ما شيڭرۇي، لۋ يىڭچۋان ارناۋ ءسوز سويلەدى، ەركىن تۇنياز باسقاردى، نۇرلان ءابىلماجىن، لي يفي، جاڭ چۇنلين قاتىناستى
6 - ايدىڭ 13 - كۇنى 2023 - جىلعى اۆتونوميالى رايوننىڭ ساياحاتتى دامىتۋ جينالىسى جانە”شينجياڭ جاقسى جەر“ اتىنداعى ساياحات تانىستىرۋ ءماجىلىسى قاشقاردا وتكىزىلدى.
□سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 13 - كۇنى قاشقاردان حابارلايدى. 6 - ايدىڭ 13 - كۇنى 2023 - جىلعى اۆتونوميالى رايوننىڭ ساياحاتتى دامىتۋ جينالىسى جانە ”شينجياڭ جاقسى جەر“ اتىنداعى ساياحات تانىستىرۋ ءماجىلىسى قاشقاردا وتكىزىلدى، ورتا ازياداعى 5 ەلدەن جانە بۇكىل ەلدىڭ جەر - جەرىنەن كەلگەن 600گە جۋىق سيلى قوناق مىڭ جىلدىق بايىرعى قالادا باس قوسىپ، كورىكتى شينجياڭنىڭ ايبىندى تاۋ - وزەندەرىنەن، شۇعىلالى مادەنيەتىنەن بىرگە ءلاززاتتانىپ، شينجياڭ مادەنيەت - ساياحاتىن جوعارى ساپالى دامىتۋ ءىرى جوسپارىن بىرگە اقىلداستى. اۆتونوميالى رايوندىق پارتكومنىڭ شۋجيى ما شيڭرۇي، مادەنيەت جانە ساياحات مينيسترلىگىنىڭ ورىنباسار مينيسترى لۋ يىڭچۋان ارناۋ ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جينالىستى باسقاردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتىناستى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين شينجياڭنىڭ مادەنيەتىن، ساياحاتىن تانىستىردى.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان اتىنان جينالىستىڭ اشىلعاندىعىن قىزۋ قۇتتىقتايتىندىعىن ءبىلدىردى، ۇزاق ۋاقىتتان بەرى شينجياڭنىڭ ساياحات كاسىبىنىڭ دامۋىنا كوڭىل ءبولىپ، قولداۋ كورسەتىپ كەلە جاتقان ورتالىق پەن مەملەكەتتىڭ مينيسترلىكتەرىنە، كوميتەتتەرىنە، تۋىسقان ولكە، رايون، قالالارعا، سونداي - اق ەل ءىشى - سىرتىنداعى ءار سالاداعى دوستارعا شىن جۇرەكتەن العىس ايتتى. ول بىلاي دەدى: شينجياڭنىڭ مادەنيەت - ساياحات بايلىعى ەلدەن ەرەك، ساياحات كاسىبىن جوعارى ساپالى دامىتۋ باسىمدىعى توتەنشە كورنەكتى. ءبىز باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقاردىق، ساياحات كاسىبىندە قارىشتاپ دامىعان تاماشا جاعداي جارىققا شىعىپ، قوردالانىپ نىعايعان، ەنەرگيا جيناپ قۋات ۇيىستىرعان، زور ىسكەرلىك كورسەتەتىن ماڭىزدى التىن مەزگىلدى قارسى الدىق. ءبىز سەنىمدى بەكەمدەپ، ورايدى مىقتى يگەرىپ، يدەيانى ازات ەتىپ، ءورىس اشا جاڭالىق جاراتىپ، وزگەشە باسىمدىق پەن تارتىمدىلىقتى ونان ارى جارىققا شىعارىپ، شينجياڭنىڭ ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا قاراي بۇرىلىس جاساۋىن ىلگەرىلەتۋىمىز كەرەك. ساياحات ارقىلى شينجياڭدى گۇلدەندىرۋ ستراتەگياسىن اتقارۋدى ماڭىزدى جەتەكشى ەتۋگە تاباندى بولىپ، بۇكىل ەلدىڭ ساياحات كاسىبىن جوعارى ساپالى دامىتۋدىڭ ەرەكشە ۇلگىسى مەن دۇنيە جۇزىندەگى ماڭىزدى ساياحات نىسانالى