شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى. «شي جينپيڭ ەل باسقارۋ جونىندەنىڭ» 4 - تومىنىڭ فرانسۋز تىلىندەگى، ورىس تىلىندەگى، اراب تىلىندەگى، يسپان تىلىندەگى، پورتۋگال تىلىندەگى، نەمىس تىلىندەگى، جاپون تىلىندەگى، سونداي - اق جۇڭگو ءتىلىنىڭ فانتي جازۋىنداعى نۇسقاسى سىندى 8 ءتۇرلى باسىلىمى جۋىقتا شەتەل تىلدەرى باسپاسىندا باسپادان شىعىپ، ەل ءىشى - سىرتىندا تاراتىلدى.
«شي جينپيڭ ەل باسقارۋ جونىندەنىڭ» 4 - تومىن ورتالىق كوميتەتتىڭ ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق كوميتەت پارتيا تاريحىن جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرگە قۇراستىرعان، وعان باس شۋجي شي جينپيڭنىڭ 2020 - جىلى 2 - ايدىڭ 3 - كۇنىنەن 2022 - جىلى 5 - ايدىڭ 10 - كۇنىنە دەيىنگى ارالىقتاعى 109 ماڭىزدى ءسوزى، سۇحباتى، لەكسياسى، ارناۋ ءسوزى، نۇسقاۋى، قۇتتىقتاۋ حاتى سياقتىلار ەنگىزىلدى جانە باس شۋجي شي جينپيڭنىڭ 2020 - جىلى 1 - ايدان بەرگى 45 فوتو سۋرەتى كىرىستىرىلدى. كىتاپ − 21 ارناۋلى تاقىرىپقا ءبولىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ 100 جىلدىق وزگەرىس پەن عاسىرلىق ىندەت قاباتتاسقان كۇردەلى جاعدايعا قاراتا، دۇنيەدە سيرەك كەزدەسەتىن، تاريحتا سيرەك كەزدەسەتىن حاۋىپ - قاتەرلەر مەن سىن - سايىستارعا قاراتا، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكانىڭ، قوعامنىڭ دامۋىن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاعان ۇلى امالياتىن جاندى ەستەلىككە الىپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگىن شوعىرلى ايگىلەپ، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، كوركەم دۇنيەنى بىرگە قۇرۋعا قوسقان ەڭ جاڭا ۇلەسىن تولىق بەينەلەگەن، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا ءورىس اشقاندىعىن، تىڭ شارىقتاۋدى جۇزەگە اسىرعاندىعىن جاپپاي، جۇيەلى بەينەلەگەن بەدەلدى شىعارما.
«شي جينپيڭ ەل باسقارۋ جونىندەنىڭ» 4 - تومىنىڭ جۇڭگو تىلىندەگى، اعىلشىن تىلىندەگى باسىلىمدارى 2022 - جىلى 7 - ايدا باسپادان شىعىپ، تاراتىلعاننان بەرى ەل ءىشى - سىرتىندا قىزۋ اڭىس قوزعادى. «شي جينپيڭ ەل باسقارۋ جونىندەنىڭ» 4 - تومىنىڭ كوپ تىلدەگى باسىلىمىنىڭ باسپادان شىعىپ تاراتىلۋى حالىقارالىق قوعامنىڭ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا دامۋىن دەر كەزىندە تۇسىنۋىنە كومەكتەسىپ، جۇڭگو كوممۋنيستىك پارتياسىنىڭ وتكەندە نە ءۇشىن جەڭىسكە جەتكەندىگى، بولاشاقتا قايتكەندە ۇزدىكسىز جەڭىسكە جەتەتىندىگى جونىندەگى تانىمىن نىعايتىپ، جۇڭگو جولى، جۇڭگو باسقارۋى، جۇڭگو قاعيداسى جونىندەگى تۇسىنىگىن تەرەڭدەتۋدە توتەنشە ماڭىزدى مانگە يە.
