− رايونىمىزدىڭ ساياحات كاسىبىنىڭ جوعارى ساپالى دامۋىن ىلگەرىلەتكەندىگى جونىندە جالپى شولۋ (2)
□ انار بۇلت \ شينجياڭ گازەتىنىڭ ءتىلشىسى رىن جياڭ
مادەنيەت ارقىلى ساياحات ىستەرىن سومدادى، ساياحات ارقىلى مادەنيەتتى ايگىلەدى. اۆتونوميالى رايوننىڭ ساياحاتتى دامىتۋ جينالىسى اشىلعان ءبىر جىلعا تاياۋ ۋاقىتتان بەرى رايونىمىز مادەنيەت ارقىلى رۋحتى سومداۋ، مادەنيەت ارقىلى قۋات ۇستەۋ رولىن تولىق ساۋلەلەندىرىپ، مادەنيەت ارقىلى ساياحاتتىڭ ءمانىن بايىتىپ، ساياحاتتىڭ دەڭگەيىن ءوسىرىپ، ساياحات ارقىلى مادەنيەتتىڭ تارالۋىن جەتەكتەپ، مادەنيەتتىڭ گۇلدەنۋىن ىلگەرىلەتتى، مادەنيەت پەن ساياحاتتىڭ توعىسۋ كولەمى اناعۇرلىم كەڭەيىپ، قاتپارى اناعۇرلىم تەرەڭدەپ، دەڭگەيى اناعۇرلىم جوعارىلاپ، مادەنيەت پەن ساياحاتتى ىشكەرىلەي توعىستىرۋدىڭ تارتىمدى تاراۋىن جازدى.
مادەنيەت ارقىلى ساياحات ىستەرىن سومداۋدىڭ ءمانى اناعۇرلىم ايگىلەندى
6 - ايدىڭ 12 - كۇنى كەشتە قاشقار داشۋەسى شينچۋان مەكتەپ رايونىنداعى جاڭا ءداۋىر سارايىندا بوس ورىن قالمادى، ”جاڭا انمەن شينجياڭدى جىرلاۋ“ ارالاپ كونسەرت قويۋدىڭ شىمىلدىعى اشىلدى. ءان اۋەنى مامىرلاپ ارتيستەر بۇرالا بيگە باستى، بەتاشار ءان - ءبي − «تيانشاندا شارىقتاعان ءان» قىزۋ القاۋعا بولەندى. وسى رەتكى ارالاپ كونسەرت قويۋدى جۇڭگو ادەبيەت - كوركەمونەرشىلەر بىرلەستىگى، جۇڭگو مۋزيكانتتار قوعامى، اۆتونوميالى رايوندىق پارتكوم ۇگىت ءبولىمى، شينجياڭ ءوندىرىس - قۇرىلىس بيڭتۋانى پارتكومى ۇگىت ءبولىمى بىرگە ۇيىمداستىرعان، وسىدان بۇرىن جەكە - جەكە ۇرىمجىدە، شىحىزىدا، ىلە قازاق اۆتونوميالى وبلىسىندا كونسەرت قويىپ، شينجياڭداعى ءار ۇلت بۇقاراسىنا تاتىمدى، ەرەكشە، جاڭاشا كوركەمونەر ەستەتيكالىقءلاززات ۇسىندى.
2019 - جىلدان بەرى جۇڭگو ادەبيەت - كوركەمونەرشىلەر بىرلەستىگى، جۇڭگو مۋزيكانتتار قوعامى بۇكىل ەلدەگى ايگىلى كومپوزيتورلاردى شينجياڭعا بارىپ شىعارماشىلىق، جاسامپازدىق قيمىلدارىمەن شۇعىلدانۋعا ۇيىمداستىردى، ولار ەرەكشەلىگى قويۋ، تاقىرىپ ستيلى ءار الۋان ءبىر توپ تاڭداۋلى ءتول شىعارما اندەرىن جازىپ، شينجياڭداعى ءار ۇلت حالقىنىڭ جاراسىمدى، باقىتتى، كورىكتى مەكەندى تىزە قوسا وتىرىپ قۇرعان تاماشا تۇرمىس كورىنىسىن جاندى ايگىلەدى. بۇگىنگى تاڭدا ءومىر تىنىسى مەن شۇعىلالى مەيىرگە تولى وسى جاڭا اندەردى ادامدار قانىق بىلۋمەن، كەڭ تاراتۋمەن قاتار، وسى اندەر شينجياڭدى ۇگىتتەۋدىڭ، شينجياڭدى تانىستىرۋدىڭ جاڭا تەرەزەسىن دە اشتى.
