شينحۋا اگەنتتىگىنىڭ 6 - ايدىڭ 13 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ساپالى، بىركەلكى نەگىزگى الەۋمەتتىك وقۋ - اعارتۋ قىزمەت وتەۋ جۇيەسىن ورناتۋ جونىندەگى پىكىردى» باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىكپەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، حالىقتى وزەك ەتۋگە تاباندى بولىپ، مەملەكەتتىڭ ستراتەگيالىق قاجەتىنە قىزمەت وتەپ، نازاردى حالىق بۇقاراسىنىڭ شۇعىل، ءزارۋ، اڭساعان ىستەرىنە شوعىرلاندىرىپ، الەۋمەتتىك يگىلىكتى، جالپىعا ءتيىمدى بولۋدى جانە ساپالى، بىركەلكى بولۋدى نەگىزگى بەتالىس ەتىپ، نەگىزگى الەۋمەتتىك وقۋ - اعارتۋ قىزمەت وتەۋ دەڭگەيىن جاپپاي جوعارىلاتىپ، وقۋ - اعارتۋدا قۋاتتى ەل قۇرۋدى جەدەلدەتىپ، حالىقتىڭ قالاۋىنان شىعاتىن وقۋ - اعارتۋدى ويداعىداي جۇرگىزۋ كەرەك.
باس تالاپ مىناداي: 2027 - جىلعا بارعاندا ساپالى، بىركەلكى نەگىزگى الەۋمەتتىك وقۋ - اعارتۋ قىزمەت وتەۋ جۇيەسىن العاشقى ادىمدا ورناتۋ، قامداۋ جالپى مولشەرىن اناعۇرلىم كەڭەيتىپ، قامداۋ قۇرىلىمىن اناعۇرلىم ساپالىلاندىرىپ، تەڭەستىرۋ دەڭگەيىن كورنەكتى جوعارىلاتۋ. 2035 - جىلعا بارعاندا مىندەتتى وقۋ - اعارتۋ مەكتەپتەرىنىڭ مەكتەپ باسقارۋ شارت - جاعدايىن، وقىتۋشىلار قوسىنىن، قاراجات ۇسىنىلىمىن، باسقارۋ جۇيەسىن وقۋ - اعارتۋدا قۋاتتى ەل بولۋ قاجەتىنە ۇيلەستىرىپ، قالا (ايماق، وبلىس، امىك) كولەمىندەگى مىندەتتى وقۋ - اعارتۋدىڭ بىركەلكى دامۋ دەڭگەيىن كورنەكتى جوعارىلاتىپ، باسىم كوپ ساندى اۋدان (قالا، رايون، حوشۇن) كولەمىندەگى مىندەتتى وقۋ - اعارتۋدىڭ ساپالى، بىركەلكى بولۋىن جۇزەگە اسىرىپ، وقۋ جاسىنداعى وقۋشىلاردى ءادىل، ساپالى نەگىزگى الەۋمەتتىك وقۋ - اعارتۋ قىزمەت وتەۋىنەن يگىلىكتەندىرىپ، جالپى تۇلعالىق دەڭگەيىن دۇنيە ءجۇزى بويىنشا الدىڭعى ورىنعا جەتكىزۋ.
