انار بۇلت \ شينجياڭ گازەتىنىڭ ءتىلشىسى ساۋ حۋا 6 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، 6 - ايدىڭ17 - كۇنى − 29 - رەتكى دۇنيە جۇزىلىك شولەيتتەنۋدەن، قۋاڭشىلىقتان ساقتانۋ جانە ونى تىزگىندەۋ كۇنى. سوڭعى جىلدارى شينجياڭ ”ءۇش تەرىستىك“ ىقتاسىن ورمانى، ەگىستىك جەردى ورمانعا قايتارۋ، تارىم ويپاتىنىڭ توڭىرەگىندە قۇمايتتانۋدان ساقتانۋ، قۇمدى تىزگىندەۋ سياقتى مەملەكەتتىك ءتۇيىندى ەكولوگيالىق ينجەنەريالارعا سۇيەنىپ، قۇمدى ءشولدىڭ الدىڭعى جيەگىندە، قۇمدى ءشول − جاسىل القاپ وتپەلى بەلدەۋىندە، جاسىل القاپ توڭىرەگىندە شولەيتتەنۋدەن ساقتانۋ جانە ونى تىزگىندەۋ قىزمەتىن بەلسەنە ورىستەتتى، قازىر قۇمايتتانۋدان ساقتانۋ، قۇمدى تىزگىندەۋ 3 دارەجەلى قورعانىس جۇيەسى قالىپتاسىپ، قۇمدى ءوڭىردىڭ ەكولوگيالىق ورتاسىن پارمەندى جاقسارتتى.
شينجياڭ − ەلىمىزدەگى قۇمايتتانعان جەر اۋدانى ەڭ ۇلكەن، تارالۋى ەڭ كەڭ، قۇمدى بوراننىڭ قاتەرى ەڭ اۋىر ولكە، بۇكىل رايونداعى قۇمايتتانعان جەر اۋدانى 746 مىڭ 800 شارشى كيلومەتر، مۇنىڭ ىشىندە قۇمايتتانۋى تىزگىندەلەتىن جەر اۋدانى 78 مىڭ 700 شارشى كيلومەترگە جەتەدى.
قۇمايتتانعان جەردىڭ كەڭەيۋىن تەجەۋ ءۇشىن، پارتيا 18 - قۇرىلتايىنان بەرى مەملەكەتتىڭ، اۆتونوميالى رايوننىڭ ساياسات - نىساندارىنىڭ قولداۋىنا سۇيەنىپ، جەر - جەر قۇمدى ءشولدىڭ جيەگىندەگى ەكولوگياسى ءالسىز، ادامزات قيمىلى از، تىزگىندەۋ شارت - جاعدايىن ۋاقىتشا ازىرلەمەگەن وڭىرلەردى قورشاپ، تابيعي قالپىنا كەلۋ مەن ينجەنەريالىق قۇمدى بوگەۋدى نەگىز ەتىپ، كوشپەلى قۇمنىڭ جىلجۋىن تەجەدى؛ قۇمدى ءشول − جاسىل القاپ وتپەلى بەلدەۋىندە بوراننان ساقتانىپ، قۇمدى تىزگىندەۋ بۇتا - بۇرگەن ءشوپ بەلدەۋىن قۇردى، بۇل ماڭايىن توسىپ ورنىقتىرۋ رولىن اتقاردى؛ جاسىل القاپتىڭ اينالاسىنان بوراننان ساقتانۋدى، قۇمدى تىزگىندەۋدى، اپات زيانىن ازايتۋدى باستى ماقسات ەتكەن بوراننان ساقتانۋ، قۇمدى بوگەۋ نەگىزگى ورمان بەلدەۋىن قۇردى. ۇزاق ۋاقىت قاجىماي - تالماي قۇلشىنۋ ارقىلى قازىر شينجياڭ قۇمدى ءشولدىڭ جيەگىنەن جاسىل القاپتىڭ اينالاسىنا دەيىنگى قۇمايتتانۋدان ساقتانۋ، قۇمدى تىزگىندەۋ 3 دارەجەلى قورعانىس جۇيەسىن ورناتتى.
قازىرگە دەيىن شينجياڭ مەملەكەتتىك قۇمايتتانعان جەردى قورشاپ قورعاۋ وڭىرىنەن جيىنى 46سىن قۇرىپ، قورعالاتىن اۋماق 5393 شارشى كيلومەترگە جەتتى، قۇمايتتانعان اۋماق توڭىرەگىندە قۇمايتتانۋ، كەڭەيۋ جاعدايى باسەڭدەدى، بوراننىڭ جەمىرۋ مولشەرى مەن قۇم كوتەرىلۋ مولشەرى كورنەكتى تومەندەدى، ءىشىنارا كوشپەلى قۇمدى ءشولدىڭ بەتىندە قاق قالىپتاستى، اسىرەسە، سولتۇستىك شينجياڭداعى قۇمايتتانۋى بوگەلگەن وڭىردەگى تابيعي وسىمدىك جامىلعىسى كورنەكتى قالپىنا كەلدى. جەر - جەر تاعى تابيعي قورعالاتىن جەردى سۇيەنىش ەتىپ، قۇمايتتانعان جەردى قورعاپ، مەملەكەتتىك قۇمدى ءشول باقشاسىنان جيىنى 27سىن قۇرىپ، سانى جاعىنان بۇكىل ەل بويىنشا ماڭداي الدى ورىندى يەلەپ، قورعالاتىن قۇمايتتانعان جەر اۋدانى 1919 شارشى كيلومەتر بولدى.
مەملەكەت شينجياڭداعى حوتان ايماعى، اقسۋ ايماعى، چەرشەن اۋدانى، شونجى اۋدانى، ماكىت اۋدانى سياقتى مەملەكەتتىك قۇمايتتانۋدان ساقتانۋ، قۇمدى تىزگىندەۋ بويىنشا 5 كەشەندى ۇلگى كورسەتۋ اۋماعىن قۇرىپ، ۇلگى كورسەتۋ اۋماعى قۇرىلىسىن جەتەكشى ەتىپ، قۇمدى ءوڭىردىڭ ينجەنەريالىق قورعانۋى، وسىمدىك جامىلعىلارىنىڭ قالپىنا كەلۋى، تيجارات سيپاتتى قورعانۋ، جاسىل القاپ - قۇمدى ءشول وتپەلى بەلدەۋىنىڭ بوراننان ساقتانۋ، قۇمدى تىزگىندەۋ سياقتى شينجياڭنىڭ ءىس جۇزىندىك جاعدايىنا ۇيلەسەتىن قولدانىلمالى تەحنيكا ۇلگىسىن قورىتىندىلادى، جالپىلاستىردى.
”14 - بەسجىلدىق“ كەزىندە شينجياڭ 22 ميلليون 500 مىڭ مۋ قۇمايتتانعان جەردى وڭاپ، ءتۇيىندى وڭىرلەردەگى ورمان، ءشوپ جامىلعىسىنىڭ ۇزدىكسىز مولايۋىن ىلگەرىلەتىپ، قۇمايتتانعان جەر اۋماعىن ۇزدىكسىز ازايتىپ، قۇمايتتانۋ دارەجەسىن ۇزدىكسىز باسەڭدەتىپ، ەكولوگيالىق جۇيەنىڭ ساپاسى مەن ەكولوگيالىق جاعدايىن ۇزدىكسىز جاقسارتىپ، ەكولوگيالىق حاۋىپسىزدىك قالتقىسىن ءتىپتى دە بەكەمدەيدى.
