«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، جاڭا داۋىردەگى پارتيا قۇرىلىسى سىندى جاڭا ۇلى ينجەنەريانىڭ تەرەڭدەي دامۋىن ىلگەرىلەتۋ كەرەك
شينحۋا اگەنتتىگىنىڭ 6 - ايدىڭ 15 - كۇنى بەيجيڭنەن بەرگەن حابارى. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، جاڭا داۋىردەگى پارتيا قۇرىلىسى سىندى جاڭا ۇلى ينجەنەريانىڭ تەرەڭدەي دامۋىن ىلگەرىلەتۋ كەرەك» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: پارتيا قۇرىلىسىن ۇلى ينجەنەريا رەتىندە ىلگەرىلەتۋ ءارى پارتيانى پارتيا باسقارۋ، پارتيانى جاپپاي قاتاڭ باسقارۋ پرينسيبىنە جانە باعىتىنا باستان - اياق تاباندى بولۋ − پارتيامىزدىڭ زور جاسامپازدىعى، پارتيا قۇرۋداعى، مەملەكەت قۇرۋداعى، پارتيانى گۇلدەندىرۋدەگى، مەملەكەتتى قۇدىرەتتەندىرۋدەگى ۇلكەن اسىلى. پارتيا 18 - قۇرىلتايىنان بەرى ءبىز پارتيانى جاپپاي قاتاڭ باسقارۋدى جاڭا داۋىردەگى پارتيا قۇرىلىسىنىڭ ايقىن تاقىرىبى ەتىپ، ءبىر قىدىرۋ جاسامپاز ۇستانىمداردى ورتاعا قويىپ، ءبىر قىدىرۋ وزگەرىس امالياتتارىن جۇزەگە اسىرىپ، ءبىر قىدىرۋ ءتۇزىم - ولشەمدەردى اقاۋسىزداندىرىپ، پارتيا قۇرىلىسى سىندى وسى ۇلى ينجەنەريانىڭ ۇزدىكسىز تەرەڭدەي دامۋىن ىلگەرىلەتىپ، پارتيانى جاپپاي قاتاڭ باسقارۋ جۇيەسىن العاشقى قادامدا ورناتتىق.
ماقالادا مىنالار اتاپ كورسەتىلدى: پارتيانى جاپپاي قاتاڭ باسقارۋ جۇيەسىن ورناتۋ − جالپى جاعداي سيپاتىنا، نەگىز قالاۋ سيپاتىنا يە قىزمەت. جاڭا ءداۋىردىڭ 10 جىلىندا پارتيامىز وزىنە - ءوزى توڭكەرىس جاساۋدىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيا قۇرىلىسىنىڭ نازاريادا جاڭالىق اشۋىن، امالياتتا جاڭالىق اشۋىن، تۇزىمدە جاڭالىق اشۋىن ۇزدىكسىز ىلگەرىلەتىپ، پارتيانى جاپپاي قاتاڭ باسقارۋ جۇيەسىن ورناتۋدا مول جەتىستىكتەر توپتادى. ءبىز پارتيانىڭ ساياسي قۇرىلىسىن پارتيانىڭ ءتۇبىرلى قۇرىلىسى ساناپ، يدەيا قۇرىلىسىن پارتيانىڭ نەگىزدىك قۇرىلىسى ساناپ، جاڭا داۋىردەگى پارتيانىڭ ۇيىمدىق لۋشيانىن ورتاعا قويىپ جانە وعان تاباندى بولىپ، ستيل قۇرىلىسىنىڭ سونى لەبىمەن حالىق بۇقاراسىنىڭ سەنىمىنە، قولداۋىنا يە بولىپ، ءتارتىپ قۇرىلىسىن پارتيا قۇرىلىسىنىڭ جالپى تۇلعالىق ورنالاستىرۋىنا ەنگىزىپ، ءتۇزىم قۇرىلىسىن پارتيانىڭ ءارقايسى قۇرىلىسىمەن ساباقتاستىرىپ، تاريحتا بولماعان شىرىكتەسۋگە قارسى تۇرۋ كۇرەسىن ورىستەتىپ، شىرىكتەسۋگە قارسى تۇرۋدىڭ جۇڭگوشا ەرەكشەلىككە يە جولىمەن ءساتتى جۇردىك. بۇكىل دۇنيە جۇزىنە كوز سالساق، ءارقانداي ءبىر ساياسي پارتيا جۇڭگو كوممۋنيستىك پارتياسىنداي وزىندىك قۇرىلىسقا قاتاڭ، مۇقيات مامىلەدە بولعان ەمەس، وسىنداي جوعارى سانالى عىلمي پوزيتسيامەن، جۇيەلىلەنگەن تاسىلمەن ءوز - وزىنە توڭكەرىس جاساۋدى ىلگەرىلەتكەن ەمەس، بۇل ءبىزدىڭ پارتيامىزدىڭ كورنەكتى باسىمدىعى ءارى داۋىرگە جەتەكشىلىك ەتەتىن جەڭىسكە جەتۋ جولى.