تالاي جىلدان بەرى شينجياڭ شينجياڭدى مادەنيەتپەن نارلەندىرۋدى تىڭعىلىقتى ىلگەرىلەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ونىمدىلىگى كورنەكتى بولدى. جەر - جەر جاراتىلىستىق بايلىق پەن گۋمانيتارلىق بايلىقتان تولىق، ويداعىداي پايدالانىپ، مادەنيەت مايەگى مەن مادەنيەت ەرەكشەلىگىن كورنەكتىلەندىرىپ، مادەنيەتتى ”كادەگە جاراتۋ“ جۇمىسىن ويداعىداي ىستەپ، مادەنيەت پەن ساياحاتتىڭ ىشكەرىلەي توعىسا دامۋىن ىلگەرىلەتتى.
بيىل 4 - ايدا تۇڭعىش كەزەكتى شينجياڭ مادەنيەت كوركەمونەر فەستيۆالى ءساتتى وتكىزىلدى، اۆتونوميالى رايونداعى جانە بيڭتۋانداعى ءار دارەجەلى ادەبيەت - كوركەمونەر تەاتر - ۇيىرمەلەرى 22 ساحنالىق كوركەمونەر تاڭداۋلى تەاترىن ۇسىنىپ، ءۇرىمجى قالاسىنداعى 11 تەاترحانادا قويدى، ءار جولى تەاترحانا ادامعا لىق تولدى. 100 مىڭ ادام (رەت) تەاترحاناعا، اسەمونەر سارايىنا كىرىپ، الاڭعا، الەۋمەتتىك اۋماققا، باقشاعا جينالدى، 650 ميلليوننان استام ادام (رەت) بۇلتتىق كليەنتتە كوز مەيىرى مەن قۇلاق قۇرىشىن قاندىراتىن تاماشا كونسەرتتەن تەڭ يگىلىكتەندى، ايرىقشا جاقسى باعا بەردى.
بيىل جىل باسىنان بەرى شينجياڭداعى كونسەرت بازارى بىرتىندەپ جاندانىپ، ءبي تەاتر، مۋزيكالى تەاتر، مۋزيكا كەشى، پيەسا، توك - شوۋ ىركەس - تىركەس ورىندالىپ، سارا تۋىندىلار توپ - توبىمەن جارىققا شىقتى، بەلەت تەكسەرۋ ورىندارىندا قايشالىسقان ادامداردىڭ، تاماشا كونسەرتتى القاپ شاپالاق سوققانداردىڭ لەگىندە جەرگىلىكتى قالا تۇرعىندارى عانا ەمەس، كونسەرتتى كورۋگە ارناۋلى كەلگەن سىرت جەردىڭ ادامدارى دا بار.
شينجياڭنىڭ بەلەت بازارىندا 10 نەشە جىل تيجارات جۇرگىزگەن 91 بەلەت ىستەرىنىڭ باس ديرەكتورى با فاڭيۇڭ بىلاي دەدى: قازىر مەنىڭ سەنىمىم ەڭ كۇشتى كەز. وسى جىلدارى ءبىز ىلگەرىندى - كەيىندى 13 رەت جۇيەنىڭ دارەجەسىن جوعارىلاتىپ، قولايلى دا تەز ينتەرنەتتە بەلەت ساتىپ الۋ، ورىن تاڭداۋ سياقتىلاردى ازىرلەي الاتىن بولدىق. قازىرگە دەيىن سەرىكتەستىگىمىز 100دەن استام كونسەرت ءنومىرىنىڭ، 1400 رەتتەن ارتىق كونسەرتتىڭ بەلەت ساتۋ قىزمەت وتەۋىن ارقالاپ، تۇتىنۋشىلارعا 900 مىڭ ادام (رەت) قىزمەت وتەپ، جالپى بەلەت سوماسى 23 ميلليون يۋان مولشەرىندە بولدى.
