندالدى) ورنالاستىرىلعان. 29 مىڭ 100 ەمتيحان ىستەرى قىزمەتكەرى اۆتونوميالى رايون ۇيىمداستىرعان باۋلۋعا قاتىناسىپ، تۇگەلدەي سىناقتان ءوتىپ، ولشەمگە جەتتى، جوعارى مەكتەپ ەمتيحانىنىڭ ءتۇرلى دايىندىق قىزمەتتەرى ورىندالىپ بولعان.
بيىلعى ەمتيحان بۇكىل ەل بويىنشا جاڭا تيپتى ايدارشا ۆيرۋسپەن جۇعىمدالۋعا ساياتىن ”B تۇردەگى B باسقارۋ“ جاڭا ساياساتىنىڭ اتقارىلۋ جاعدايىندا وتكەن تۇڭعىش رەتكى جوعارى مەكتەپ ەمتيحانى، وقۋ - اعارتۋ تاراۋلارى كەزەكتەگى ىندەتتەن ساقتانۋ - تىزگىندەۋدىڭ قاتىستى تالاپتارى بويىنشا كوپ ءتۇرلى توتەپ بەرۋ جوباسىن ەگجەي - تەگجەيلى جاساپ، جەتكىلىكتى زاپاس ەمتيحان الاڭىن دايىنداپ، قالىڭ وقۋشىلاردىڭ ەمتيحانعا سالاماتتى تۇردە قاتىناسۋىنا كەپىلدىك ەتتى، وقۋشىلار مەن اتا - انالار ەمتيحان كەزىندە جايلى كوڭىل كۇيدى ساقتاۋى كەرەك، اسىرەسە، اتا - انالار ەمتيحانعا قاتىناسقان وقۋشىلارمەن شىن پەيىلمەن، تەرەزەسى تەڭ تۇرعىدا پىكىرلەسىپ، ەمتيحانعا قاتىناسقان وقۋشىلارعا جاقسى كوڭىل كۇي قۇندىلىعىن سيلاۋى كەرەك. وقۋ - اعارتۋ تاراۋلارى مەكتەپتەردىڭ وقۋشىلارعا كوڭىل ءبولۋدى، قامقورلىق جاساۋدى كۇشەيتۋىنە بەلسەندىلىكپەن جەتەكشىلىك ىستەپ، ەمتيحانعا قاتىناسقان وقۋشىلارعا پسيحولوگيالىق اقىل - كەڭەس بەرىپ، ولاردىڭ ابىرجىعان كوڭىل كۇيىن ساباسىنا تۇسىرەدى. سونىمەن بىرگە جەر - جەر رەسمي سايتتان، رەسمي ۋيشيننان پايدالانىپ، ەمتيحان الۋ، وقۋشى قابىلداۋ ساياساتىن ءتۇسىندىرۋدى جان - جاقتى كۇشەيتىپ، وقۋشىلاردى جانە اتا - انالاردى وقۋشى قابىلداۋداعى جالعان ينفورماتسيالاردان، ۇگىتتەردەن ساقتانۋ تانىمىن ورناتۋعا جەتەكتەيدى.
جوعارى مەكتەپ ەمتيحانىنىڭ الدى - ارتىندا ءار دارەجەلى وقۋ - اعارتۋ تاراۋلارى قوعام حاۋىپسىزدىگى، ينتەرنەت ينفورماتسياسى، ونەركاسىپ جانە ينفورماتسيالاندىرۋ، قاتىناس، قورشاعان ورتانى قورعاۋ، دەنساۋلىق ساقتاۋ، سالاماتتىق سياقتى تاراۋلارمەن بىرگە ”جوعارى مەكتەپ ەمتيحانىن قورعاۋ ارەكەتىن“ جالپى بەتتىك ورىستەتىپ، ەمتيحان ءتۇيىنى ماڭى ورتاسىن ءتۇيىندى تازالاپ، ورتانى بىلعايتىن، قۇرىلىس ورنىنداعى ۋ - شۋ سياقتى ەمتيحانعا ىقپال جاسايتىن ماسەلەلەردى جونگە سالىپ، ەمتيحانعا قاتىستى زاڭعا قايشى قىلمىستىق ارەكەتتەرگە قاتاڭ سوققى بەرىپ، ەمتيحان مايدانىنا اقىسىز جەتكىزۋ، جانعا جىلۋ بەرەتىن ەمتيحان سياقتى قيمىلداردى ۇيىمداستىرىپ، تازا، تىنىش، جانعا جايلى، حاۋىپسىز ەمتيحان ورتاسىن دايىنداۋعا كۇش سالىپ، قالىڭ وقۋشىلاردىڭ ەمتيحانعا قاتىناسۋ جولىنىڭ تىنىش، ىركىلىسسىز بولۋىن ەڭ جوعارى شەكتە قامتاماسىز ەتەدى.
