6 - ايدىڭ 25 - كۇنى اينالاسىندا ناتيجە جاريالانادى
انار بۇلت \ شينجياڭ گازەتىنىڭ ءتىلشىسى جاۋ شييا 6 - ايدىڭ 9 - كۇنى ۇرىمجىدەن حابارلايدى. 6 - ايدىڭ 9 - كۇنى تۇستەن بۇرىن ۇلتتىق ءتىل - ادەبيەت ساباعى ەمتيحانىنىڭ تامامدالۋىمەن شينجياڭدا 2023 - جىلعى ادەتتەگى جوعارى مەكتەپ ەمتيحانى ءساتتى اياقتادى. قوعامنىڭ ءار سالاسىنىڭ زور كۇشپەن قولداۋىندا، ادەتتەگى جوعارى مەكتەپ ەمتيحانىن ۇيىمداستىرۋ قىزمەتى جالپى جاقتان ورنىقتى ءجۇرىلىپ، ”تىنىش جوعارى مەكتەپ ەمتيحانى“ قىزمەت نىساناسى جۇزەگە استى.
قىزمەت ورنالاستىرۋى جانە بارىسى بويىنشا، 6 - ايدىڭ 9 - كۇنىنەن باستاپ ەمتيحان قاعازىن جيۋ، سكانەرلەۋ، ەمتيحان قاعازىن تەكسەرۋ قىزمەت كەزەڭى باستالادى، مەجەمەن 6 - ايدىڭ 25 - كۇنى اينالاسىندا ەمتيحان بەرگەن وقۋشىلاردىڭ ناتيجەسى جانە ورىن رەتى جاريالانادى. سول كەزدە وقۋشىلاردىڭ ناتيجەسىن اۆتونوميالى رايوندىق وقۋ - اعارتۋ ەمتيحان مەكەمەسىنىڭ رەسمي سايتى ”شينجياڭ وقۋشى قابىلداۋ تورىنا“ (https://www.xjzk.gov.cn) نەمەسە شينجياڭ وقۋشى قابىلداۋ ۋيشين الەۋمەتتىك نومىرىنە شىعىپ تەكسەرۋىنە بولادى.
بيىل تۇتاس رايوندا جيىنى 226 مىڭ 900 وقۋشى جوعارى مەكتەپ ەمتيحانىنا تىزىمدەلدى، جيىنى 94 ەمتيحان رايونى، 231 ەمتيحان ءتۇيىنى، 8144 ەمتيحان الاڭى بەلگىلەنىپ، 25 قالاعا، 69 اۋدانعا (رايون) ورنالاستىرىلدى.
اۆتونوميالى رايوندىق پارتكوم مەن ۇكىمەت جوعارى مەكتەپ ەمتيحانى قىزمەتىنە ايرىقشا ءمان بەردى. جوعارى مەكتەپ ەمتيحانى كەزىندە اۆتونوميالى رايوننىڭ قاتىستى باسشىلارى اۆتونوميالى رايوننىڭ مەملەكەتتىك وقۋ - اعارتۋ ەمتيحانى ەمتيحان ىستەرىنە قولباسشىلىق ەتۋ ورتالىعىندا بەينە ەكراندا شارلاپ تەكسەردى، جەتەكشىلىك ەتتى. اۆتونوميالى رايوننىڭ مەملەكەتتىك وقۋ - اعارتۋ ءبىر تۇتاس ەمتيحان ورتاسىن جالپىلىق رەتتەۋ، جونگە سالۋ بىرلەسكەن ماجىلىسىنە جانە توسىن وقيعالاردى شۇعىل ءبىر جاقتى ەتۋ باسشىلىق گرۋپپاسىنا مۇشە ورىنداردىڭ قاتىستى جاۋاپتىلارى اۆتونوميالى رايوننىڭ مەملەكەتتىك وقۋ - اعارتۋ ەمتيحانى ەمتيحان ىستەرىنە قولباسشىلىق ەتۋ ورتالىعىندا ەمتيحان ىستەرى كەزەكشىلىگىن تۇتاس بارىستا بىرلەسىپ جۇرگىزىپ، توسىن تۋىلعان جاعدايلاردى دەر كەزىندە سايكەستىرىپ ءبىر جاقتى ەتتى. اۆتونوميالى رايون 6 جوعارى مەكتەپ ەمتيحانى ارناۋلى جەتەكشىلىك ەتۋ گرۋپپاسىن قۇرىپ، ەمتيحاننان بۇرىنعى دايىندىق، ەمتيحان ىستەرىن ۇيىمداستىرۋ، ەمتيحان بەرەتىن وقۋشىلارعا قىزمەت وتەۋ سياقتى باقىلاۋ، جەتەكشىلىك ەتۋ قىزمەتىن اۋماقتارعا ءبولىپ جاپپاي ورىستەتتى. جەر - جەر، ءارقايسى ەمتيحان تۇيىندەرى مەملەكەتتىڭ جانە اۆتونوميالى رايوننىڭ جوعارى مەكتەپ ەمتيحانى قىزمەتى ءتۇزىمى مەن تالابىن مۇقيات تياناقتاندىرىپ، جوعارى مەكتەپ ەمتيحانىنىڭ ورنىقتى، ءساتتى ءجۇرىلۋىن بار كۇشپەن قامتاماسىز ەتتى.