جەرىن قۇلشىنا تۇلعالاۋىمىز كەرەك. ”شينجياڭ جاقسى جەر“ ماركا وبرازىن سومداۋدى شەشۋشى تۇتقا ەتۋگە تاباندى بولىپ، كۇشتى شوعىرلاندىرا وتىرىپ مەملەكەت دارەجەلى، دۇنيە جۇزىلىك دەڭگەيدەگى ءبىر توپ تانىمالى ساياحات ماركاسىن جاراتىپ، وزەكتى باسەكەلىك قۋاتتى جوعارىلاتۋىمىز كەرەك. مادەنيەت پەن ساياحاتتى توعىستىرۋدى دامۋ بەتالىسى ەتۋگە تاباندى بولىپ، شينجياڭدى مادەنيەتپەن نارلەندىرۋدى ىلگەرىلەتۋمەن ۇشتاستىرىپ، ساپالى مادەنيەت - ساياحات بايلىعىن كادەگە جاراتۋدى، پايدالانۋدى جەدەلدەتىپ، مادەنيەت ارقىلى ساياحاتتى سومداۋدى، ساياحات ارقىلى مادەنيەتتى ايگىلەۋدى جۇزەگە اسىرۋىمىز كەرەك. بۇقارانىڭ كىرىسىن ارتتىرىپ، بايۋدى جەبەۋدى كۇش سالۋ ءتۇيىنى جانە تابان تىرەر تياناق ەتۋگە تاباندى بولىپ، كاسىپ سالاسى تىزبەگىن ۇزارتىپ، جۇمىستاندىرۋ قابىلەتىن كۇشەيتىپ، ءار ۇلت بۇقاراسىن كىرىستى باياندى، ورنىقتى ارتتىرۋعا باستاۋىمىز كەرەك. ارالاسۋدى، ىشتەسۋدى، توعىسۋدى تەرەڭدەتۋدى قۇن تالپىنىسى ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ساياحات كاسىبىنىڭ جوعارى ساپالى دامۋىنىڭ تۇتاس بارىسىنا ءسىڭىرىپ، شينجياڭنىڭ ءىشى - سىرتىنداعى ءار ۇلت بۇقاراسىنىڭ كەڭ كولەمدە ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەۋىمىز كەرەك.
لۋ يىڭچۋان مادەنيەت جانە ساياحات مينيسترلىگى اتىنان جينالىستىڭ اشىلعاندىعىن قىزۋ قۇتتىقتايتىندىعىن ءبىلدىردى. ول بىلاي دەدى: مادەنيەت جانە ساياحات مينيىسترلىگى مادەنيەت - ساياحات ارقىلى شينجياڭعا كومەكتەسۋدى كەلەلى ساياسي مىندەت ەتۋگە تاباندى بولىپ، شينجياڭعا كومەكتەسۋ بايلىعىن، كۇشىن جاپپاي ءبىر تۇتاس جوسپارلاپ، ءتۇرلى قىزمەتتەردى تىڭعىلىقتى ورىستەتىپ، ”شينجياڭ جاقسى جەر“ التىن ماڭدايشالىعىن جارقىراتۋدى ىلگەرىلەتتى. قازىر شينجياڭنىڭ قوعامى ورنىقتى، ۇلتتارى ىنتىماقتى، حالقى باقىتتى، ەكونوميكاسى گۇلدەنىپ دامۋدا، اسىرەسە، ساياحات كاسىبىنىڭ سەرپىلۋى، جاندانۋى بەلسەندى ونىمدىلىككە قول جەتكىزىپ، وڭاي - وسپاق كەلە بەرمەيتىن تاريحي ورايعا ءدوپ كەلدى. وسى رەتكى جينالىستى وراي ەتىپ، شينجياڭنىڭ مادەنيەت، ساياحات بايلىعىن ۇگىتتەۋدىڭ، ايگىلەۋدىڭ جاڭا تۇعىرىن، مادەنيەت پەن ساياحاتتى ىشكەرىلەي توعىستىرۋدىڭ جاڭا دانەكەرىن، شينجياڭ حيكاياسىن ويداعىداي بايانداۋدىڭ جاڭا تەرەزەسىن تۇلعالاۋعا ونان ارى قولداۋ كورسەتىپ، شينجياڭ ساياحاتىنىڭ باسەكەلىك قۋاتىن، باۋراۋ قۋاتىن، ىقپال كۇشىن ۇزدىكسىز كۇشەيتەمىز. شينجياڭنىڭ نەگىزدى ۇزدىكسىز نىعايتىپ، ماركا سومداپ، كاسىپ كۇيىن كەڭەيتىپ، قىزمەت وتەۋدى ساپالىلاندىرىپ، توعىسۋدى جەبەپ، ساياحات ەكونوميكاسىنداعى قۋاتتى رايون قۇرۋ نىساناسىنا قاراي قۇلشىنا قادام تاستاپ، ءار ۇلت بۇقاراسىن دامۋدىڭ پايداسىنان بىرگە يگىلىكتەندىرۋىن ءۇمىت ەتەمىن.
