□ گازەتىمىزدىڭ شولۋشىسى
مادەنيەت ارقىلى ساياحاتتى سومداپ، ساياحات ارقىلى مادەنيەتتى ايگىلەدى. 2023 - جىلعى اۆتونوميالى رايوننىڭ ساياحاتتى دامىتۋ جينالىسى جانە ”شينجياڭ جاقسى جەر“ اتىنداعى ساياحات تانىستىرۋ ءماجىلىسى ساياحات ارقىلى شينجياڭدى گۇلدەندىرۋ ستراتەگياسىن اتقارۋدى ماڭىزدى جەتەكشى ەتىپ، بۇكىل ەلدىڭ ساياحات كاسىبىن جوعارى ساپالى دامىتۋدىڭ ەرەكشە ۇلگىسى مەن دۇنيە جۇزىندەگى ماڭىزدى ساياحات نىسانالى جەرىن تۇلعالاۋدى العا قويدى ءارى مادەنيەت پەن ساياحاتتى توعىستىرۋدى دامۋ بەتالىسى ەتۋگە تاباندى بولىپ، شينجياڭدى مادەنيەتپەن نارلەندىرۋدى ىلگەرىلەتۋمەن ۇشتاستىرىپ، ساپالى مادەنيەت - ساياحات بايلىعىن كادەگە جاراتۋدى، پايدالانۋدى جەدەلدەتۋدى باسا دارىپتەپ، ”شينجياڭ جاقسى جەر“ ماركاسىن اسقاقتاتۋدىڭ جولىن جانە باعىتىن ايقىندادى.
باس شۋجي شي جينپيڭ بىلتىر شينجياڭدى كوزدەن كەشىرگەندە، ەكونوميكالىق، قوعامدىق دامۋ مەن ەكولوگيالىق ورتانى قورعاۋدىڭ قاتىناسىن دۇرىس ءبىر جايلى ەتىپ، مادەنيەت پەن ساياحاتتىڭ توعىسا دامۋىن ىلگەرىلەتىپ، حالىقتى اۋقاتتاندىراتىن كاسىپ سالاسىن تۇلعالاۋ كەرەكتىگىن اتاپ كورسەتتى. وسى ماڭىزدى بايىمداۋ شينجياڭنىڭ مادەنيەت - ساياحات قىزمەتىن جاقسى ىستەۋگە نازاريالىق بويسۇنۋ ولشەمى مەن عىلمي جەتەكشىلىك ازىرلەدى. مادەنيەت − ساياحاتتىڭ جانى، ساياحات − مادەنيەتتىڭ دانەكەرى، مادەنيەت پەن ساياحاتتىڭ توعىسا دامۋىن ىلگەرىلەتۋ ارقىلى ادامدار تابيعاتتىڭ كوركەمدىگىنەن مادەنيەتتىڭ كوركەمدىگىن سەزىنىپ، جان سۇلۋلىعىن جەتىلدىرە الادى. باسىمدىقتارمەن ءبىرىن - ءبىرى تولىقتاۋعا، ءبىر - بىرىمەن ساي كەلۋگە تاباندى بولىپ، مادەنيەت پەن ساياحاتتىڭ توعىسا دامۋىن ىلگەرىلەتۋ − جاڭا قوزعالىس ەنەرگياسىن قاۋلاتۋدىڭ، جاڭا باسىمدىق قالىپتاستىرۋدىڭ، ساياحات كاسىبىنىڭ جوعارى ساپالى دامۋىن جۇزەگە اسىرۋدىڭ تابيعي تالابى ءارى حالىق بۇقاراسىنىڭ تاماشا تۇرمىسقا دەگەن قاجەتىن ءتىپتى دە ويداعىداي قاناعاتتاندىرۋدىڭ ماڭىزدى شاراسى.
كوپ نەگىزدى مادەنيەت توپتالعان، گۋمانيتارلىق تاريحىنىڭ قاتپارى تەرەڭ، ۇلتتىق سالت - ساناسى قويۋ شينجياڭنىڭ مادەنيەت - ساياحات بايلىعى ەلدەن ەرەك. بەيتيڭ باسقاقتىعى، يارعۇل بايىرعى قالاسى، قىزىل مىڭ ءۇي، كروران ەسكى جۇرتى سياقتى گۋمانيتارلىق كورىنىستەر جۇڭگو مەن شەتەلگە ايگىلى، ۇيعۇر ۇلتىنىڭ ”ءماشىرابى“، قازاق ۇلتىنىڭ ”ايتىسى“، قىرعىز ۇلتىنىڭ ”قومىز ايتىشى“، موڭعۇل ۇلتىنىڭ ”نادام جينالىسى“ جۇڭحۋا مادەنيەتىنىڭ دارقاندىعىن، سيىسىمدىلىعىن ايگىلەيدى، توراڭعى رۋحىندا، بيڭتۋان رۋحىندا، ارميانىڭ تىڭ يگەرۋ مادەنيەتىندە وسىناۋ ىرىستى ءوڭىردىڭ قىزىل گەنى ورنەكتەلگەن. وسىنداي ماقتانارلىق تابيعي باسىمدىققا يە شينجياڭ ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋ بارىسىندا مادەنيەتتىڭ ىشكى ءمانىن تەرەڭدەي اشىپ، مادەنيەتتىڭ تارتىمدىلىعىن جوعارىلاتىپ، ساياحات بايلىعىنداعى ۇلكەن رايون بولۋدان ساياحات ەكونوميكاسىنداعى قۋاتتى رايون بولۋعا قاراي بۇرىلىس جاساۋ ءۇردىسىن ىلگەرىلەتۋ بارىسىندا توپ جارىپ، توپتان وزۋى كەرەك.