مادەنيەت كونسەرتى، مادەنيەت تۇتىنۋى ساياحات شارۋاشىلىعىنىڭ دامۋىنا رۋح سيلاپ، ومىرشەڭدىك كۇش ۇستەدى.
شينجياڭ دۇنيەگە تانىمالى ”ءان - ءبي مەكەنى“، ءان - ءبي شينجياڭنىڭ ەڭ جاقسى تانىسقىلارىنىڭ ءبىرى. 4 - ايدىڭ 19 - كۇنىنەن 5 - ايدىڭ 14 - كۇنىنە دەيىن مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى بىرلەسىپ جاساعان «جەلەگىڭدى اش − شينجياڭ جاقسى جەر» اتتى كولەمدى مۋزيكا، ءبي، ولەڭ، سۋرەت قويىلىمى بۇكىل ەلدە ارالاي قويىلىپ، ىلگەرىندى - كەيىندى بەيجيڭ قالاسىنا، تيانجين قالاسىنا، حاڭجوۋ قالاسىنا، شىنجىن قالاسىنا جانە گۋاڭجوۋ قالاسىنا جەتىپ، شينجياڭنىڭ ءان - ءبيى 5 جەردە كونسەرت تاماشالاۋ ورلەۋىن كوتەردى. 6000 كيلومەترلىك ساپار بارىسىندا 260 نەشە ارتيست انمەن، بيمەن، مۋزيكامەن شينجياڭنىڭ وبرازىن ايگىلەپ، جەر - جەردەگى 13 مىڭ 500 كورەرمەن كونسەرتتى ۇستىندە تاماشالادى. بيىل 3 - ايدا وتكىزىلگەن ”شينجياڭ جاقسى جەر“ اتىنداعى مادەنيەت - ساياحاتتى تانىستىرۋ قيمىلىندا شينجياڭ ءبيى گۋاڭجوۋ، شيامىن، حاڭجوۋ، نانجيڭ، شاڭحاي قاتارلى قالالارداعى الاڭداردا ورىندالىپ، بارعان جەردىڭ بارىندە قالىڭ قاۋىمدى بىرگە بيلەۋگە باۋرادى. ويناقى مۋزيكا ۇنىنە، ادەمى بيگە ىلەسە، توڭىرەكتىڭ ءتورت بۇرىشىنداعى ادامداردىڭ كەڭىستىكتى اتتاپ ءوتىپ، كوركەم شينجياڭدى بىرگە جىرلاۋى، شينجياڭ ءبيىن بىرگە بيلەۋى شينجياڭدى ۇگىتتەۋدىڭ ەڭ جاقسى تاسىلدەرىنىڭ بىرىنە اينالدى.
ساياحات ارقىلى مادەنيەتتى ايگىلەۋدىڭ ومىرشەڭدىگى اناعۇرلىم كۇشتى بولدى
ويناقى مۋزيكا، دۋماندى ءبي، قاشقار بايىرعى قالاسى كورىنىس ءوڭىرىنىڭ يىنشياڭ كوشەسىندەگى اشىق ويىن - ساۋىق الاڭىندا ۇلتتىق ءبي جونىندەگى ىقپالداستىق وقىتۋى ءار كۇنى ساياحاتشىلاردىڭ ەڭ قۋانا قارسى الاتىن قيمىلى بولدى. ءۇي ىشىنەن سىرتىنا دەيىن، يىنشياڭ كوشەسىندەگى اسحانا، شاراپحانادان كوفەحاناعا دەيىن، ودان بولمە ىشىندەگى شاعىن ساحناعا دەيىن ويىن نومىرلەرى ۇزىلمەدى.
