شينحۋا اگەنتتىگىنىڭ 6 - ايدىڭ 14 - كۇنى بەيجيڭنەن بەرگەن حابارى. 6 - ايدىڭ 14 - كۇنى مەملەكەت ءتوراعاسى شي جينپيڭ الەمدىك ادامدىق ۇقىق ىستەرىن باسقارۋ جوعارى دارەجەلىلەر تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: كەزەكتە ادامزات تاعى ءبىر رەت تاريحتىڭ جول ايىرىعىنا تۋرا كەلدى، الەمدىك ادامدىق ۇقىق ىستەرىن باسقارۋ قاتاڭ سايىسقا ءدوپ كەلۋدە. ءبىز حاۋىپسىزدىك ارقىلى ادامدىق ۇقىقتى قورعاۋدى، ءار ەلدىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋدى، بەيبىت دامۋ جولىمەن بىرگە ءجۇرىپ، الەمدىك حاۋىپسىزدىك باستاماسىن امالياتتا ايگىلەپ، ادامدىق ۇقىقتى جۇزەگە اسىرۋعا تىنىش ورتا جاراتۋدى؛ دامۋ ارقىلى ادامدىق ۇقىقتى جەبەپ، الەمدىك دامۋ باستاماسىن امالياتتا ايگىلەپ، دامۋدىڭ قامتىمدىلىعىن، جالپىعا تيىمدىلىگىن جانە باياندىلىعىن كۇشەيتىپ، وزىندىك ەرەكشەلىككە يە وسىزامانداندىرۋ جولى ارقىلى ءار ەل حالقىنىڭ ادامدىق ۇقىقتان ءادىل يگىلىكتەنۋىن قامتاماسىز ەتۋدى؛ سەلبەستىك ارقىلى ادامدىق ۇقىقتى جەبەپ، ءوزارا قۇرمەت ەتىپ، تەڭ مامىلە جاساپ، الەمدىك وركەنيەت باستاماسىن امالياتتا ايگىلەپ، وركەنيەتتەر ارا اۋىس - كۇيىس جاساۋدى، ءوزارا ۇلگى الۋدى كۇشەيتىپ، تىلدەسۋ ارقىلى ورتاق تانىم ۇيىستىرىپ، ادامدىق ۇقىق وركەنيەتىنىڭ دامۋىن، العا باسۋىن بىرگە ىلگەرىلەتۋدى دارىپتەيمىز.
شي جينپيڭ بىلاي دەپ باسا دارىپتەدى: جۇڭگو حالىقتى بارىنەن جوعارى قويۋعا تاباندى بولادى، ءداۋىر اعىمىنا ساي كەلەتىن، ءوز ەلىنىڭ جاعدايىنا ۇيلەسەتىن ادامدىق ۇقىق ىستەرىن دامىتۋ جولىمەن جۇرۋگە تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا ادامدىق ۇقىقتى قامتاماسىز ەتۋ ورەسىن ۇزدىكسىز جوعارىلاتىپ، ادامدار ەركىندىگىنىڭ جان - جاقتىلى دامۋىن جەبەيدى. جۇڭگو حالىقارالىق قوعاممەن بىرگە «ۆەنا جارناماسى مەن ارەكەت باعدارناماسىنىڭ» رۋحىن امالياتتا ايگىلەپ، الەمدىك ادامدىق ۇقىق ىستەرىن باسقارۋدىڭ ءتىپتى دە ءادىل، ادىلەتتى، ۇيلەسىمدى، قامتىمدى بولعان باعىتقا قاراي دامۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ءتىپتى دە كوركەم دۇنيە ءجۇزىن بىرگە قۇرۋدى قالايدى.
الەمدىك ادامدىق ۇقىق ىستەرىن باسقارۋ جوعارى دارەجەلىلەر تالقى مىنبەرىن مەملەكەتتىك كەڭەس اقپارات كەڭسەسى، سىرتقى ىستەر مينيسترلىگى جانە مەملەكەتتىك حالىقارالىق دامۋ سەلبەستىك مەكەمەسى بىرگە ۇيىمداستىرعان، نەگىزگى تاقىرىبى: ”تەڭدىك، سەلبەستىك، دامۋ: «ۆەنا جارناماسى جانە ارەكەت باعدارناماسى» ماقۇلدانعاندىعىنىڭ 30 جىلدىعى جانە الەمدىك ادامدىق ۇقىق ىستەرىن باسقارۋ“، تالقى مىنبەرى 6 - ايدىڭ 14 - كۇنى بەيجيڭدە اشىلدى.