سوڭعى جىلدارى شينجياڭ شينجياڭدى مادەنيەتپەن نارلەندىرۋدى تىڭعىلىقتى ىلگەرىلەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، مادەنيەتپەن رۋحتى سومداۋ، مادەنيەتپەن قۋات ۇستەۋ رولىن تولىق ساۋلەلەندىرىپ، مادەنيەت ارقىلى ساياحاتتىڭ مازمۇنىن بايىتىپ، ساياحاتتىڭ دەڭگەيىن جوعارىلاتىپ، ساياحات ارقىلى مادەنيەتتىڭ تارالۋىن جەتەكتەپ، مادەنيەتتىڭ گۇلدەنۋىن ىلگەرىلەتتى. مادەنيەت - كوركەمونەر فەستيۆالى قيمىلدارىنىڭ وتكىزىلۋى، مادەنيەت - ساياحات سارا جەلىلەرىنىڭ اشىلۋى، مادەنيەت پەن ساياحاتتى توعىستىرۋدىڭ تاماشا تاراۋىن جازدى ءارى ”شينجياڭ جاقسى جەر“ ماركاسىن جۇرت جۇرەگىنە تەرەڭ ۇيالاتتى.
سونىمەن بىرگە مىنانى سەرگەكتىكپەن كورە ءبىلۋىمىز كەرەك، ساياحات كاسىبىنىڭ جوعارى ساپالى دامۋىنىڭ جاڭا جاعدايى، ءار ۇلت حالقىنىڭ كۇننەن - كۇنگە ارتقان رۋحاني مادەنيەت سۇرانىسى الدىندا، شينجياڭنىڭ مادەنيەت پەن ساياحاتىنىڭ توعىسا دامۋى ءتىپتى دە كەڭ كولەمدە، ءتىپتى دە تەرەڭ ساتىدا، ءتىپتى دە جوعارى دەڭگەيدە مادەنيەت - ساياحات ىستەرىنىڭ جان - جاعىندا بەينەلەنۋى ءتيىس. مادەنيەت پەن ساياحاتتىڭ توعىسۋىنىڭ شەشۋشى وزەگىن مىقتاپ ۇستاپ، كورىنىس وڭىرلەرىنىڭ مادەنيەت مازمۇنىن جالپى بەتتىك جوعارىلاتىپ، كۇشتى شوعىرلاندىرا وتىرىپ، مەملەكەت دارەجەلى، دۇنيە ءجۇزى دارەجەلى ءبىر توپ مادەنيەت پەن ساياحاتتى توعىستىرۋ ماركاسىن تۇلعالاپ، وزەكتى باسەكەلىك قۋاتتى جوعارىلاتۋ؛ ۇستانىمدا جاڭالىق اشىپ، وڭىرلىك ەرەكشەلىكتى ايگىلەيتىن، دەربەس ماركاسى بار، ساياحاتشىلار قۋانا قابىلدايتىن ءبىر توپ مادەنيەت پەن ساياحاتتى توعىستىرۋ تاۋارىنىڭ ءورىسىن كەڭەيتۋ، اشۋ؛ مادەنيەت پەن ساياحاتتى توعىستىرۋدىڭ جاڭا جاعدايىن بەلسەنە جاساپ، ەلىتە سەزىنۋدى كۇشەيتىپ، قىزمەت وتەۋ ساپاسىن جوعارىلاتىپ، ەل ءىشى - سىرتىنداعى ساياحاتشىلارعا شينجياڭنىڭ ايبىندى تاۋ، اسەم كورىنىسىن تاماشالاتۋمەن بىرگە، ولارعا مادەنيەتتىڭ ءنارىن اڭعارتۋ كەرەك.
تاۋ - سۋ مادەنيەتپەن كوز سۇرىندىرەدى، مادەنيەت تاۋ - سۋمەن جان سۇيىندىرەدى. مادەنيەت پەن ساياحاتتىڭ توعىسا دامۋى مادەنيەت قۇرىلىسى مەن ساياحات دامۋىنىڭ ىشكى تالابى ءارى تابيعي جەمىسى. ءبىز ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، مادەنيەت پەن ساياحاتتىڭ تەرەڭ توعىسۋىن ىلگەرىلەتىپ، شينجياڭ ساياحاتىنىڭ وزگەشە باسىمدىعى مەن تارتىمدىلىعىن ونان ارى اشىپ، اناعۇرلىم ساپالى مادەنيەت - ساياحاتتىق قىزمەت وتەۋمەن، ”شينجياڭ جاقسى جەر“ ماركاسىن دۇنيە جۇزىنە ايگىلەيىك.