مادەنيەت ارقىلى ساياحاتتى سومداپ، ساياحات ارقىلى مادەنيەتتى ايگىلەدى، بۇگىنگى كۇندە مادەنيەت پەن ساياحاتتىڭ ىشكەرىلەي توعىسۋى شينجياڭ ساياحاتىنىڭ جوعارى ساپالى دامۋىن پارمەندى ىلگەرىلەتۋدە.
مادەنيەت پەن ساياحاتتىڭ توعىسۋىنىڭ ەڭ دۋماندى كورىنىسىنىڭ ءبىرى رەتىندە، ساياحات ويىن نومىرلەرى جەر - جەردىڭ ساياحات ماركاسىنا اينالدى. وڭتۇستىك، سولتۇستىك شينجياڭنىڭ باسىم كوپ جەرلەرىندە كولەمدى، ناقتى ويىن قويۋ الاڭدارى بار، ساياحات ويىن نومىرلەرىن تاماشالاۋ الدەقاشان كوپتەگەن ساياحاتشىنىڭ شارتسىز تالعامىنا اينالدى. بىلتىر 7 - ايدا حوتان اۋدانى باقچي جاڭعاق مادەنيەت - ساياحات شاعىن قالاشىعى − يوتقان بايىرعى قالاسى اشىلدى. بۇل نىساننىڭ يەلەگەن جەر اۋدانى 156 مۋ، قۇرىلىس اۋماعى 70 مىڭ شارشى مەتر، جالپى 600 ميلليون يۋان قارجى سالىنعان، حوتان ايماعىنداعى تۇڭعىش ۇلتتىق سالت - سانا، مادەنيەت - ساياحات نىسانى. بايىرعى قالاعا كىرگەندە ويىن نومىرلەرى، ءدامدى تاعام كوشەسى، حالىقتىق تۇسەلحانا، قوناق ۇيلەر، قولونەر شەبەرحاناسى، مادەنيەت كورمە سارايى سياقتى كورىنىستىك كاسىپ كۇيلەرى ادامعا سونى لەپ اڭعارتادى. حوتان ايماعىنىڭ مادەنيەت - ساياحاتى دامۋىنىڭ جاڭا تانىسقىسى رەتىندە، بۇل نىسان ”ءبىر بەلدەۋ، ءبىر جول“ باتىس جەلىسىنىڭ مادەنيەت - ساياحاتىنداعى اقتاڭداقتى تولتىردى، مادەنيەت ارقىلى قۋات ۇستەپ، وعان قوسا وسىزاماندانعان تەحنيكا ارقىلى تولىق كورىنىسپەن جىبەك جولىنداعى بايىرعى ۇدۇننىڭ سالتاناتتى كورىنىسىن قايتا كوز الدىعا اكەلىپ، حوتاننىڭ تاريحتى سۇيەنىش ەتە ەجەلگى سالت - مادەنيەتتى اشىپ، مادەنيەت پەن ساياحاتتىڭ توعىسقان كورىنىس ءتۇيىنىن تۇلعالاۋىنداعى ءبىر تيپتىك ۇلگىگە اينالدى.
ساياحات ويىن نومىرلەرى، بەيزاتتىق مادەنيەت مۇرالارى، مادەنيەت كورمەسى، بايىرعى جول سياقتىلاردىڭ ءبارى مادەنيەت پەن ساياحاتتى توعىستىرۋدىڭ ماڭىزدى دانەكەرىنە اينالىپ، مادەنيەت ساياحاتتىڭ جالپى بارىسىنا توعىستى. ”شينجياڭدا ءداستۇرلى جاراتىلىستىق تاۋ - سۋ كورىنىستەرىنەن سىرت، مادەنيەت جانە ساياحات بايلىعى دا مول، مادەنيەت پەن ساياحات توعىسۋىنىڭ جاقسى نەگىزى بار. وڭتۇستىك شينجياڭنىڭ ءارقايسى ايماق، وبلىس، قالالارىنىڭ ساياحاتتاعى مەجەلى ورىندارىندا مادەنيەت - ساياحات بايلىعىنىڭ باۋراۋ قۋاتى جاراتىلىستىق كورىنىستەردەن دە كۇشتى بولۋى مۇمكىن“، - دەدى شينجياڭ داشۋەسى ساياحات شۋەيۋانىنىڭ ورىنباسار باستىعى، دوكتورانت جەتەكشىسى لياڭ زىڭشيان.