تانىستىرۋ ءماجىلىسى الەمدىك ينتەرنەتتە تىكە تاراتۋ فورماسىندا وتكىزىلدى. ۋاڭ جيانشين شينجياڭنىڭ ايبىندى بەينەسىنىڭ ”كەڭدىگى“، تاۋ - وزەندەرىنىڭ ”كوركەمدىگى“، شۇعىلالى وركەنيەتىنىڭ ”مايەكتىلىگى“، ۇلتتار ىنتىماعىنىڭ ”جاراسىمدىلىعى“، ەسىك اشا دامۋىنىڭ ”ىلگەرىلەگەندىگى“ سياقتى بەس جاقتان تانىستىرۋ جاسادى. ول بىلاي دەدى: وركەنيەت اۋىس - كۇيىس ارقىلى الۋان تۇرلىلەنەدى، ءوزارا ۇلگى الۋ ارقىلى باي مازمۇندى بولادى. جاڭا داۋىردەگى جاڭا جورىقتا شينجياڭ مىڭ جىلدىق جىبەك جولى رۋحىن جالعاستىرىپ، ۇزدىكسىز نۇر - شۇعىلا شاشتىرىپ، بۇكىل دۇنيە جۇزىنە تاعى دا ىستىق ىقىلاسپەن ۇسىنىس جولداپ، توڭىرەكتىڭ ءتورت بۇرىشىنان كەلگەن قوناقتار مەن دوستاردىڭ تيانشان الابىنا كەلىپ، جىبەك جولىنىڭ كوركەم داستانىن بىرگە جازۋىن قىزۋ قارسى الادى.
ماجىلىستە قاشقار ايماعىنىڭ، حۋاچياۋچىڭ (شىنجىن) ساياحاتتى دامىتۋ توبىنىڭ، شينجياڭ مادەنيەت، ساياحات قارجى قوسۋ توبىنىڭ، شينجياڭ يەما توبىنىڭ جاۋاپتىلارى ءسوز سويلەدى.
جينالىس ماڭدايشالىق بەرۋ سالتىن وتكىزدى. اۆتونوميالى رايوننىڭ، مادەنيەت جانە ساياحات مينيسترلىگىنىڭ باسشىلارى مەملەكەتتىك سىرتقى مادەنيەت - ساۋدا بازاسىنا (ىلە)، كوكتوعاي اۋدانى كوكتوعاي مەملەكەت دارەجەلى شاڭعى ساياحات دەمالىس ورنىنا، قاشقار بايىرعى قالاسى يىنشياڭ كوشەسى − جيۋلۇڭچۋان ەرەكشە ساۋدا كوشەسى، حوتان قالاسى تۋانچىڭ ساياحات، سەيىل - سەرۋەن كوشەسى سىندى مەملەكەت دارەجەلى 2 ساياحات، سەيىل - سەرۋەن كوشەسىنە، قاناس كورىنىس ءوڭىرى، نارات كورىنىس ءوڭىرى، تيانشان بوعدا كولى كورىنىس ءوڭىرى، سايرام كولى كورىنىس ءوڭىرى، بيڭتۋان 359 - لۇيىنىڭ تىڭ يگەرۋ ەسكەرتكىش سارايى سىندى مەملەكەت دارەجەلى وركەنيەتتى ساياحاتتان ۇلگى كورسەتەتىن 5 ورىنعا، التاي قالاسى مەن اراسان اۋدانىنىڭ جۇڭگو كليمات ەكولوگيالىق ماركاسى − ”جۇڭگونىڭ تابيعي وتتەگى قامباسىنا“، التاي قالاسى مەن شىڭگىل اۋدانىنىڭ جۇڭگو سايالاۋ ساياحات نىسانالى جەرىنە ماڭدايشالىق بەردى.
