انار بۇلت \ شينجياڭ گازەتىنىڭ ءتىلشىسى چىن چياڭۋي 6 - ايدىڭ 15 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 5 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 125 ميلليارد 60 ميلليون يۋان بولىپ، سايكەس مەزگىلدەگىدەن ％9. 85 ارتىپ، بۇكىل ەلدىڭ ارتۋ قارقىنىنان 2. 81 پايىز جوعارى بولىپ، الدىڭعى جىلداعىمەن سالىستىرعاندا 2 اي بۇرىن 100 ميلليارد يۋانعا جەتكەن. مۇنىڭ ىشىندە، 5 - ايدا شينجياڭنىڭ سىرتقى ساۋداسىنىڭ ايلىق يمپورت - ەكسپورت قۇنى تاريحتاعى ەڭ جوعارى دەڭگەيدەن اسىپ، تاريحتاعى ءبىر ايداعى ەڭ جوعارى قۇندى جاراتتى.
الدىڭعى 5 ايدا شينجياڭنىڭ سىرتقى ساۋدا ەكسپورت قۇنى 105 ميلليارد 790 ميلليون يۋان بولىپ، سايكەس مەزگىلدەگىدەن ％1. 95 ارتىپ، بۇكىل ەلدىڭ ارتۋ قارقىنىنان 87 پايىز جوعارى بولدى؛ يمپورت قۇنى 19 ميلليارد 270 ميلليون يۋان بولىپ، سايكەس مەزگىلدەگىدەن ％7. 47 ارتىپ، بۇكىل ەلدىڭ ارتۋ قارقىنىنان 2. 47 پايىز جوعارى بولدى. 5 - ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 30 ميلليارد 110 ميلليون يۋان بولىپ، سايكەس مەزگىلدەگىدەن ％8. 96 ارتتى.
”بيىل شينجياڭنىڭ سىرتقى ساۋداسىنىڭ ايلىق يمپورت - ەكسپورت قۇنى اي سايىن ارتىپ، شينجياڭنىڭ سىرتقى ساۋداسىنىڭ دامۋ سەرپىمدىلىگى ءبىرشاما كۇشتى بولۋداي ەرەكشەلىگىن ايگىلەدى“، - دەدى ءۇرىمجى كەدەنى ساناققا تالداۋ جاساۋ باسقارماسىنىڭ ورىنباسار باستىعى چىن گولياڭ.
تۇتاس شينجياڭنان الىپ قاراعاندا، الدىڭعى 5 ايدا ءۇرىمجى قالاسىنىڭ يمپورت - ەكسپورت قۇنى سايكەس مەزگىلدەگىدەن ％1. 71 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％1. 25ىن يەلەپ، ءارقايسى ايماق، وبلىس، قالالارعا ۇزدىكسىز باستاماشى بولدى. قاشقار ايماعىنىڭ 5 - ايداعى ايلىق يمپورت - ەكسپورت قۇنى سايكەس مەزگىلدەگىدەن ％1. 390 ارتىپ، كولەمى مەن ارتۋ قارقىنى تۇتاس شينجياڭداعى ءارقايسى ايماق، وبلىس، قالالاردىڭ الدىندا تۇردى.
ساۋدا سەرىكتەرىنەن الىپ قاراعاندا، الدىڭعى 5 ايدا جۇڭگونىڭ شينجياڭى ورتا ازياداعى 5 ەلمەن اراداعى يمپورت - ەكسپورت قۇنى 100 ميلليارد 130 ميلليون يۋان بولىپ، سايكەس مەزگىلدەگىدەن ％9. 99 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％1. 80ىن يەلەگەن. بىلتىرعى سول تۇستا جۇڭگونىڭ شينجياڭىنىڭ ”ءبىر بەلدەۋ ءبىر جول“ بويىنداعى ەلدەرمەن اراداعى يمپورت - ەكسپورت قۇنى 115 ميلليارد 420 ميلليون يۋان بولىپ، سايكەس مەزگىلدەگىدەن ％3. 89 ارتقان؛ وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىندەگى باسقا مۇشە ەلدەرمەن اراداعى يمپورت - ەكسپورت قۇنى سايكەس مەزگىلدەگىدەن ％9. 8 ارتقان؛ ەۆروپا وداعىمەن اراداعى يمپورت - ەكسپورت قۇنى سايكەس مەزگىلدەگىدەن ％5. 31 ارتقان.