مادەنيەت پەن ساياحاتتىڭ توعىسۋى الدەقاشان شينجياڭ مادەنيەت - ساياحات كاسىبىنىڭ جوعارى ساپالى دامۋداعى تابيعي تالعامىنا اينالدى. بيىل اۆتونوميالى رايوندىق مادەنيەت جانە ساياحات مەڭگەرمەسى مادەنيەت پەن ساياحاتتى توعىستىرۋ، دەڭگەيىن ءوسىرۋ ينجەنەرياسىن اتقاردى. مادەنيەت پەن ساياحاتتى توعىستىرۋ نىسانى، ساياحات ءوڭىرىنىڭ وزىندىك ءمانىن جوعارىلاتۋ ينجەنەرياسى سياقتىلار اتقارىلۋ ۇستىندە، ”ءان اۋەنىنە بالقي شينجياڭدى ساياحاتتاۋ“، ”ايگىلى سۋرەتتەردى تاماشالاي ءجۇرىپ شينجياڭدى ساياحاتتاۋ“، ”ءدامدى تاعامداردان ءدام تاتا ءجۇرىپ شينجياڭدى ساياحاتتاۋ“، ”مەملەكەت اسىلىنا ۇڭىلە ءجۇرىپ شينجياڭدى ساياحاتتاۋ“ سياقتى نەگىزگى تاقىرىپتىق قيمىلداردى جوسپارلادى، وتكىزدى. سونىمەن بىرگە ساياحاتتىق ويىن كورسەتۋدى جەدەل دامىتىپ، مادەني ەسكەرتكىش تۇيىندەرىن اشۋدى كۇشەيتتى؛ ءتۇيىندى كورىنىس ءوڭىرى، نەگىزگى تاقىرىپتىق ساياباق، سەيىل - سەرۋەن كوشە اۋماعى، ەرەكشەلىككە يە كەشكى بازار سياقتىلارعا سۇيەنىپ، ەرەكشە مادەنيەت - ساياحات نىساندارىن ۇسىنىپ، تۇتىنۋ بەلەتىن بەرۋ، ەسىك بەلەتىن ارزانداتۋ سياقتى تيىمدىلىك ساياساتتارىن شىعارىپ، تۇتىنۋدىڭ جالىندى كۇشىن قاۋلاتتى.
قازىر شينجياڭ مادەنيەت پەن ساياحاتتىڭ توعىسۋىن كىلەڭ فاكتورلى توعىستىرۋدان جان - جاقتىلى توعىستىرۋعا بەتتەتۋدى ىلگەرىلەتۋدە. ”مادەنيەت پەن ساياحاتتىڭ توعىسۋى قاراپايىم ءبىرىن - بىرىنە قوسۋ ەمەس، ’2＜1+1‘ بولۋداي ونىمدىلىگىن جارىققا شىعارۋ ءۇشىن، ىرىقسىز كۇيدەن ىرىقتى توعىسۋعا بەت الۋ، ءوڭىردىڭ ىشكى بولىگىنەن توعىسۋدان كاسىپ تىزبەگىنە بەت الۋ، اشىق ۇلگىدەگى جاڭالىق جاراتۋ، دەربەس جاڭالىق جاراتۋ سياقتىلارمەن جۇيەلىك توعىسۋدى جۇزەگە اسىرۋ كەرەك“، - دەدى اۆتونوميالى رايوندىق مادەنيەت جانە ساياحات مەڭگەرمەسى كاسىپ سالاسىن دامىتۋ باسقارماسىنىڭ باستىعى تاڭ ۋىن.
