جاڭ چۇنلين ءۇرىمجى قالاسىندا وقۋ - اعارتۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ونەگە كورسەتىپ ادام تاربيەلەۋگە تاباندى بولىپ، مەكتەپ باسقارۋ دەڭگەيىن جوعارىلاتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 6 - ايدىڭ 12 - كۇنى ۇرىمجىدەن حابارلايدى. 6 - ايدىڭ 11 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ءۇرىمجى قالاسىندا تەكسەرۋ - زەرتتەۋ جۇرگىزىپ، شينجياڭ كوركەمونەر شۋەيۋانىنا، شينجياڭ راديو - تەلەۆيزيا مەكتەبىنە، شينجياڭ مادەنيەت - كوركەمونەر مەكتەبىنە بارىپ، ساباقحانا، وقۋشىلار جاتاعى، اسحانا سياقتىلاردى ارالاپ، ءبىر ءبولىم وقىتۋشى - وقۋشىلارمەن ىشكەرىلەي پىكىر اۋىستىرىپ، مەكتەپتەردىڭ وقۋ - وقىتۋ، وقۋشىلارعا قىزمەت وتەۋ، باسقارۋ سياقتى جاقتارداعى جاعدايلارىن ەگجەي - تەگجەيلى ۇعىستى.
جاڭ چۇنلين تەكسەرۋ - زەرتتەۋ بارىسىندا بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋمەن تىعىز ۇشتاستىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا، وقۋ - اعارتۋ بايلىعىن جايعاستىرۋدى ونان ارى ساپالىلاندىرىپ، مەكتەپتەردىڭ وقۋ - وقىتۋ دەڭگەيىن جوعارىلاتىپ، مەكتەپتەردىڭ ءوندىرىس حاۋىپسىزدىگى قىزمەتىن ويداعىداي يگەرىپ، ادام تاربيەلەۋدىڭ جاراسىمدى، ورنىقتى ورتاسىن كۇش سالا قالىپتاستىرۋ كەرەك. ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، مەملەكەتتە ءبىر تۇتاس قولدانىلاتىن ءتىل - جازۋ وقۋ - وقىتۋىن بۇلجىماي كۇشەيتىپ، حاتكەرلىك ساباعى، ءتىل - ادەبيەت ساباعى، يدەيالىق - ساياسي ساباق سياقتىلاردىڭ ادام تاربيەلەۋ فۇنكتسياسىن ويداعىداي ساۋلەلەندىرۋگە باسا ءمان بەرىپ، ءار ۇلت وقىتۋشى - وقۋشىلارىن جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋگە جانە ونى اسقاقتاتۋعا، جۇڭحۋا ۇلتى ورتاق تۇلعا تانىمىن بەرىك ورناتۋعا، ”بەستى شىنايى مويىنداۋدى“ كۇشەيتۋگە تاربيەلەۋ، جەتەكتەۋ كەرەك. يدەيالىق - ساياسي قىزمەتتى كۇشەيتىپ، سوتسياليستىك وزەكتى قۇن كوزقاراسى تاربيەسىن كۇشەيتىپ، دانەكەر فورماسىن بايىتىپ، تاڭداۋلى كينو - تەلە تۋىندىلارىن كورۋگە، اسەرىن سويلەۋگە ۇيىمداستىرۋ سياقتىلار ارقىلى ءار ۇلت وقۋشىلارىن وتانشىلدىق سۇيىسپەنشىلىكتى بەكەمدەۋگە، پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەۋ - جەتەكتەۋ كەرەك. اۆتونوميالى رايوننىڭ ەكونوميكالىق، قوعامدىق دامۋ قاجەتىن ارقاۋ ەتىپ، مەكتەپتەردىڭ دارىندىلاردى تاربيەلەۋ ساپاسىن ۇزدىكسىز جوعارىلاتىپ، مەكتەپ تاۋىسقان وقۋشىلاردىڭ جۇمىسقا ورنالاسۋىنا، شارۋاشىلىق قۇرۋىنا قاتىستى قىزمەتتەردى تىڭعىلىقتى ويداعىداي ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا دارىندىلار تىرەگىن ازىرلەۋ كەرەك.
