شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان «شي جينپيڭنىڭ ايەلدەر مەن بالالار جانە ايەلدەر بىرلەستىگى قىزمەتى جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجاتتار باسپاسى جاعىنان باسپادان شىعارىلىپ، بۇكىل ەلدە تاراتىلدى.
ايەلدەر قىزمەتى − باستان - اياق پارتيا مەن حالىق ىستەرىنىڭ ماڭىزدى قۇرامداس بولىگى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرىنىڭ دامۋ جالپى جاعدايىن نەگىزگە الىپ، ايەلدەر قىزمەتىنە باسا ءمان بەرىپ جانە ونى بەلسەندىلىكپەن ىلگەرىلەتىپ، پارتيانىڭ ايەلدەر قىزمەتىنە باسشىلىعىن كۇشەيتىپ، جۇڭگوشا سوتسياليستىك ايەلدەر ىستەرىن دامىتۋ جولىنا تاباندى بولىپ، ايەلدەر بىرلەستىگىنىڭ رەفورما مىندەتتەرىن ورنالاستىرىپ، ايەلدەردىڭ ءارقايسى جاقتارداعى بەلسەندى رولىن ساۋلەلەندىرىپ، ەلىمىزدىڭ ايەلدەر ىستەرىنىڭ تاريحي تابىسقا قول جەتكىزۋىن ىلگەرىلەتتى. شي جينپيڭ جولداستىڭ ايەلدەر مەن بالالار جانە ايەلدەر بىرلەستىگى قىزمەتىن ارقاۋ ەتىپ جاريالاعان ءبىر قىدىرۋ ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ بولىپ، جاڭا داۋىردەگى جاڭا جورىقتا ايەلدەر ىستەرىن دامىتىپ، ايەلدەر قىزمەتىن ويداعىداي ىستەپ، ەر، ايەل تەڭدىگى سىندى نەگىزگى مەملەكەت ساياساتىنا تاباندى بولىپ، ايەلدەر مەن بالالاردىڭ زاڭدى ۇقىق - مۇددەسىن قامتاماسىز ەتىپ، قالىڭ ايەلدەردى جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تىڭ ۇلەس قوسۋعا باستاۋدا توتەنشە ماڭىزدى مانگە يە.
«بايىمداۋلاردان ۇزىندىلەر» 8 ارناۋلى تاقىرىپقا ءبولىنىپ، وندا جالپى 174 بولىك بايىمداۋ قامتىلعان، بۇلار شي جينپيڭ جولداستىڭ 2012 - جىلى 11 - ايدىڭ 29 - كۇنىنەن 2023 - جىلى 3 - ايدىڭ 6 - كۇنىنە دەيىنگى ارالىقتاعى باياندامالارى، سوزدەرى، تۇسىندىرۋلەرى، قۇتتىقتاۋ حاتتارى، نۇسقاۋلارى، بەكىتۋلەرى سياقتى 50 نەشە ماڭىزدى حۇجاتتان الىنعان. مۇنىڭ ىشىندە ءىشىنارا بايىمداۋلار تۇڭعىش رەت اشىق جاريالانىپ وتىر.