ىلە قازاق اۆتونوميالى وبلىسى مادەنيەت كورمەسى سارايىنان، مادەني مۇرالاردى قورعاۋ ورىندارىنان جانە بەيزاتتىق مادەنيەت مۇرالارىن جالعاستىرۋ - ۇيرەتۋ ورىندارىنان تولىق پايدالانىپ ءبىر قىدىرۋ زەرتتەۋ، ۇيرەنۋ، ساياحاتتاۋ سارا جەلىسىن ۇسىنىپ، ساياحات بارىسىندا جۇڭحۋا مادەنيەتىن زەرتتەدى، ءتۇسىندىردى، باياندادى؛ ىلە جياڭجۇن مەكەمەسى، شۋىرما، مەملەكەت قاقپاسى كورىنىس ءوڭىرى سياقتى قىزىل بايلىقتاردى قىزىل ساياحات سارا جەلىسىنە ەنگىزدى؛ وبلىستىق، اۋداندىق ادەبيەت - كوركەمونەر ۇيىرمەلەرىنىڭ رولىن ساۋلەلەندىرىپ، حالىقتىق كوركەمونەر ۇيىمدارىن قاتىسۋعا ىنتالاندىرىپ، ءداۋىر رۋحىنا تولى شاعىن، ۇساق تيپتەگى، تاقىرىپتىق سيپاتتاعى، ەرەكشە تۇردەگى، تاپسىرىس تۇرىندەگى ساياحات ويىن ءنومىر نىساندارىن بەلسەنە ازىرلەپ، كورىنىس وڭىرلەرىنە ءتىپتى دە كوپ مادەنيەت مازمۇنىن ۇستەدى.
ءۇرىمجى باسىمدىعى بار ساياحات بايلىقتارىن بىرىكتىرىپ، مەملەكەت، اۆتونوميالى رايون دارەجەلى مادەنيەت كاسىپ سالاسى مەن ساياحاتتىڭ توعىسپالى دامۋىنان ۇلگى كورسەتۋ رايونىن قۇرىپ، ساپالى مادەنيەت - ساياحات بايلىقتارى مەن فاكتورلارىن ۇلگى كورسەتۋ رايونىنىڭ وزەكتى اۋماعىنا توپتالۋعا بەلسەنە جەتەكتەدى. مەملەكەت، اۆتونوميالى رايون، قالا دارەجەلى مادەنيەت كاسىپ سالاسىنان ۇلگى كورسەتۋ بازاسىن (باقشا رايونى) جەتىلدىردى. ءبىر قىدىرۋ تاڭداۋلى تەاتر ويىندارىن بەلسەنە جازىپ، قويىلىمعا ازىرلەپ جانە ەنگىزىپ، ”ءار اپتادا ساحنالىق ويىن نومىرلەرى بولۋعا، ءار ايدا ەنگىزىلگەن تەاتر ويىندارى بولۋعا“ شىنايى كەپىلدىك ەتتى. ەرەكشە مۇراجايدى بار كۇشپەن دامىتىپ، مادەنيەت كورمەسى سارايىنىڭ IP بايلىعىن ىشكەرىلەي اشىپ پايدالاندى. قىزىل ساياحاتتى جەبەپ، قىزىل ساياحات ونىمدەرى جۇيەسىن كەمەلدەندىرىپ، ەرەكشە سارا جەلىلەردى ۇسىنىپ، زەرتتەۋ، ۇيرەنۋ، ساياحاتتاۋ اماليات تاربيە بازاسىن (لاگەر) قۇرىپ، زەرتتەۋ، ۇيرەنۋ، ساياحات ونىمدەرىن كەمەلدەندىردى.