بيىلعى ەمتيحان ەلىمىز جاڭا تيپتى ايدارشا ۆيرۋسپەن جۇعىمدالۋدى ”B تۇردەگى B باسقارۋ“ ساياساتىنىڭ اتقارىلۋى جاعدايىندا وتكەن تۇڭعىش رەتكى جوعارى مەكتەپ ەمتيحانى، وقۋ - اعارتۋ تاراۋلارى ىندەتتەن ساقتانۋ - تىزگىندەۋدىڭ قاتىستى تالاپتارى بويىنشا كوپ ءتۇرلى شۇعىل جاعدايعا توتەپ بەرۋ جوباسىن ەگجەي - تەگجەيلى جاساپ، جەتكىلىكتى زاپاس ەمتيحان الاڭىن دايىنداپ، قالىڭ وقۋشىلاردىڭ ەمتيحانعا سالاماتتى تۇردە قاتىناسۋىنا كەپىلدىك ەتتى. تۇتاس رايونىمىز 29 مىڭ 100 ەمتيحان ىستەرى قىزمەتكەرىن، 100 مىڭعا جۋىق ەمتيحان ىستەرىن قامتاماسىز ەتۋشى قىزمەتكەر، 6000نان استام اۆتوكولىك شىعارىپ جوعارى مەكتەپ ەمتيحانىن قامتاماسىز ەتۋ جانە وعان قىزمەت وتەۋ جۇمىسىنا قاتىناستىردى. ءار دارەجەلى وقۋ - اعارتۋ تاراۋلارى قوعام حاۋىپسىزدىگى، ينتەرنەت ينفورماتسياسى، ونەركاسىپ جانە ينفورماتسيالاندىرۋ، قاتىناس، قورشاعان ورتانى قورعاۋ، دەنساۋلىق ساقتاۋ، سالاماتتىق سياقتى تاراۋلارمەن بىرگە ”جوعارى مەكتەپ ەمتيحانىن قورعاۋ ارەكەتىن“ جالپى بەتتىك ورىستەتىپ، ەمتيحان ءتۇيىنى ماڭى ورتاسىن تازالاپ، ورتانىڭ لاستانۋى، قۇرىلىس ورنىنداعى شۋىل سياقتى ەمتيحانعا ىقپال جاسايتىن ماسەلەلەردى جونگە سالىپ، ەمتيحانعا قاتىستى زاڭعا قايشى قىلمىستىق ارەكەتتەرگە قاتاڭ سوققى بەرىپ، ەمتيحان الاڭىنا اقىسىز جەتكىزۋ، جانعا جىلۋ بەرەتىن ەمتيحان سياقتى قيمىلداردى ۇيىمداستىرىپ، حاۋىپسىز، ءتارتىپتى، جانعا جايلى ەمتيحان ورتاسىن دايىنداپ، قالىڭ وقۋشىلاردىڭ ەمتيحانعا قاتىناسۋ جولىنىڭ تىنىش، ىركىلىسسىز بولۋىن ەڭ جوعارى شەكتە قامتاماسىز ەتتى. اۆتونوميالى رايون ادامدى نەگىز ەتۋگە تاباندى بولىپ، گۋمانيتارلىق قامقورلىقتى كۇشەيتىپ، 109 مۇگەدەك ەمتيحان بەرۋشى وقۋشىعا بەدەر ءارىپ ەمتيحان قاعازى، ۇلكەن جازۋداعى ەمتيحان قاعازى سياقتى ۇيلەسىمدى قولايلىلىقتار جاسادى؛ جاڭا تيپتى ايدارشا ۆيرۋس تەكسەرۋىندە بولىمدى بولعان، دەنە تەمپەراتۋراسى ۋاقىتشا جوعارى بولعان 5 وقۋشىعا شۇعىل جاعدايدا قولدانىلاتىن ەمتيحان الاڭىن ازىرلەپ بەردى.