شارۋاشىلىق تۇلعاسىنان الىپ قاراعاندا، حالىقتىق كاسىپورىنداردىڭ ومىرشەڭدىگى جەدەل جارىققا شىقتى. الدىڭعى 5 ايدا شينجياڭدا يمپورت - ەكسپورت ناقتى ناتيجەسى بار سىرتقى ساۋدا كاسىپورىندارى سايكەس مەزگىلدەگىدەن ％5. 10 ارتقان. حالىقتىق كاسىپورىنداردىڭ يمپورت - ەكسپورت قۇنى 117 ميلليارد 840 ميلليون يۋان بولىپ، سايكەس مەزگىلدەگىدەن ％4. 100 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％2. 94ىن يەلەگەن؛ شەتەل ساۋداگەرلەرى قارجى قوسقان كاسىپورىنداردىڭ يمپورت - ەكسپورت قۇنى سايكەس مەزگىلدەگىدەن ％2. 34 ارتقان.
تاۋار قۇرىلىمىنان الىپ قاراعاندا، الدىڭعى 5 ايدا شينجياڭنىڭ ەڭبەك شوعىرلانعان ونىمدەرى مەن ماشينا - ەلەكتر ونىمدەرى ەكسپورتىنىڭ تەبىنى ۇزدىكسىز ارتىپ، ەكسپورت قۇنى سايكەس مەزگىلدەگىدەن جەكە - جەكە ％3. 118، ％3. 110 ارتىپ، شينجياڭنىڭ سىرتقى ساۋدا ەكسپورت جالپى قۇنىنىڭ جيىنى ％8. 84ىن يەلەگەن. ەلەكترلى اۆتوكولىك، ليتي يوندى اككۋمۋلياتور، كۇن ەنەرگياسى باتارەياسىنىڭ ەكسپورت قۇنى سايكەس مەزگىلدەگىدەن جەكە - جەكە ％4. 410، ％9. 85، 2. 90 ەسە ارتتى. الدىڭعى 5 ايدا ەنەرگيا بايلىعى تۇرىندەگى تاۋار يمپورتى ورنىقتىلىق بارىسىندا ارتىپ، جيىنتىعى بىلتىرعى سول تۇستاعى شينجياڭنىڭ سىرتقى ساۋدا يمپورت جالپى قۇنىنىڭ ％9. 58ىن ۇستادى.
”ەكسپورت ەرەكشەلىگىنەن الىپ قاراعاندا، شينجياڭنىڭ ەرەكشە اۋىل شارۋاشىلىق ونىمدەرىن ەكسپورت ەتۋ تەبىنى ءبىرشاما جاقسى بولدى“. چىن گولياڭ بىلاي دەدى: الدىڭعى 5 ايدا شينجياڭنىڭ اۋىل شارۋاشىلىق ونىمدەرىنىڭ ەكسپورت قۇنى سايكەس مەزگىلدەگىدەن ％4. 52 ارتقان، مۇنىڭ ىشىندە ％40تەن استامى ورتا ازياعا جانە رەسەيگە ساتىلدى.
بيىل جىل باسىنان بەرى شينجياڭ جىبەك جولى ەكونوميكالىق بەلدەۋى وزەكتى رايونى باسىمدىعىن تولىق ساۋلەلەندىرىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن كۇش سالا ىلگەرىلەتىپ، اشىق ەكونوميكالىق تۇزىلىستە جاڭالىق اشىپ، سىرتقى ساۋدانىڭ ورنىقتى تۇردە ساپاسىن جوعارىلاتۋىنا دەم بەرىپ، سىرتقى ساۋدانىڭ ورنىقتى ارتۋىن پارمەندى تۇردە ىلگەرىلەتتى.