توعىستىرۋعا قولايلى بولسا توعىستىرۋ، توعىستىرۋعا بولسا مۇمكىندىگىنشە توعىستىرۋ، شينجياڭنىڭ مادەنيەت پەن ساياحاتتى تەرەڭ توعىستىرۋ جوباسى بارعان سايىن كولەمدەنىپ، بارعان سايىن تارتىمدى بولا ءتۇستى.
وسى زامانعى وركەنيەتتى تۇرمىستان تەڭ يگىلىكتەندى
بۇرىن بۇرلەن قايراتتىڭ ءار كۇنى ۇيدە بالالارىن باعىپ - قاعۋمەن ءوتۋشى ەدى. قازىر جۇبايى قىزمەتتەن قايتقان سوڭ، اۆتوكولىگىمەن ونى «كۇنلۇن ۋادەسى» تەاترحاناسىنا قىزمەتكە جەتكىزىپ قويادى. بيىل 24 جاستاعى بۇرلەن ءۇرىمجىنىڭ ساياحات ويىن ءنومىرى − «كۇنلۇن ۋادەسىنىڭ» تۇڭعىش توپتاعى ايەل بۇقارا ارتيسى بولىپ، تۇرمىسىندا وزگەرىس بولدى، ونى شاتتاندىرعانى ءار ايداعى ويىن قويۋ ەڭبەكاقىسى عانا ەمەس، ساحناداعى جالىندى سەزىمى دە بولدى.
قازىر ءۇرىمجى اۋدانىنىڭ 250دەن استام قىستاق تۇرعىنى «كۇنلۇن ۋادەسى» تەاترىنا قاتىناستى. «كۇنلۇن ۋادەسى» قويىلعان 4 جىلدان بەرى جەرگىلىكتى ورىنداعى ەگىنشى - مالشىلارعا 1400دەن استام جۇمىستانۋ ورنىن ازىرلەدى ءارى ءۇرىمجى اۋدانىنىڭ ساياحات پەن ازىق - تۇلىك كاسىبىنىڭ ارتقان كىرىسىن 66 ميلليون يۋانعا جەتكىزدى.
شينجياڭداعى كوپتەگەن ەگىنشى - مالشى جونىنەن ”ساياحات كەسەسىن“ قولعا الۋى وسى زامانعى وركەنيەتتى تۇرمىس كەشىرگەنمەن بارابار.
نارات كورىنىس وڭىرىندەگى ءبىر ءبولىم حالىقتىق تۇسەلحانا سياقتى وڭىرلەر كۇنەس اۋدانى نارات قالاشىعى نارات قىستاعىنا قاراستى اۋماقتا. سوڭعى جىلدارى جەرگىلىكتى ورىن كورىنىس ءوڭىرى مەن قالاشىقتى ءبىر تۇلعاندىرۋ، كاسىپ سالاسى مەن قالانى توعىستىرۋ ارقىلى جەرگىلىكتى ورىنداعى ەگىنشى - مالشىلاردى ساياحات شارۋاشىلىعىنا ات سالىسۋعا جەتەكتەدى. نارات كورىنىس ءوڭىرىنىڭ ساياحات ىستەرىن الدىمەن دامىتۋ باسىمدىعىنىڭ ارقاسىندا نارات قىستاعىنداعى 750 قىستاق تۇرعىنىنىڭ جارتىسى ”ساياحات كەسەسىن“ قولعا الدى − حالىقتىق تۇسەلحانا اشتى، اسحانا اشتى، ساياحاتتىق كۇتىپ الۋمەن شۇعىلداندى، شاڭعى جاتتىقتىرۋشىسى بولدى، اتتىلار اترەتى سەلبەستىك كووپەراتيۆىن، كيىز ءۇي سەلبەستىك كووپەراتيۆىن، ت . ب قۇردى. تۇلپار اتتىلار اترەتىندە 83 مۇشە بار، ءبارى نارات قىستاعىنىڭ تۇرعىندارى، ءاربىر اتتان جىلىنا 13 مىڭ يۋان اينالاسىندا كىرىس كىرەدى.
