6 - ايدىڭ 5 - كۇنى شىڭگىل اۋدانى اقدالا سۋارمالى رايونىنداعى شىڭگىل اۋدانى رۇنمۋيۋان ٴشوپ شارۋاشىلىعى شەكتى سەرىكتەستىگىنىڭ 15 مىڭ مۋلىق جوعارى ساپالى جوڭىشقا ەگىمشىلىگى بازاسىندا، عىلىم - تەحنيكالىق قامتىمى كۇشتى، وزدىگىنەن جۇرەتىن بۇركىپ سۋارۋ ماشيناسى قاربالاس جۇمىس ىستەپ، ايبىندى كورىنىس قالىپتاستىردى.
ۇعىسۋعا قاراعاندا، بۇل شىڭگىل اۋدانىنىڭ تۇڭعىش رەت ٴوزى جۇرەتىن بۇركىپ سۋارۋ ماشيناسىن قولدانۋى ەكەن. ونىڭ سىرتقى ٴپىشىنى ۇلكەن بولىپ قالماستان، پايدالانۋ ونىمدىلىگى دە وتە جوعارى ەكەن. بيىل پايدالانۋعا بەرىلگەننەن كەيىن، %30 سۋ ۇنەمدەلىپ قالماستان، جوڭىشقانىڭ كوكتەۋ مولشەرى دە بۇرىنعى جىلدارداعىدان %30 - %40 ارتقان.
شىڭگىل اۋدانى رۇنمۋيۋان ٴشوپ شارۋاشىلىعى شەكتى سەرىكتەستىگى 2022 ـ جىلى ساۋداگەر شاقىرۋ جولىمەن كەلىپ قىستاققا ىرگە تەپكەن كاسىپورىنداردىڭ ٴبىرى، بۇل سەرىكتەستىك ۇزاق ۋاقىت ٴشوپ ەگۋ، مانەرلەۋ كاسىبىمەن شۇعىلدانعان، وسى رەت شىڭگىل اۋدانىنا 15 ميلليون يۋان قارجى قوسىپ، جوعارى ساپالى جوڭىشقا ەكتى، بيىل سۇلى مەن جوڭىشقانى كىرىستىرىپ ەگۋ ءتاسىلىن قولدانىپ وتىر. .
شىڭگىل اۋدانى رۇنمۋيۋان ٴشوپ شارۋاشىلىعى شەكتى سەرىكتەستىگىنىڭ جاۋاپتىسى لۋ يۇيدۇڭ بىلاي دەدى: ”ٴوزى جۇرەتىن بۇركىپ سۋارۋ ماشيناسى التاي ايماعىندا ٴبىرشاما سيرەك كەزدەسەدى، بيىل تۇڭعىش رەت جوڭىشقا ەگۋىمىز، ٴبىرشاما ٴساتتى بولدى، قازىر مايسانىڭ كوكتەۋ مولشەرىنە ٴبارىمىز ٴدان ريزامىز“.
اۋىل شارۋاشىلىق ماشينالارى ماماندارى ٴوزى جۇرەتىن بۇركىپ سۋارۋ ماشيناسىنىڭ پارامەترىن رەتتەسە بولعانى، ادامسىز سۋارۋدى دالمە ـ ٴدال جۇزەگە اسىرا الادى. ءوزى جۇرەتىن بۇركىپ سۋارۋ ماشيناسىنىڭ كەڭ كولەمدى جالپىلاسۋى شىڭگىل اۋدانىنىڭ عىلىم - تەحنيكا ارقىلى مال شارۋاشىلىعىن گۇلدەندىرۋىن تاعى ٴبىر قادام العا باستىردى. (شىڭگىل اۋداندىق توعىسپالى مەديا ورتالىعىنىڭ ٴتىلشىسى ەركىن، ساۋ فىڭشيا، ايتبەك)
