انار بۇلت \ شينجياڭ گازەتىنىڭ ءتىلشىسى جاۋ شييا 6 - ايدىڭ 7 - كۇنى ۇرىمجىدەن حابارلايدى. 6 - ايدىڭ 7 - كۇنى 2023 - جىلعى ادەتتەگى جوعارى مەكتەپتەرگە وقۋشى قابىلداۋ مەملەكەتتىك ءبىر تۇتاس ەمتيحانى رەسمي باستالدى، شينجياڭدا 226 مىڭ 900 وقۋشى ەمتيحان مايدانىنا بارىپ، جاستىق ورالدارىنىڭ جاۋاپناماسىن جازدى.
سول كۇنى اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ، اۆتونوميالى رايوننىڭ ورىنباسار ءتوراعاسى قايسار ابدىكەرىم اۆتونوميالى رايوننىڭ مەملەكەتتىك وقۋ - اعارتۋ ەمتيحانى ەمتيحان ىستەرىنە قولباسشىلىق ەتۋ ورتالىعىندا جوعارى مەكتەپ ەمتيحانىنىڭ ءارقايسى ەمتيحان رايوندارىن بەينە ەكراندا شارلاپ تەكسەرىپ، جەتەكشىلىك ەتتى. اۆتونوميالى رايوننىڭ مەملەكەتتىك وقۋ - اعارتۋ ءبىر تۇتاس ەمتيحانى ورتاسىن جالپىلىق رەتتەۋ، جونگە سالۋ بىرلەسكەن ماجىلىسىنە جانە توسىن وقيعالاردى شۇعىل ءبىر جاقتى ەتۋ باسشىلىق گرۋپپاسىنا مۇشە ورىنداردىڭ قاتىستى جاۋاپتى جولداستارى، اۆتونوميالى رايوننىڭ مەملەكەتتىك وقۋ - اعارتۋ ەمتيحانى ەمتيحان ىستەرىنە قولباسشىلىق ەتۋ ورتالىعىندا ەمتيحان ىستەرى كەزەكشىلىگىن بىرلەسىپ ىستەپ، توسىن تۋىلعان جاعدايلاردى دەر كەزىندە سايكەستىرىپ ءبىر جاقتى ەتىپ، تۇتاس رايونىمىزداعى جوعارى مەكتەپ ەمتيحانىنىڭ ورنىقتى دا ءتارتىپتى بولۋىنا شىنايى كەپىلدىك ەتتى.
جوعارى مەكتەپ ەمتيحانىنىڭ حاۋىپسىزدىگىنە شىنايى كەپىلدىك ەتۋ ءۇشىن، اۆتونوميالى رايون جوعارى مەكتەپ ەمتيحانىن قورعاۋ ارەكەتىن بەلسەنە ورىستەتتى، تۇتاس رايونىمىزدا 29 مىڭ 100 ەمتيحان ىستەرى قىزمەتكەرى جانە 100 مىڭعا جۋىق ەمتيحان ىستەرىن قامتاماسىز ەتۋشى قىزمەتكەر جوعارى مەكتەپ ەمتيحانىن قامتاماسىز ەتۋ جانە وعان قىزمەت وتەۋ جۇمىسىنا قاتىناستى. ءار دارەجەلى وقۋ - اعارتۋ، قوعام حاۋىپسىزدىگى، قاتىناس، ونەركاسىپ جانە ينفورماتسيالاندىرۋ، بازاردى باقىلاۋ - باسقارۋ، قورشاعان ورتا، ەلەكتر قۋاتى سياقتى تاراۋلار ەمتيحانعا قاتىستى ينتەرنەت جەلىسىن تازارتۋ، ەمتيحان ءتۇيىنى ماڭى ورتاسىن تازارتۋ، ەمتيحاندا بەلگىلەمەگە قايشى كوز بوياۋشىلىق ىستەۋگە، قارالىق ىستەۋگە قاتاڭ سوققى بەرۋ، ەلەكترمەن حاۋىپسىز قامداۋ، ەلەكتردەن پايدالانۋ سياقتى ارناۋلى ارەكەتتەردى بىرلەسىپ ورىستەتتى. سونىمەن بىرگە اۆتونوميالى رايون 6 ارناۋلى جەتەكشىلىك ەتۋ گرۋپپاسىن قۇرىپ، جوعارى مەكتەپ ەمتيحانى قىزمەتىن جاقسى ىستەۋگە اۋماقتار بويىنشا جەتەكشىلىك ەتتى.
”ەمتيحان بەرۋگە تيىستىلەردىڭ بارلىعىنىڭ ەمتيحان بەرۋىنە“ شىنايى كەپىلدىك ەتۋ ءۇشىن، اۆتونوميالى رايون ادامدى نەگىز ەتۋگە تاباندى بولىپ، گۋمانيتارلىق قامقورلىقتى كۇشەيتتى، 109 مۇگەدەك ەمتيحان بەرۋشى وقۋشىلارعا بەدەر ءارىپ ەمتيحان قاعازىن، ۇلكەن جازۋداعى ەمتيحان قاعازىن دايىنداۋ، ەمتيحان ۋاقىتىن ۇزارتۋ، ەمتيحان الاڭىنا الدىمەن كىرگىزۋ سياقتى ۇيلەسىمدى قولايلىلىقتار جاسادى. ەمتيحاننان ىلگەرى ەمتيحان ۇستىندە توسىننان اۋىرعان ەمتيحان بەرگەن وقۋشىلار ءۇشىن زاپاس ەمتيحان الاڭىن جەدەل ىسكە قوسىپ، جەكە ەمتيحان الاڭىن ورنالاستىرۋ، جەكە وتكەل دايىنداۋ، ەمدەۋ قىزمەتكەرلەرى تۇتاس بارىستا سەرىك بولۋ سياقتى ادامگەرشىلىك قىزمەت وتەۋىن ازىرلەدى.