قۇمىل قالاسى يجوۋ رايونى قالا ءىشى اۋىلى التىن قىستاعىنىڭ تاريحي مادەنيەت ايگىلى قىستاعى بەيزاتتىق مادەنيەت مۇرا شەبەرحاناسىندا مامىرلاعان ءان اۋەنى ەستىلىپ تۇردى − قۇمىل قالا دارەجەلى مۇقام مۇراگەرى ايشام امەت تىكە تاراتۋدا زات ساتۋدا. بۇل شەبەرحانا بىلتىر سالىنعان، ءتۇرلى بەيزاتتىق مادەنيەت مۇرا نىساندارى شوعىرلى كورسەتىلگەن، مەملەكەت دارەجەلى، اۆتونوميالى رايون دارەجەلى، قۇمىل قالاسى دارەجەلى مۇقام، كەستەشىلىك، قيما سۋرەت سياقتى بەيزاتتىق مادەنيەت مۇرالارىنىڭ مۇراگەرلەرىن وسى ارادا باس قوستىرىپ، جەكەلىك شەبەرحانا قۇرىپ، ولاردىڭ ءوز ونەرلەرىن ايگىلەۋ تۇعىرىن ازىرلەپ، بەيزاتتىق مادەنيەت مۇرالارىن جالعاستىرۋدى جانە دامىتۋدى ىلگەرىلەتتى. بيىل الدىڭعى 3 ايدا قالا ءىشى اۋىلىنىڭ بەيزاتتىق مادەنيەت مۇرا ونىمدەرىنىڭ ساتىلىم سوماسى ءبىر ميلليون يۋاننىڭ ۇستىندە بولدى، مۇنىڭ ىشىندە جەلىدەگى ساتىلىم سوماسى ％40كە جۋىق ۇلەسىن يەلەدى. بيىلعى ساتىلىم سوماسىن 5 ميلليون يۋاننىڭ ۇستىنە جەتكىزۋگە قۇلشىنۋدا.
مادەنيەت - ساياحات كاسىبىنىڭ دامۋى ءتىپتى دە كوپ ەگىنشى - مالشىنىڭ قالتاسىن قامپايتىپ قانا قويماي، اۋەلى، ولاردىڭ يدەياسىن، ءتىپتى، ءومىرىن وزگەرتتى.
ءۇرىمجى اۋدانى شۇيشيگوۋ قالاشىعى دۇڭۋان قىستاعى باييۇن حالىقارالىق شاڭعى الاڭىنان 3 كيلومەتر قاشىقتىقتا. بۇل شاڭعى الاڭى 1997 - جىلى تيجارات باستاعان، دۇڭۋان قىستاعىنىڭ تۇرعىندارىنا بەلەت ساتۋشى، تازالىقشى سياقتى جۇمىس ورىندارىن ازىرلەدى، شاڭعى الاڭىنىڭ ۇزدىكسىز كەڭەيۋىنە ىلەسە، جۇمىسقا ورنالاستىرۋ ونىمدىلىگى دە كورنەكتىلەنە ءتۇستى، بيىل اتاۋلى شاڭعى الاڭى توڭىرەگىندەگى اۋىل - قالاشىقتاعى ەگىنشى - مالشىلارعا 302 جۇمىس ورنىن ازىرلەدى. قازىر دۇڭۋان قىستاعىنداعى كوپتەگەن قىستاق تۇرعىنى شاڭعى جاتتىقتىرۋشىسى، جابدىق رەمونتشىسى، ت. ب بولدى، كوپتەگەن ەرلى - زايىپتىلار، اعا - ىنىلەر، اكە مەن بالا، شەشەسى مەن قىزى قىزمەتتەس، قىستاق تۇرعىندارى جەكە اۆتوكولىكتەرىمەن شاڭعى الاڭىنا قىزمەتكە بارادى، ارەدىكتەرىندە جەكە اۆتوكولىكتەرىن ايداپ جەر - جەردى ساياحاتتايدى.