جينالىستا جۇڭگو شينجياڭ .ورتا ازيا ساياحات سەلبەستىك وداعى قۇرىلدى ءارى سەلبەستىك نيەتناماسىنا قول قويىلدى، جوعارى دەڭگەيلى 24 ساياحات قوناق ءۇيى مەن ساياحات كاسىپ سالاسى قۇرىلىسى نىسانىنا قول قويىلدى، سوماسى 28 ميلليارد 776 ميلليون يۋانعا جەتتى.
وسى رەتكى جينالىستىڭ فورماسى الۋان ءتۇرلى، مازمۇنى باي بولۋمەن بىرگە، مادەنيەت جانە ساياحات مينيسترلىگى كاسىپ سالاسى نىساندارىنا قىزمەت وتەۋ تۇعىرىنىڭ سارا نىساندارى جونىندە اۋىس - كۇيىس جاساۋ، ءتۇيىستىرۋ قيمىلى جانە شينجياڭ مادەنيەت - ساياحات كاسىپ سالاسىنا قارجى قوسۋدى، قارجى قۇراۋدى جەبەۋ قيمىلى، جاسامپازدىققا تولى جاستىق كوكتەم .جۇڭگو جاستار مادەنيەت - ساياحات جاسامپازدىعى جوبالاۋ جارىسىنىڭ تاڭداۋلى جاسامپازدىق جەتىستىكتەر كورمەسى جانە جارىس سيلىعىن تاراتۋ سالتى، جەلدى سەرىك ەتىپ ”دالادا تۇنەۋ“ شينجياڭدا − شينجياڭ ”دالادا تۇنەۋ تۇرمىسى“ بويىنشا جاڭالىق اشا دامۋ تالقى مىنبەرى سياقتى ءبىر قىدىرۋ ارناۋلى قيمىلدار وتكىزىلدى. ماجىلىسكە قاتىناسۋشىلار تاعى قاشقار ايماعىنىڭ ءارقايسى اۋدان، قالالارىنا بارىپ، قاشقار بايىرعى قالاسى، بەيزاتتىق مادەنيەت مۇرالارى، قۇمدى ءشول ەكسپەدەتسيا ساياحاتى، ءۇستىرت كورىنىسى ساياحاتى سياقتى مادەنيەت - ساياحات نىساندارىن تەكسەرەدى، تاماشالايدى.
چىن ۋيجۇن، سۇن حۇڭمەي، مادەنيەت جانە ساياحات مينيسترلىگىنىڭ قاتىستى تاراۋلارىنداعى جاۋاپتى جولداستار، ورتا ازياداعى 5 ەل ساياحات كاسىبى قوعامدارىنىڭ ۋاكىلدەرى، ءارقايسى ولكە، رايون، قالالاردىڭ مادەنيەت - ساياحات تاراۋلارىنداعى جاۋاپتى جولداستار، بۇكىل ەلدەگى مادەنيەت، ساياحات كاسىپورىندارى مەن فينانس قۇرىلىمدارىنىڭ ۋاكىلدەرى، شينجياڭعا كومەكتەسەتىن ولكە، قالالاردىڭ الدىڭعى شەپ قولباسشىلىق شتابىنداعى، اۆتونوميالى رايوننىڭ قاتىستى تاراۋلارى مەن ورىندارىنداعى جاۋاپتى جولداستار، ءارقايسى ايماق، وبلىس، قالالارداعى وسى سالاعا جاۋاپتى جولداستار جانە مادەنيەت - ساياحات تاراۋلارىنداعى جاۋاپتى جولداستار، ءبىر ءبولىم كينو - تەلەۆيزيا ونەرپازدارى، ينتەرنەتتەگى تانىمال جۇرگىزۋشىلەر، بەيزاتتىق مادەنيەت مۇرالارىن جالعاستىرۋشىلاردىڭ ۋاكىلدەرى، اۆتونوميالى رايوندىق ساياحات كاسىبى قوعامى، ءتۇيىندى ساياحات كورىنىس وڭىرلەرىنىڭ، قاتىستى مادەنيەت - ساياحات كاسىپورىندارىنىڭ، قوناق ۇيلەردىڭ ۋاكىلدەرى قاتارلىلار ماجىلىسكە قاتىناستى.
