انار بۇلت \ شينجياڭ گازەتىنىڭ ءتىلشىسى حي حۇڭۋي 6 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، بيىل الدىڭعى 5 ايدا شينجياڭنىڭ ساۋداگەر شاقىرىپ قارجى ەنگىزۋدە تياناقتاندىرىپ اتقارعان نىسانى 3319 بولىپ، بىلتىرعى سول تۇستاعىدان 227 نىسان كوبەيگەن، رايون سىرتىنان ەنگىزۋدە تياناقتاندىرعان قارجىسى 302 ميلليارد 77 ميلليون يۋان بولىپ، بىلتىرعى سول تۇستاعىدان ％47. 49 ارتقان.
مۇنىڭ ىشىندە سولتۇستىك شينجياڭ ءوڭىرىنىڭ تياناقتاندىرعان قارجىسى 176 ميلليارد 940 ميلليون يۋان بولىپ، تۇتاس رايوننىڭ ％57. 58ىن يەلەپ، سايكەس مەزگىلدەگىدەن ％34. 59 ارتقان؛ وڭتۇستىك شينجياڭ ءوڭىرىنىڭ (تۇرپان قالاسىن، قۇمىل قالاسىن قامتيدى) تياناقتاندىرعان قارجىسى 125 ميلليارد 137 ميلليون يۋان بولىپ، تۇتاس رايوننىڭ ％43. 41ىن يەلەپ، سايكەس مەزگىلدەگىدەن ％44. 37 ارتقان.
ساۋداگەر شاقىرىپ قارجى ەنگىزۋدە رايون سىرتىنان تياناقتاندىرعان قارجىنىڭ جالپى مولشەرى بويىنشا الدىڭعى قاتارداعى ايماقتار (وبلىس، قالا) مىنالار: ءۇرىمجى قالاسىنىكى 50 ميلليارد 270 ميلليون يۋان بولىپ، تۇتاس رايوننىڭ ％64. 16ىن يەلەدى؛ ىلە قازاق اۆتونوميالى وبلىسىنىكى 44 ميلليارد 500 ميلليون يۋان بولىپ، تۇتاس رايوننىڭ ％73. 14ىن يەلەدى؛ اقسۋ ايماعىنىكى 43 ميلليارد 780 ميلليون يۋان بولىپ، تۇتاس رايوننىڭ ％49. 14ىن يەلەدى؛ سانجى حۇيزۋ اۆتونوميالى وبلىسىنىكى 40 ميلليارد 456 ميلليون يۋان بولىپ، تۇتاس رايوننىڭ ％39. 13ىن يەلەدى.
تياناقتاندىرعان قارجىسىنىڭ جەدەل ارتۋى كورنەكتى ايماقتار (وبلىس، قالا) مىنالار: تارباعاتاي ايماعى، ىلە وبلىسى، قارامايلى قالاسى، قىزىلسۋ قىرعىز اۆتونوميالى وبلىسى، قاشقار ايماعى سايكەس مەزگىلدەگىدەن جەكە - جەكە ％31. 97، ％84. 95، ％23. 86، ％08. 73، ％49. 68 ارتقان. مۇنىڭ ىشىندە ىلە وبلىسىنىڭ، ءۇرىمجى قالاسىنىڭ، سانجى وبلىسىنىڭ، اقسۋ ايماعىنىڭ، قاشقار ايماعىنىڭ تۇتاس رايونداعى تياناقتانعان قارجىنىڭ ارتۋىنا قوسقان ۇلەس سالىستىرماسى تۇگەلدەي ％10تەن جوعارى بولىپ، ارتۋعا قوسقان ۇلەس سالىستىرماسى جيىنى ％86. 71كە جەتىپ، قوسقان ۇلەسى كورنەكتى بولعان.
ساۋداگەر شاقىرىپ قارجى ەنگىزۋ − نىسان قۇرىلىسىنىڭ سارقىلماس قاينار بۇلاعى، ەكونوميكالىق، قوعامدىق دامۋداعى ”ماڭداي الدى ءىرى ءىس“. بيىل جىل باسىنان بەرى رايونىمىزدىڭ ساۋداگەر شاقىرىپ قارجى ەنگىزۋ جاعدايى تاماشا، ءونىمى كورنەكتى بولدى، ءبىر توپ ءىرى كاسىپورىندار، ءىرى توپتار شينجياڭنىڭ جەر - جەرىنە ىرگە تەپتى، جەرگىلىكتى ورىننىڭ ەكونوميكاسىن پارمەندى جەتەكتەۋ رولىنا يە ءبىر توپ ءىرى نىساندار تياناقتانىپ اتقارىلدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان مىنالاردى ءبىلدىردى: بيىل ”8 ءىرى كاسىپ سالاسى شوعىرىن“ ارقاۋ ەتىپ، ساۋداگەر شاقىرىپ قارجى ەنگىزۋ تاسىلىندە جاڭالىق اشۋ رەفورماسىن تۇيىندە سىناق ەتۋ قىزمەتىن ورىستەتىپ، قىزمەت شارالارىن بەلگىلەۋ جانە كەمەلدەندىرۋ، نىسان قورىن كۇشەيتۋ، كاسىپورىنداردى شينجياڭعا كەلىپ تەكسەرۋدە، كەڭەستە بولۋعا ءتۇيىلىستىرۋ ارقىلى قارجى قوسۋدى جەبەۋ قيمىلدارىن ۇزدىكسىز ورىستەتىپ، ۇزدىكسىز تۇردە باقىلاۋ - تەكسەرۋدى كۇشەيتىپ، ۋادەنى ورىنداۋدى مىقتى ۇستاپ، ناقتى ونىمدىلىككە شىنايى كەپىلدىك ەتەمىز.
