انار بۇلت / شينجياڭ گازەتىنىڭ حابارى (ٴتىلشى ميھىرگۇل عوپۇر حابارلايدى) ٴتىلشىنىڭ 6 - ايدىڭ 12 - كۇنى شىحىزى حۋايۋان اۋەجايىنان ۇعىسۋىنشا، 6 ـ ايدىڭ 10 ـ كۇنى حۋنان اۆياتسياسى ۇشۋ مىندەتىن اتقارعان شىحىزى − ۋشي اۋە جەلىسى تۇڭعىش ساپارىن باستادى، بۇل شىحىزىنىڭ ۋشيمەن تۇڭعىش رەت اۋە جولىن تۇتاستىرۋى ەدى.
6 - ايدىڭ 10 - كۇنى حۋنان اۆياتسياسى ۇشۋ مىندەتىن اتقارعان شىحىزى − ۋشي اۋە جەلىسى تۇڭعىش ساپارىن باستادى. سۋرەتتى قامداعان شىحىزى حۋايۋان اۋەجايى
شىحىزى − ۋشي اۋە جەلىسى اپتاسىنا 3 كەزەك قاتىنايدى، اپتانىڭ سەيسەنبى، بەيسەنبى، سەنبى كۇندەرىنە ورنالاستىرىلعان، باراردا ساعات 9دان 55 مينۋت وتكەندە ۋشيدان ۇشىپ، ساعات 15تەن 30 مينۋت وتكەندە شىحىزىعا جەتەدى، قايتاردا ساعات 16دان 30 مينۋت وتكەندە شىحىزىدان ۇشىپ، ساعات 21دەن 25 مينۋت وتكەندە ۋشيعا جەتەدى. شىحىزى − ۋشي اۋە جەلىسىنىڭ اشىلۋى ەكى جەردەگى ساياحاتشىلارعا اناعۇرلىم قولايلى، جوعارى ٴونىمدى ساپار كەشىرمەسىن ازىرلەدى، سونداي ـ اق ەكى جەر ەكونوميكاسىنىڭ، مادەنيەتىنىڭ جانە ساياحاتىنىڭ توعىسپالى دامۋىن ىلگەرىلەتۋگە بەرىك قاتىناس نەگىزىن ۇستەدى.
بيڭتۋان 8 ـ شى شىحىزى قالالىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى يان جيڭ مىنانى ءبىلدىردى: بيىل شىحىزى قالاسى ”شينجياڭعا كەلىپ ساياحاتتاۋداعى ٴبىرىنشى بەكەت“ ماركاسىن ٴتۇيىندى تۇردە تۇلعالاپ، وسى ٴۇشىن ءبىر قىدىرۋ ساياحات سيلىعى مەن قوسىمشا قاراجات ساياساتىن شىعاردى، بۇل ۇشاقتى جالعا الۋ، ارناۋلى پويەز ساياحات سەرىكتەستىگى جانە مەيمانسارايدا تۇنەۋ قاتارلى جاقتاردى قامتيدى. ”بۇكىل ەلدىڭ جەر ـ جەرىندەگى ساياحاتشىلاردىڭ كورىكتى شينجياڭعا، شىحىزىعا ساياحاتتاي كەلۋىن قارسى الامىز “، ـ دەدى يان جيڭ.