ماقالادا مىنالار اتاپ كورسەتىلدى: پارتيانى جاپپاي قاتاڭ باسقارۋ جۇيەسىن اقاۋسىزداندىرۋ − پارتيا 20 - قۇرىلتايى ورتاعا قويعان جاڭا داۋىردەگى پارتيا قۇرىلىسىن كۇشەيتۋدىڭ ماڭىزدى شاراسى. پارتيانى جاپپاي قاتاڭ باسقارۋ جۇيەسى مازمۇنى باي، فۋنكتسياسى كەمەلدى، عىلمي جۇيەگە تۇسكەن، اينالىمى جوعارى ءونىمدى، يكەمدى جۇيە بولۋعا ءتيىس. وسى جۇيەنى اقاۋسىزداندىرۋدا پارتيانى ءتۇزىم ارقىلى باسقارۋعا، پارتيانى قاعيدا بويىنشا باسقارۋعا تاباندى بولىپ، پارتيانىڭ ءتۇرلى جاقتاعى قۇرىلىستارىنىڭ جاندى ۇشتاسۋىن، بىرگە ارەكەتتەنىپ شوعىرلانۋىن، سەلبەسىپ سايكەسۋىن اناعۇرلىم كورنەكتىلەندىرۋگە، ءتۇزىلىس - مەحانيزمدەردىڭ اقاۋسىز، كەمەلدى بولۋىن جانە زاڭ ەرەجە، تۇزىمدەردىڭ عىلمي، ءونىمدى بولۋىن اناعۇرلىم كورنەكتىلەندىرۋگە، باسقارۋ ۇستانىمىن، جۇيە كوزقاراسىن، ديالەكتيكالىق ويدى قولدانىپ پارتيانى باسقارۋدى، پارتيانى جونگە سالۋدى، پارتيانى گۇلدەندىرۋدى اناعۇرلىم كورنەكتىلەندىرۋگە تۋرا كەلەدى. مازمۇن جاعىندا جاپپاي قامتۋعا تاباندى بولىپ ، پارتيا قۇرىلىسى قاي جەرگە دەيىن ىلگەرىلەتىلسە، پارتيانى جاپپاي قاتاڭ باسقارۋ جۇيەسىن دە سول جەرگە دەيىن ورناتۋ كەرەك. وبيەكتى جاعىندا جاپپاي قامتۋعا تاباندى بولىپ، پارتيانىڭ ءار دارەجەلى ۇيىمدارى مەن بارلىق پارتيا مۇشەلەرىنە باعىتتالىپ، بۇكىل پارتيانى باسقارۋدى، بۇكىل پارتيانى جونگە سالۋدى ورىنداۋ كەرەك. جاۋاپكەرشىلىك جاعىندا تۇتاس تىزبەكتى بولۋعا تاباندى بولىپ، قىسىمدى ساتى - ساتى بويىنشا جەتكىزۋ، جاۋاپكەرشىلىكتى ءاربىر بۋىنعا دەيىن بەكەمدەۋ كەرەك. ءتۇزىم جاعىندا جاپپاي تۇتاستىرۋعا تاباندى بولىپ، ءتۇزىم قۇرىلىسىنىڭ تالاپتارىن پارتيانى جاپپاي قاتاڭ باسقارۋدىڭ تۇتاس بارىسىندا، ءارقايسى جاقتارىندا، ءاربىر ساتىسىندا ايگىلەۋ كەرەك.
ماقالادا مىنالار باسا دارىپتەلدى: پارتيانى جاپپاي قاتاڭ باسقارۋ جۇيەسىن اقاۋسىزداندىرۋ − بۇكىل پارتيانىڭ ورتاق جاۋاپكەرشىلىگى، ءسوز جوق، پارتيانىڭ ساياسي باسىمدىعىن، ۇيىمدىق باسىمدىعىن، ءتۇزىم باسىمدىعىن تولىق ساۋلەلەندىرۋ كەرەك. پارتيا ورتالىق كوميتەتىنىڭ شوعىرلى، ءبىر تۇتاس باسشىلىعىندا، اركىم ءوز جاۋاپكەرشىلىگىن ارقالايتىن، ءبىر تۇتاس سايكەسەتىن پارتيانى باسقارۋ، پارتيانى جونگە سالۋ جاۋاپكەرشىلىگى ارناسىن اقاۋسىزداندىرىپ، جاپپاي بولۋ تالابىن، قاتاڭ نەگىزگى اۋەندى، باسقارۋ ۇستانىمىن پارتيانى جاپپاي قاتاڭ باسقارۋ جۇيەسىن ورناتۋ بارىسىندا تياناقتاندىرىپ، تۇزىمدەنۋ، جۇيەلىلەنۋ، عىلميلانۋ دەڭگەيىن ۇزدىكسىز جوعارىلاتىپ، پارتيانى جاپپاي قاتاڭ باسقارۋ قىزمەتتەرىنىڭ اناعۇرلىم ويداعىداي ءداۋىر سيپاتىن ايگىلەۋىنە، زاڭدىلىقتى يگەرۋىنە، جاسامپازدىققا باي بولۋىنا مۇمكىندىك جاساپ، پارتيا مەن مەملەكەت ىستەرىنىڭ اقاۋسىز دامۋىنا ساياسي، يدەيالىق، ۇيىمدىق كەپىل ازىرلەۋ كەرەك.
